مساء الخير حبايبي وعيد سعد 😘
كل عام وانتوا بخير انشاء الله
💞💞💞((البارت الثاني عشر)) 💞💞💞
•••••••••••••••••••••••••••••••••••••••••••••••••••••••••••••••••••••••••••••••••
سحر،، ها ياسر تريد شي
ياسر ،، سحر انتبهي لبسج وحجابج ترة البارحة ماحجيت وياج لان ما تدرين
بس انتبهي لان احنة مو وحدنة بالبيت ولد عمج موجودين فهمتي
سحر،، 😶 تفاجئت من تعامل ياسر لان هاي اول مرة يحجي وياية هيج حيل انقهرت انقهرت من تصرفة
ياسر،، فهمتي
سحر ،،اي فهمت 😢
ياسر،، وهسة روحي كملي شغلج
سحر،، عفتة وطلعت دخلت للغرفة الثانية كعدت ابجي من ورة كلامة لان اني ما احب هيج تصرف ونهضمت من حجية بقيت ابجي شوية وانفتح الباب
فهد ،، سحر شجابج هنا ليش تبجين
سحر ،، لا مابية شي
فهد ،، لاصاير وياج شي شكو
سحر ،، ياسر رزلني لان ما انتبه لحجابي يكول انتي مو حدج بالبيت ولد عمج موجودين
فهد،، صحيح كلامه انتي مو وحدج وحرام تنزعين حجابج كدامنة
سحر ،، حرام علية ترة
فهد ،، وهم علينة اذا شفناج فالحسن بعد متنزعين حجابج
سحر ،، هو مو صوچك صوچي اني الي حجيتلك
فهد ،، عدلي حجيج لا اكسر راسج
سحر ،،😒😒 ردت اطلع صاح علية
فهد ،، ليش اجيتي هنا
سحر ،، اجيت انظفهة بس خليهة الك انتة نظفهة
فهد ،، احسن لا تنظفيهة
سحر ،، 😠😠 طلعت وركعت الباب حيل سمعتة يغلط علية عفتة ونزلت
سحر ،، عمة زهراء اكلت شي
ام فهد ،، لا والله عمة ما ترضة تاكل
سحر ،، لعد هسة اخذلهة الشوربة واخليهة تاكل
ام فهد ،، اي عمة فدوة الطولج
سحر ،، رحت للمطبخ اخذت شوربة وصعدت فوك
سحر ،، زهورة زوزو زهراء
زهراء ،، هممم
سحر ،، زوزو حبابة جبت اكل اريدج كولة تخلصينة
زهراء ،، والله ما اريد
سحر ،، فدوة اذا تحبيني تاكلين
زهراء ،، بس شوية
سحر ،، المهم تأكلين
زهراء،، تعاي كوميني والله ما اكدر اكعد وحدي
سحر ،، اي حياتي اجيتج .... يالله اني اوكلج
زهراء ،، لا لا اكدر اكل
سحر ،، اؤكي ... انطيتهة الاكل بقت تاكل
زهراء ،، بيبي وين
سحر،، ما ادري يمكن طالعة
زهراء ،، هاا
سحر ،، اكولج انتي يمكن افلاونزة
زهراء ،، يمكن او مستبردة لان من طلعت من الحمام نمت والتبريد مشتغل
سحر ،، زين ليش ما تروحين للدكتور
زهراء ،، لا هسة شوية واصير احسن
سحر ،، انشاء الله
زهراء ،، هاج بعد ماريد
سحر ،، على الاقل خلصيهة
زهراء ،، لا يمعودة احس معتي نترست
سحر ،، يالله ما الح عليج اني نازلة هسة ارجعلج
زهراء ،، بس اريد مي
سحر ،، تدللين .... نزلت جوة غسلت الصينية
ام فهد ،، ها عمة اكلت
سحر ،، اي عمة اكلت وهسة راح اكعد وياهة لان اذا تنام تزيد حالتهة
ام فهد ،، شلون صارت هسة
سحر ،، شوية احسن بس اكولج عمة ليش ما تاخذونهة للدكتور
ام فهد ،، انشاء العصر ناخذهة للدكتور
سحر ،، اكولج ماما لعد وين بيبي
ام ياسر ،، راحت بواجب هسة ترجع
سحر ،،اخذت مي ورحت للبنات
