عشك الشيخ فهد
البارت [35]
للكاتبه _طيبة_
هلو متابعيني هذا بارت لعيونكم لا تنسون التصويت وشاركوني
رئيكم بالبارت احبكم
قراءة ممتعة ..
..................
سحر .. من رجعت سمر من الصالون جانت طالعة كولش حلوة
بس الحزن متملكهة جنت ما اتحمل اشوف اختي الي ربتني هيج
مقهورة بعد ما عقدوا تركت الحفله لان كولش كرهت
اهلي بوكتهة ليش ما فكروا بمشاعرهة خايفة يجي يوم وتسوي
شي بروحهة من ورة هذا الزواج او يجبروني مثلهة صعدت فوك للغرفة
بقيت افكر شنو اسوي الهة حتة اخليهة تضحك واشوفهة
فرحانة لان سمر فقيرة مو
مثلنة اني وفجر متكدر تحجي ووطالب
بالي تريدة بقيت
بالغرفة لحد ما خلصت الحفلة وسمعت صوت
النسوان وهنة يودعن حتة يطلعن كمت طلعت لكيت
فهد واحمد واكفين يحجون نداروا علية
احمد .. سحر شعب هنا شنو ما حضرتي العقد
سحر.. لا حضرتة بس تعبت وصعدت
احمد .. سلامتج
سحر .. مشكور .. جنت واكفة يمهم وفهد بس يباوعلي بعدين كال احمد
احمد .. هاا شيخ شنو كلت هسة
فهد .. اني احاجي للشيخ انتة جهز غراضك
احمد .. يالله اني اترخص
فهد .. الله وياك
سحر.. من شفت احمد راح يروح اني هم ردت انزل بس وكفني فهد
فهد .. سحر اوكفي
سحر.. نداريت علي .. هاا فهد
فهد .. تعاي هنا
سحر.. تقربت من يمة
فهد .. شبيج ليش شكلج مو طبيعي
سحر.. اي كتلك تعبانة
فهد .. لا اكو شي ثاني منو وياج اكو احد محاجيج
سحر.. لا ماكو شي
فهد .. سحر هاي اخر مرة اسئلج ليش اليوم مو طبيعية
سحر.. راح اكولك بس مو هسة لان الكل موجودين
فهد .. ماشي
سحر .. باليل بالحديقة عود اكولك
فهد .. هاي هية
سحر.. يالله اني راح انزل .. عفتة ونزل واني افكر الي سويتة
صح خلي اكول الفهد بالكت يكدر يسوي شي ماطولنة بداية
الطريق شجعت نفسي حتة اكوله على
محمد نزلت دورت على سمر
ماكو سئلت البنات كالن صعدت بسرعة انتي صعدت لكيتهة
بالحمام طلبت مني ملابس وديتة الهم
وردتهة تنزل تاكل وياية مقبلت
رغم اني ما جنت جوعانة بس علمودهة نزلت
يم ماما جانت كاعدة يم بيبي وعمتي ام فهد رحت يمهة
خليت راسي بحضنهة
