عشك الشيخ فهد
البارت [27]
للكاتبة_طيبة _
🍁🍁🍁🍁🍁🍁
الحب مو كلام ويعجب اليقرا
ولا شاعر يكول ويبدع بشعره
الحب من تحب محبوبك شما جان
مو حسبة قميص وبكيفك تگصره
والحب من احبك يعني كولشي بيك
حلو عندي واقبله بحلوته ومرة
الحب يعني اريدك ما اكولا لا
ولا اعاند كليبك ابد بالمره
والحب من اسمعك افهم الكلمات
واعرف غايتك من اول النظرة
والحب يعني اعشقك واذوبن بيك
واتحسر اعليك واكتم الحسرة ‼
والحب يعني ابقى احتاجك للموت
مو حسبت سنة وسنتين لو عشره
والحب يعني دين وشرع بي دستور
والما حفظ دينة الوادم تكفره ✨✨
..........
سحر
بقيت العب وية خالو وهوة كل شوية ويفوز لحد ما ضجت .... ما ما بطلت شنو هاي ليش اخسر
رائد ((خال سحر )) .. هههههه بابا انتي متعرفين تلعبين
سحر ... لا خالو شنو ما اعرف بس انتة قوي بالعبة
رائد ... اي وهسة شتردين
سحر ... خلي نبدل اللعبة
رائد... يالله نلعب حرب
سحر ... لا لا شنو حرب خلي نلعب مصارعة احلى وبعدين اني اعرفلها
هاجر .. لا والله اكو اسهل منهة
سحر .. لعد ترديني العب حرب حتة اصير ارهابية واتعلم منهم وبعدين اني بس يرمي عليه بالعبه مدري شيصير بيه ترديني بعد العبهة
هاجر ... هههه هاي منين جبتيهة
سحر .. جبتهة المهم فدوة خالوا خلي نلعب مصارعة لو تخاف افوزك
رائد .. يالله سوي العبة
هاجر ... واذا خسرتي بيهة
سحر.. عينج بس لا تفاولين شبيج وبعدين صيري حكم عادل مو تغشين
رائد .. يالله خالو نبدي
سحر ،، اوكف خالو خلي اجهز نفسي اتحضر للعبه
هاجر .. هههههه خبال
سحر.. يالله نبدي ...بقيت العب وية خالو تقريبا صار تعادل اذن المغرب خالو
كام يصلي واني هم تجددت وصليت رحت يم هاجر ومرت خالي بس ما قبلن اساعدهن شفت الوكت تأخر خلي اخابر ياسر كمت رحت للغرفة خابرت علي
بقة يدك وميرد دكيت مرة ثانية هم مارد خفت خاف صاير ويا شي
بقيت ادك علي بقة يدك قبل لا يخلص الاتصال جاوب
ياسر .. الوو
سحر.. ها ياسر وين انتة ليش مترد على التلفون صار ساعة ادك عليك ومترد
ياسر .. يم الناس الي استلمت قضيتهم ليش صاير شي
سحر.. لا ما صاير شي بس خفت عليك شوكت تجي تأخذني
ياسر .. هسة فد ساعة واجيج
سحر .. مو تتأخر فدوة
ياسر .. لا ما اتأخر بس اكمل اجيج
سحر.. اؤكي دير بالك على نفسك
ياسر .. ماشي باي
سحر.. باي
سديت التلفون كل هلوكت هوة بالشغل لعد شكد يطول بشغلة اووو واني شكو اروح اكل لان معدتي توجعني من الجوع وريحة الاكل واصلة للغرفة طلعت من لغرفة لكيت سيف و امير كاعدين اول ما دخلت باوع علي سيف
.. السلام عليكم
.. وعليكم السلام
امير .. هاي منية زايرتنة اليوم سحر
سحر.. اي عيني لعد منو يزوركم
امير .. اشو بس انتي جاية لعد عمتي وين
سحر.. بالناصرية
امير .. هااا شوداكم للناصرية
سحر.. رحنة جدو يريد يشوفنة وجيت اني وياسر هو عندة شغل واني اخذ غراض علمود خطبة فجر
امير .. لا بربج صدوك خطبوهة شنو هاي الاحداث الصايرة عدكم
سحر.. ياريت خطوبة نهو عليهة
امير .. شنوو وبالله منو هذا بس لا يطلع شايب ويلعب النفس ولو هية
تستاهل هيج واحد
زينب مرت رائد .. امير عيب شنو هل حجي
سحر ،، هههه لا اصلا حلو ويحبهة
امير .. ايي مبين من النهوة وين بعدكم بالنهوة انتم
سحر.. هههه اي والله
امير .. زين ليش ما خطبهة ليش نهى عليهة ؟
سحر .. اوو سالفة طويلة عوفك منهة
امير .. هاا مبينة السالفة دوخ
سحر .. هههه اي
امير.. اوكفي خلي اخابر عمتي
سحر .. يالله .. دك امير على ماما شوية وفتحت خط هوة فاتح سبيكر يعني نسمعهم
