مساء الخير حبايبي شلونكم انشاء الله دومكم بخير
((البارت العشرون )) 😊💖💖💖
•••••••••••••••••••••••••••••••••••••••••••••••••••••••••••••••••••••••••••••••••
غزل ،، بقيت صافنة على كلام الشيخ بس هو كال يريد يخطب معقولة جان قصدة علية
الجدة ،، يايمة بيهة الخير
ام فهد ،، يمة وين نلكة احسن من سجاد
ام ياسر ،، اي والله سجاد مؤدب
فهد ،، وانتي غزل قابلة
غزل ،، هااا بكيفكم لتشوفونة
فهد ،، خوية القرار قرارج اذا ما مقتنعة براحتج
غزل ،، خوية اريد افكر
فهد ،، براحتج اخذي وقتج
غزل ،، شكرا خوية
الجدة ،، يااا ولج شتفكرين لوما هو ابن عمج وتعرفينة
فهد ،، جدة لحد يضغط عليهة الزواج مو اجباري خليهة تفكر يالله خوية امشينة .... طلعنة لكينة البنات واكفات وسحر بنصهن رفعت حاجبي وكلتلهن
شتسون
زهراء ،، هاا خوية اجينة انشوف خاف صاير شي
سحر ،، اني اكلك كتلني الفضول واريد اعرف شنو الصاير
فهد ،، خزرتهة ورحت للاستقبال
ابو سجاد ،، ها بوية شكالت
فهد ،، عمي انطينة يومين واحنة نردلك خبر
ابو سجاد ،، هاي هية بوية خلهة تفكر
الجد ،، انشاء الله خير
ابو سجاد ،، يالله بوية احنة نستأذن
الجد ،، وين رايحين بعد وكت
ابو انور شيخ ،، لاوالله الوكت تأخر لازم نروح
الجد،، الله وياكم
فهد ،، طلعنة وراهم وصلناهم للباب ودخلنة للبيت يم الحجية
..............
غزل ،، اول ما طلع فهد جرني وصعدني فوك
سحر ،، غردي شكو
غزل ،، لج لو احجي ما تصدكن
سحر ،، غزل احجي والنبي بعد ما اتحمل
غزل ،، لجن سجاد خطبني
البنات ،، شنووو
غزل ،، لجن حتة اني ما مصدكة
سمر ،، شكيت جان يقصد عليج
سحر ،، اي وهسة انتي فرحانة زعلانة شنو الاحساس
غزل ،، والله ما ادري
زهراء ،، زين شكلتيلهم
غزل ،، افكر
سحر ،، اي عفية مو تصيرين ملكوفة صيري ثكيلة
غزل ،، لعد شعبالج
البنات،، ههههه
فجر ،، يايي واخيرا راح يصير عرس واوو
غزل،، على كيفجن لا تتحمسن يجوز ما اوافق
زهراء ،، حتة اكوم افلش وجهج احسن
سحر ،، انتي فلشي واني ادوس بطنهة البارحة صارعتنة لان
راح يخطب
غزل ،، على كيفجن اشاقة هههه😁
سمر ،، الف مبروك مقدما حياتي
غزل،، الله يبارك بيج عمري تدرين ذكرتيني من كتلة الف مبروك
فجر ،، اووف واخيرا راح نرتاح
غزل ،، والله النومة راحت من عيوني
سحر ،، لعد احنة اجانة نوم
سمر ،، شوكت مقررة تكولين موافقة
غزل ،، بعد خلي اشلع كلبة
زهراء ،، هوة الزين
سحر ،، كومن بنات خلي ننزل نلعب محيبس احن والولد
فجر ،، اي نسوي فريقين بنات ولد
زهراء،، مو اليوم لعبنة
سحر ،، هاي العبة النة بس البنات بس هاي شايفة اذا خسرناهم نطلب منهم طلب
غزل ،، والله فكرة حلو
سمر ،، كومن يالله
سحر ،، نزلنة جوة رحنة للاستقبال لكيناهم كلمن لازم تلفونة وفهد وياسر كاعدين يسولفون كلت ...... احم احمم ... الكل باوعلي
عامر ،، نعم ست سحر ستردين
سحر ،، اريد نلعب
نور ،، هههههههه😄
سحر ،، والله شبيك ليش تضحك
نور ،، لا من صدك تردين تلعبين
سحر ،، اي نلعب محيبس وفريق ولد وبنات
احمد ،، لا والله
سحر ،، واذا عدكم غير لعبة عادي
عامر،، خل نسوي فرق ونلعب دومنة
سحر ،، اي يالله
نور ،، اي دكوموا شكدة كئابة
سحر ،، البنات فريقي وانتم منو رئيس فريقكم
احمد ،، الشيخ انتة رئيس الفريق
فهد ،، لا بوية اني ما العب
احمد ،، لا شيخ حتة لو متلعب بس نبهنة على اللعب
فهد ،، يالله بوية ابدوا
سحر ،، بدينة نلعب وضحك وفهد نبهم اباوع علي طلع يعرف يلعبهة كملنة
لعب تعادل
نور ،، دكومن تاليتهة محد يفوز
سحر ،، خليهة على باجر هم نلعب
عامر ،، دكومي لج باجر هم تلعب
سحر ،، فوك ما وخرت الضوجة منكم وهوة هم صوجي
عامر ،، دمشي نامي احسلج الله كريم منا الباجر
