💂❤👸إمرأة هزت عرش الباي👸❤💂

❤الحلقة 13...❤

❄❄❄
هنا استفزها بالحق...هزت راسها ولمعت عينها بلوم :
-وقت ينور الحق نجي بش نتكلم على حقي....الحمد لله.. ظهر الحق و بطل الباطل... قتلك احنا ناس شرفا و ما نخزروش لمتاع الناس وما يغرناش لا ذهب ولا زمرد...اما ماصدقتنيش...(قالتها بوجيعة مرة...الزوالي ما يصدقو حد ويتعفس عليه لذا لزم) ربي عز و جل صدقني هو خبير بحالي و حال عايلتي اللي تدفع في ثمن حاجة ما عملتهاش... خوذ هذي الزمردة سبب مصيبتنا... من يوم الكارثة عيني حرم عليها النوم..  نكشت الدار مرة و ثنين و تلاثة... و الحمد لله لقيتها...
حلت صويبعاتها لي ضاهرين مكبشين على حاجة ... عيونها غرقتها الدموع... و تبسمت بمرارة...
_شوف لقيت زمردة الباي في بلاصة ما تليقش لا بالباي و لا بزمردتو... هههه يمكن هذاكا علاه عيني غفلت على البلاصة لي لقيتها فيها... قلت بلاصة مش قد المقام ...
كانت تحكي بجوارحها...وكان يتابع في كل حركة وكل تفصيل يبرز منها...ضحكتها...المرارة اللي في حديثها.. حفر الزين لي تحفروا في خدودها.. كلللللللهم استفزوه.. استفزوا حضرة الباي... و بالاخص... استفزتو طريقة سخريتها و تلاعبها بالكلمات...  لقيتها في بلاصة ما تليقش بالباي!!!... اش تقصد بيها!! تطيحلو في قدرو؟؟! للحظات كان باش يفقد اعصابو.. حد ما تجرا و عملها و حكى معاه بالطريقة هذي... قربلها بزربة.. وجهو في وجها.. نفس متاعو على خدودها..  ريحتو طبقت على نفسهايديه مكتوفة ورا ضهرو..  قاعد يهدي في الباي لي في وسطو بالسيف... تحكم في نبرة صوتو شويا و تكلم بصوت محشرج...
_و شكون قال اللي هذي موش لعبة مسخة؟؟؟شنوة اللي يثبت اللي تحكي فيه صحيح وموش كذبة؟؟؟
نفرت خصلات من شعرها خلاتها تنفخ وتمد ايديتها الصغرونة بش توخرهم...عجبتو الحركة خلاتو يتبسم مستمتع بردها العفوي...
قدمت خطوات وهو يقرب بخطوات...عينها في عينو... ظلامت ورمادت...واصلت تتكلم:
-لقيت زمردتك...جيت نرجع في الأمانة ونحب نسترجع امانتي عندكم بابا...احنا ما تربيناش نمدوا ايدينا لمتاع غيرنا...ماناش سراق س....
جات بش تقول سيدنا بطلت...ماهوش سيدي تقول لروحها...مدت يدها بش تمدهالو...مع وقوفو قدامها قد قد...انفاسو ضاربة في وجهها...ترددت...ايديه مكتفة ورا ظهرو ما حبش يمدها بش ياخذها منها... حب يزيد يستنطقها:
-وشكون قال اللي انت طمعت وبعد خفت وترددت؟؟؟
شكون قال اللي انت ما اغواتكش وسرقت وبعد بطلت كيف ولى فيها بوك؟؟؟ وعلاش بش نصدقك انا بحكاية ما يقبلها عقل...تضرب قريب الجمعة وبعد تجي تقلي هاني لقيتها!!!...
تغزرلو باهتة...لو هبط البرقع راهو راى فمها محلول... ما جاش لبالها اللي قالو...نبضها تسارع ونفسها ضياق من غير ما تخمم برشا...قدمتلو بكل هدوء تحب تتمالك روحها وهي اعاصير ماكنتها من داخل..
-انا ما تعلمتش نكذب...هذي تهمتك اللي تهمتنا بيها وردت ليك...هازة الزمردة في وجهو...بش ما تمسوش خاطر ما تنجمش...قربت ليه...وهو بزيو بنياشينو قدامها....مدت يدها سقطت الزمردة في المكتوب البراني....جات بش توخر وهي تتكلم...لكن بسرعة رهيبة شدها من معصمها قبل لا توخر بيد...واليد لاخرى هبط بيها برقعها.....والتقت بيه وجها لوجه....