مساء الخير حبايبي اليوم نزلتلكم بارت لان شفت تصويت عالي خلال يوم
واحد استمروا حتى ابقة انزللكم يومية بارت
(( البارت الخامس عشر )) 💕💞💞
•••••••••••••••••••••••••••••••••••••••••••••••••••••••••••••••••••••••••••••••••
ام ياسر ،، منو هذا الطلع
سحر ،، هاا هذا ااا فهد
ام ياسر ،، وانتي شعندج كاعدة بهيج وكت 😕
سحر ،، موو كعدت جوعانة وسويت ريوك
ام ياسر ،، امشي صعدي لغرفتج ولا تنزلين بعد بهيج وكت
سحر ،، ايي .. عفتهة واني ميتة من الخوف بس نظراتهة ما عرفت افسرهن
صعدت للغرفة بسرعة نمت على فراشي وبقيت افكر بفهد وسرحت بي الافكار بعدين نمت بدون ما احس 😴😴
.
.
غزل ،، كعدت الساعة 8:50 كمت غسلت صليت كملت صلاة كعدت زهراء
زهراء ،، صباح الخير
غزل ،، صباح النور .. ها زهورة شلونج هسة
زهراء ،، الحمد لله
غزل ،، زهورة اذا بعدج تعبانة نامي اني والبنات هم نظف البيت
زهراء ،، لا حياتي اني اريد اكوم تكسرت
غزل ،، بس بعدهة حرارتج مرتفعة
زهراء ،، اي هو راسي بعدة يوجعني بس ما اعرف ابقة هلكد نايمة
غزل ،، يعني حتة وانتي مريضة دكومي بس ما راح اخليج تشتغلين
زهراء،، ههه يالله انعم الله عليج انتضريني بس اغسل واجيج
غزل ،، يالله منتضرتج ... راحت زهراء للحمام واني رتبت الغرفة وكعدت على التلفون 📱
.
.
زهراء ،، يالله غزل كومي خلينة ننزل
غزل ،، صلاوات على النبي من وصلتي
زهراء ،، دكومي لج 😏
غزل ،، نزلنة جوة لكينة الكل كاعد الا سحر
زهراء / غزل ،، صباح الخير
الكل ،، صباح النور
سمر ،، اي وكتجن كعدتن تعالن هذا الريوگ جاهز 😃
غزل ،، الله ويدج لان اني اتعاجر من الريوك
فجر ،، ثول هو اصلا اسهل شي الريوك
غزل ،، ههه لان اسهل شي اتعاجز منة
فجر ،، اي تعالي
زهراء ،، سحر بعدهة نايمة
فجر ،، اي نايمة 😴
سمر ،، وهية البارحة نامت من وكت
غزل ،، ليش ما كعدتنهة
زهراء ،، لا خطية عوفيهة نايمة
فجر ،، دروحي انتي غزل غزل باعي خلي نذب عليهة مي عليج الله
غزل ،، اي بس مو شوية راح اترس هسة دولكة
سمر ،، ولجن خطية
فجر ،، مو هسة نزلت المحنة وصرتن حنينات كومن 😒
سمر ،، اني ما دخلني ماريد مثل كتلة ايمان
زهراء ،، هههه والله اني هم شيلوني من القائمة
غزل ،، هههه والله طلعت مو سهلة سحر شلون لزمتهة جنهة هذن المصريات
من يتعاركن
فجر ،، هههه بس حرامات ما شفت العرگة من البداية 😩
.
.
الجدة ،، على شني فاكات حلوگجن
غزل ،، جدة شلونهة الكتلة مال سحر
الجدة ،، خايبة سكتي والله هاي البت عرمة
غزل ،، ههه بس حقهة جدة
الجدة ،، والله انة احبن اداهرهة
فجر ،، اي والله اني احب السانهة من تبقة تتعارك 😆
غزل ،، يالله فجر كملي اكل خلي نكمل شغل وغمزتلهة
فجر ،، يالله اني كملت
غزل ،، اوكفي خلي اكمل
سمر ،، اكعدن لا تتعاركن ترة هية خبلة اول متكعد
زهراء ،، بنات عوفنهة خطية
غزل ،، امشي امشي خليهن يلغن وحدهن
فجر ،، صارن فقيرات
غزل ،، ترسنة دولكتين مال مي وصعدنة عليهة لكيناهة بعدهة نايمة
فجر ،، اشرتلهة يلة وذبينة عليهة
سحر ،، جنت نايمة بس فزيت على مي كمت لكيت فجر وغزل ... بنات لاوادم اكو واحد يذب مي على النايم 😠
فجر / غزل ،، هههههههه😄😄
سحر ،، تضحكن مو هنة ركضن واني نزلت اركض وراهن ختلن ورة بيبي
الجدة،، ياا هاي شمالجن تتراكضن جنجن حصن
سحر ،، يعني نايمة اجني سبحني بمي بارد والله محد يخلصهن مني
الجدة ،، على كيفج خايبة يتغشمرن وياج
سحر ،، بيبي والله العظيم اذا مخليتيني اكتلهن يعني انتي هم متفقة وياهن
الجدة ،، ياه وانة شلي بيجن
سحر ،، لعد خليني اكتلهن
الجدة ،، لا خليهن انة اكتلهن
غزل ،، كالت هيج وغمزتنة عود تقنعهة 😅
سحر ،، بقيهن يمج واني هاي هية زعلت وياج .ّ.. وصعدت فوك
