عشك الشيخ فهد
البارت[ 29 ]
للكاتبه _طيبة _
🌸🌸🌸🌸🌸🌸🌸🌸🌸🌸
من طبع العطر تشمة كل الناس
بس عطرك غريب محير انفاسي
الناس تحط عطر ساعة زمن ويروح
وانتة سنين عطرك نايم براسي ⭐💫
°°°°°°°°°°°°°°°°°°°°°°°°°°°°°°°°°°°°
زهراء..
طلعت اركض حتة اشوف غزل من بعيد شفتهة كاعدة بالكاع ولازمة رجلهة وتبجي صحت عليهة قبل لا اوصللهن لان الكراج كولش جبير .. غزل
غزل .. رفعت راسهة .. زهراء فدوة اهئ وين ماما رجلي جاي تموتني من الوجع فدوة خلي تجي
زهراء .. وصلت يمهة .. اي حبيبتي هسة راح تجي راح تصيحلهة فجر شلون وكعتي
غزل .. هسة عوفج من الوكعة باعي رجلي شلون ورمت اهئ اهئ حتة ما اكدر ارفعهة
زهراء .. هاي شلون سالفة عوجة
ام فهد .. يمة غزل سودة بوجهي شنو هاي يمة شلون وكعتي
غزل .. ماما فدوة رجلي توجعني ورمت بس لا انكسرت
الجدة .. لا اسم الله مابيج شي ان شالله مو كسر
سمر .. هاا غزل شلون وكعتي
زهراء .. يمعودة عوفيها ياهو اليجي يكوللهة شلون وكعتي هسة تكوم تكتلنة هههه
ام ياسر .. خلي ناخذهة للدكتور شي يشوفون رجلهه خوما تبقى تتوجع
ام فهد .. اي خية اي كومي يمة زهراء خابري اخوج خلي يجي ناخذهة للدكتور
زهراء.. صار. دخلت جوة دورت وين مخلية موبايلي بقيت ادور ماكو كلت خلي اخابر من موبايل بيبي دكيت على احمد ..
احمد .. الوو هلة حجية
زهراء.. احمد فدوة تعال للبيت بساع
احمد .. ليش شكو الحجية خوما بيهة شي
زهراء.. لا بيبي ما بيهة شي بس غزل وكعت على رجلهة ولوت وهسة رجلهة مورمة وحتة ما تكدر تحركهة
احمد .. نور وين ؟
زهراء.. نور جدي دزة يجيب الغراض النحتاجهن وراح هو وعامر يعني محد بالبيت
احمد .. دروحي يمهة هسة اني بعيد مو هنا هسة ادزلج واحد من الولد
زهراء.. فدوة احمد مو تتأخر
احمد .. لا ما اتأخر
زهراء.. سديتة من احمد وطلعت .. ماما خابرت احمد كال راح ادزلج واحد من الولد لان هو بعيد مو هنا
غزل .. اي ماما اهئ اهئ
الجدة .. لو بس اعرف شلون طحتي
غزل .. بيبي يعني ما تشوفين جنت انظف حتة لا تحجين علية واني امسح
ازحلكت وكعت
