مساء الخير حبايبي
((البارت الثامن ))
•••••••••••••••••••••••••••••••••••••••••••••••••••••••••••••••••••••••••••••••••
غزل : يالله كومي
زهراء: حضرنة العشة واجة فهد وية الاذان الكل كام يصلي ومن كملوا الصلاة صبينة العشة تعشوا غزل نظفت المطبخ واني سويت الجاي وديتة الهم
غزل : اكولج زهراء انتي حيدر يدري بيج تحبينة
زهراء: اي بس بعد ما شفتة هواي يمكن ما يحبني
غزل : لا ايجوز حتى محد يعرف
زهراء: عجل ليش ما اجة طلبني من جدي وفهد
غزل : ومنو كلج هو ما طالبج
زهراء: لا لو طالبني جان اجو وسئلوني
غزل : الله كريم يجوز يريد يفاتحم بالموضوع
زهراء: انشاء الله
غزل: واذا اجوج غير ناس شلون راح ترفضين
زهراء: اي طبعا ارفض بس خاف فهد ميقبل الا اتزوج
غزل: حبيبتي عوفيهة على الله انشاء الله تنحل
زهراء: انشاء الله.. كومي خلي نصعد شعدنة هنا كاعدات
غزل: اي يالله كومي
فهد :رحت للديوان شوية واجة محمد
محمد : السلام عليكم
فهد : وعليكم السلام.. هلا جنت رايدك بموضوع
محمد: تفضل شيخ
فهد : اني رايح باجر للكاع مال ابو ناصر
محمد : واني جاي وياك
فهد : خوش .. جا حيدر ما اشوفة هلأيام
محمد : والله ملتهي بشغلة
فهد : خير انشاء الله .. امشي وياية للبيت
محمد : لا شيخ الوالدة منتضرتي لازم اروح
فهد : الله وياك
فهد : رجعت للبيت وكت الاذان رحت للغرفة توضيت وصليت ونزلت كعدت يم جدي والولد صبوا العشة تعشينة وشربنة جاي والولد طلعوا يفترون وجدي وعمي يسولفون بقيت كاعد وياهم
الجد : بوية فهد كوم ارتاح باجر وراك كعدة من غبشة
فهد : يالله اني اترخص
الجد ' ابو ياسر: مرخص
فهد: صعدت فوك بقيت اتصفح على التلفون وبعدين نمت ....
.
.
.
.
.
سحر: تعشينة بالمطعم ورجعنة للبيت دخلت رحت سبحت لان متت من الحر
وبدلت لبست برمودة ونزلت
عامر : شبيج اول ما اجيتي بوجهج للحمام
سحر: والله متت من الحر انتم شلون مستحملين والله ما ادري
عامر : اي محضرات غراضجن ترة باجر انروح من وكت
سمر : لا تخاف كولشي محضرين
سحر: شوفوا لو ما اني ما رايحين زيارة
فجر : ليش عيني منو الي يسوق انتي لو هوة
سحر : ليش منو الخلاج تبقين بالبيت اني لو هوة ها
فجر : اي بس لو ما هوة ما تنجح الخطة مالتج
سحر: بس هوة سواهة بمقابل
فجر : وشنو يعني
سمر: كافي انتن ماكو يوم ما تتعاركن
سحر: ارجع للغرفة احسلي
فجر : سوين فضل
سمر : يا تعاي وين رايحة
سحر: ما ما ارجع ..صعدت فوك بسرعة نمت لان حيل ضجت
كعدت الساعةب4:00 شبعانة نوم لان نمت ب9:08 صليت و نزلت سويتلي ريوگ تريكت وحضرت ملابسي ورحت كعدتهم وبدلت قبلهم لبست بنطرون
اسود وبدي اسود وسترة لون بيجي وشال بيجي مشجر وحذاء بيجي نزلت كعدت بالكلدور على تلفون شوية ونزل عامر كاشخ طالع كولش حلو
