مساء الخير حبايبي اسعد الله ايامكم 💕💞
( البارت الثالث عشر)
•••••••••••••••••••••••••••••••••••••••••••••••••••••••••••••••••••••••••••••••••
سحر ،، تغدينة كملنة شلنة المواعين وغزل انطتني الجاي اودي الهم
اول واحد انطيت لجدي وبعدين بابا ومشيت بالسرة وصلت لفهد هوة دا يحجي وية جدي وبابا ومنفعل بالكلام رفع ايدة وكع اگلاص مال جاي علية
فهد ،، جنت احجي وي جدي وما انتبهت لسحر بس رفعت ايدي احترگت بالجاي كلنة كمنة عليهة وهي بس تبجي جان والكل يهدي بيهة مبين عليهة متئذاية كلتلهة اوديج للدكتور
سحر ،، لا اهئ
ام ياسر ،، يمة امشي نوديج للدكتور يشوف متئذاية كولش لا
ابو ياسر ،، تعال ياسر اخذ اختك للسيارة خلي ناخذهة للدكتور
ياسر ،، اخذت سحر وصعدنة بالسيارة واجة وياي ابوية وفهد وجدي
وصلنة للدكتور فحصهة
فهد ،، بشر دكتور شلون صارت
الدكتور ،، الحمد لله جبتوهة بالوقت المناسب لو متأخرين جان تئذت اكثر
ابو ياسر ،، دكتور نكدر ندخل الها
الدكتور اي تكدرون هسة دخلون وتكدرون تطلعوهة اذا تردون
فهد ،، شكرا دكتور
الدكتور ،، ولو شيخ هذا واجبي
فهد ،، دخلنة جوة لكيناهة كاعدة تبجي ولافين رجلهة شافتني دارت وجهة
الجد ،، ها بوية سحر شلون صرتي
سحر ،، زينة بس بعدهة رجلي توجعني
ابو ياسر ،، يالله هسة شوية وتتحسنين
سحر ،،😢😢
فهد ،، الحمد لله على سلامتج
سحر ،،😒شكرا
الجد ،، بوية ياسر روح جيب شي لختك خلي تشربة
ياسر ،، حاضر شيخ ..
الجد ،، شيخ خابر لاهل طمنهم مابيهة شي
فهد ،، امرك ..
غزل ،، كولش خفنة على سحر لان جانت حيل متئذاية اخدوهة للدكتور وبقينة ننتضرهم لحد مايجون حتى زهراء نزلت من سمعت بسحر
وبقينة منجمعين بالكلدور والكل ضايج على سحر ونص ساعة دك تلفون مال ماما
ام فهد ،، الوو ها يمة بشر
فهد ،، الحمد لله حروق خارجية مابيهة شي طمنيهة لمرت عمي
ام فهد ،، الحمد لله زين شوكت تجون
فهد ،، شوية ونجي .. يالله في امان الله
ام فهد،، خوش .. الله وياك يمة
ام ياسر ،، ها خية بشري شلونهة
ام فهد،، الحمد لله وهسة همة راح يجون
ام ياسر ،، اي الحمد لله زين مابيهة شي
ام فهد،، فهد لا بس حروق خارجية
الجدة ،، انتن ياله كومن خللهة فراش بالغرفة
غزل ،، ليش جدة غير تنام فوك
الجدة ،، لا لا تنام يمي امشي يالله
غزل ،، اي كايمة .. رحت رتبت الغرفة وفرشت الفراش ورجعت كعدت يمهم
سمر ،، زهورة اذا تعبانة روحي رتاحي
زهراء ،، لا لا اريد اشوف سحر خطية
سمر ،، من تجي اني اكولج روحي ارتاحي
زهراء ،، ماشي ... صعدت فوك رحت لفراشي تمددت اني منعسانة بس جسمي كولة يوجعني بقة تفكيري يم سحر خطية
سحر ،، اجة ياسر جابلي عصير وحلويات بس ماردت اكل او اشرب اي شي
الجد ،، بوية سحر اشربي العصير
سحر ،، جدو والله ماريد
الجد ،، بوية الخاطري شني ما عندي معزة عندج
سحر ،، اؤكي هاي بس الخاطرك
الجد ،، بنيتي رجلج توجعج لو نطلع
سحر ،، لا جدو فدوة خلي نطلع لا خنتكت من ريحة الغرفة
الجد ،، خوش خلي يجيبون السيارة واحنة خلي نطلع
سحر ،، راح فهد جاب السيارة وياسر يمشيني بطئ
وصلت للسيارة كعدت اني وابوية وياسر ليورة وجدي وفهد ليكدام
اني كاعدة بين بابا وياسر ومخلية راسي على بابا
وهو حاضني ويسولف وية جدو نص الطريق ندار علية جدو
