هلوو بنات شلونكم اسفة لان اتأخرت عليكم وانشاء الله اعوضكم بغير مرة
وهسة اتمنالكم قراءة ممتعة
للكاتبة //طيبة
.................................................................................................................
ايمان : شلونك فهد
فهد : شيخ موش فهد ((خزرتهة وحجيت وياهة ))
ايمان : هاا شلونك شيخ ((بخوف ))
فهد: الحمد لله بخير ((حجيت هيج وعفتهة ومشيت ))
صعدت لغرفتي رحت للحمام سبحت وطلعت بسرعة نمت ........
.
.
.
.
.
سحر: كعدت الساعة 4:30 لكيت سمر ما موجودة بس فجر نايمة غسلت وجهي ونزلت لكيت ماما وعامر وياسر وسمر
سحر: مساء الخير
الكل: مساء النور
سحر: ((رحت كعدت سمر ))
سمر : ها فجر بعدهة نايمة
سحر: اي شتعرفيهة
سمر: اي متمل من النوم
ياسر : جهزوا غراضكم باجر نطلع من وكت
سحر: ((عامر باوعلي ورفع حاجب )) اي ماما صدوك مو كتلج اريد اروح للسوگ
ام ياسر: يا يمه ذكرتيني . عامر يمة تودينة
عامر : ربع ساعة اذا مو يمي ما روح
سحر: لا والله ما الحك
عامر: ليش انتي وين رايحة هو سوگ
سحر : حباب ما تگدر تسويهة نص ساعه
عامر: بس نص ساعة
سحر: فدوة شكد احبك
عامر : بسرعة
سحر: اي اي رايحة. كومي سمر يالله
سمر: يالله امشي
سحر : رحنه للغرفة دخلت ركضت للفجر كعدتهة
فجر: ها شتريدين
سحر: ترحين للسوگ
فجر: اي هسة
سحر: لج كومي كدامج بس نص ساعة
فجر: اي كايمة
سحر: يالله رايح اني ابدل
رحت لبست بنطرون وبدي اسود ويا سترة لون حمرة وشال اسود
وحذاء احمر وجنطة لون سودة وخليت مسكارة وحمرة خفيفة وبس لان اهلي ما يقبلون اخلي مكياج وفجر وسمر هم لكيتهن مكملات نزلنة سوية
عامر: والله العظيم هسة ردت اصيح علجن
سحر: لا عيني مايحتاج كملنة
عامر: يالله امشن
سحر : رحنة للسيارة ماما كعدت بالصدر واني وفجر اتعاركنة على المكان يم الجامة
فجر: والله ما اكوم
سحر: معلية هسة تكومين
عامر: هسة فضنهة خلنة نروح
سحر:ما اليوم الا اكعد يم الجامة
فجر: معلية ما اكوم
سحر: هسة اني شورطني وكعتج من النوم
ام ياسر: فضنهة يايمة
سمر: سحر تعالي هنا كعدي
سحر :فدوة العمرج حياتي رحت كعدت ورحنة للسوك استريت كولشي احتاجة واشتريت تراكات واكسسوارات وعطور
عامر : يالله فضنهة ابوية وياسر خابروني
ام ياسر: يالله يمة كملنة امشيلنة
سحر: رجعنة للبيت بسرعة سبحت وحضرت العشا وية البنات وصعدت نمت لان حيل تعبانة
ثاني يوم الصبح كعدتنه امي من الساعة 5:04 كمت رحت للحمام سبحت وطلعت وبدلت حتى محد يشك بية انو اني ماروح
فجر: ها سحر جاهزة الخطة مالتج
سحر: اي حبيبتي جاهزة
سمر: فدوة لتسويهة ترة خطرة تسمم ومستشفى
سحر : لاعيني لاتخافين ((ما تدري اني مسوية غير خطة))
ياسر : يالله بنات وين صرتن
سمر: كملنة جاين
سحر: نزلنة جوة كلهم مخلصين باوعت لعامر واشرتلة
عامر : يابة انت وياسر وامي امشوا كدامنة واحنة وراكم
ياسر: يعني البنات وياك
عامر: اي وياي
ياسر: ماشي .يالله يابة امشينة
سحر: راح ياسر وبابا وماما بسيارة واحنة صعدنة بسيارة
