It All Started in RPW (Published Under LLP)

CHAPTER 21

Sad to say guys pero 2 chaps nalang ang IASIR and it will end na 🤧. But I hope magustuhan niyo ang new story ko na gagawin. It's Romance ft. Action.

take care guysss ilyyyy

CHAPTER 21

TITIG na titig ako sa kulay kahel na kalangitan. Biyernes ng hapon hindi pa ako makaalis sa school dahil ayaw pa magpalabas ng guard tss.

Marahas akong napabuntong hininga lalo na ng maalala ko kung paanong ang mga kaibigan kong magsisilbing kasangga ko sa lahat unti-unting nawala na tila ba bula.

Una si Jino, sumunod ang pinakamatalik kong kaibigan na si Nelly. Ngayon si Viale naman na nag-uumpisa ko pa lang makasama. Ano bang mali sa'kin para mawala 'yung mga taong nagpapakuntento sa buhay ko?

Nawala si Daddy dahil sa isang insidente, habang si Mommy nakokontrol ng mag-amang 'yon.

" 'Yong totoo binuhay ba ako para magpakasakit ng ganito?" mahinang tanong at napakurap-kurap ng maramdaman ang mga luhang nagbabadyang tumulo.

Umayos ako ng upo at tinitigan ang cellphone ko. Doon nagsimula lahat eh. Kung hindi ko ba pinasok ang tinatawag nilang pekeng mundo magkakaganito kaya ang buhay ko?

Kung hindi ba ako nahulog kay Jace Montefalco hindi ako guguluhin ng ST namin?

Ang daming tanong sa isip ko ngunit maging ako hindi kayang sagutin ang mga ito. Ano pa bang magagawa ko nangyari na ang lahat. Narito na ako sa sitwasyong walang magagawa kahit man lang para sa magulang ko.

Binuhay ko ang cellphone ko at inopen ang rp acc ko. Jace Montefalco, unang pangalan na bumungad sa newsfeed ko.

"Alam mo ikaw dapat hindi mo na ako nilandi eh. Edi sana hindi ako nahulog ng sobra. Magdi-disisyete pa lang ako pero grabe na 'tong mga nararanasan ko. Wow." sarkastikong sabi ko at binuksan ang convo namin.

Ilang beses ko mang itanggi o itago alam kong siya pa rin. 'Yun 'yong masakit eh 'yung hindi ka pa nga nakakamove-on sakan'ya tapos siya may kasama ng iba.

"Siguro gan'to nalang 'no. Hihintayin kita habang mahal pa kita. Pero oras na mawala 'tong kabaliwan ko sa'yo? Wala ka nang babalikan pa." sabi ko at nagpunas ng luha.

Akmang tatayo na ako ng may marinig akong tumikhim. Kaagad kong tinuyo ang mga pisngi kong nabasa ng luha.

"Still waiting for him?" someone asked.

Naramdaman ko ang pag-upo niya ilang metro ang layo sa'kin ngunit ipinaligo ata ng lalaking 'to ang kaniyang pabango dahilan upang maamoy ko hanggang dito.

"Yeah.." maikling sagot ko.

Narinig ko ang mahina niyang pagtawa. "You're waiting for him, and yet you told me that you like me?" aniya bakas ang sarkastiko sa tono ng pananalita.

Napatigil ako at tila nilamon ng konsensya, bakit ko nga ba sinabing gusto ko siya? Kung may hinihintay akong iba?

"Ano.... hindi ko alam." nalilitong sabi ko.

Bigla ay tila ba hindi ko na maintindihan maging ang sarili ko. Nasasaktan ako sa malamig niyang pagtrato pero bakit isang tingin lang sa convo namin ni Jace pakiramdam ko ay siya ang mahal ko? Ano ba 'tong nararamdaman ko?

"Sabagay ako rin naman may hinihintay, minsan nga napapaisip ako eh, napapaisip ako kung 'yon bang nasimulan namin sa pekeng mundo maaari pang maipagpatuloy sa totoong mundo?" aniya at binalingan ako ng tingin.