💂❤👸إمرأة هزت عرش الباي👸❤💂

💂الحلقة65...💂

❄❄❄
و لنا عليا مخها لعب شويا...
-وليدي فين نعرف انا...حكاية شاكير يحب هند لا تجي على بال و لا على خاطر... معرس ببنت الباي و عيونو في هند !.. اي نعم هي ما تفرق شي على بنات البايات بزينها اما وليدي شي يحير...
ضيقت عيونها.. و هو منين عرف بيها حية!
-شافها يا عليا... جاها لجنينة الحرملك و شافها و شافتو و حكاوا...
- و كيفاش يصير الشي هذا!!!.... لنا ما يدخل حتى ذكر؟؟؟...
كان مطبس راسو يحك في لحيتو وهو يحكي وهز راسو ينبه فيها:
- والله السؤال هذا انا نسألهولك مش انت... حكى معاها و عطاها ڨحرة متاع افهم روحك راك مقصرة في خدمتك...
- وليدي هي ما قتلي شي... اما بلحق يومها خرجت لجنينة و رجعت داخلة بعضها..
زاد قرب منها من جديد.. يحكي و يأشر شيرة قلبو...
-انا نقدر نتحمل فكرة بعدها علي...لكن ما نقدرش نحمل فكرة انو راجل غيري في قلبها.. نقدر نعتقها اما ما نقدرش نخلي غيري يقرب منها... نقدر نهجرها ونحرم روحي من شوفتها اما ما نقدر نحمل بياتها عند راجل غيري.. جيت على روحي و جبت اخري معاها...
في لحظة عيونو ڨدحت بالنار...
-قلتلها احسبني مت و وجهي ماعادش تراه لكن اللي صبرني انها عايشة تحت جناحي...تبات تحت سقفي... ريحتها في الهواء اللي انا نتنفسو... نحرم روحي منها ايه لكن نسمح لغيري يمسها لا...
عليا جات باش تتكلم و هو منعها بيدو...في هبة باي:
- لا تقلي لا هاك بش تعرس و تنساها و لا تقلي هذا لا قال بيه لا ربي و لا النبي و حرام عليك تسكر عليها.. اللي عندي انا قلتو..هند ملك وقف فقط للباي محمد...
حتى كيف عتقتها عيني عليها...وتموت ولا نخليها لغيري...سميه اللي تحب تسميه اللي نحكيلك فيه توة...هذاكا الموجود....
ربت على كتفها...وكمل:
- افهملي منها الموضوع و استدرجها بالكلام..هديها و قلها للباي حدود للصبر...اذا مازالت ترى وجهو ولا تقابلو انا بش نهد الدنيا فوق راسها وراسو...نقدر نصبر على جفاها... ام مش على غدرها...
خليها متقية نار جهنم متاعي... خاطر هي مش قدها... (يأبر ألبي باينا تاكل فيه نار الغيرة😍😍😍)..
الحاصل ليلتها محمد رجع لجناحو بالسيف بعد ما فرغ قلبو وتهدد وتوعد...لكن عليا وقفتلو بالمرصاد..حكى معاها شوية و نبه على حكاية الجارية اللي تخدم مرسال بين هند و بين اكا الكلب شاكير...وعدتو عليا بش تتصرف وروح فوق من قلبو من غير ما شاف هند...
و كيف ما يقولوا ليل الافراح قصير.. الليل تعدى خف لف..والفجر جا مزروب و الشمس طلعت تجري ههههه.. و بدا اليوم الشاق في ترتيبات العرس...الليلة الحنة متاع مرت السلطان ومن غدوة المرواح في الصباح باش يحضروه كبار البلاد و الاعيان و رتب الجيش...
الناس الكل تحضر و تجري و تزين...النافورات اللي في القصر تعباوا بورق الورد الأحمر...المماشي اللي في الجنينة تفرشوا بالسجاد الأحمر.. الأشجار تعلق في اغصانهم التحتانية فوانيس فيهم الوان تهبل...
جواري القصر عطاتهم السلطانة ام محمد قماشات مذخمة ياسر و سخرت لخدمتهم امهر الخياطين.. و مش كان هذا هداتهم سلاسل ذهب حلوين ياسر و عطاتهم فلوس حلوان عرس ولدها ممو عينيها....
و وصاتهم يقوموا بالواجب...و هذا اللي صار..جري واستعداد وفرش وتزيين...حتى الفرقة النسائية متاع القصر استعدت احسن استعداد باحلى الاغاني التراثية للبلاد و حتى كتبوا غناية خصيصا لمرت الباي يتغناوا فيها بجمالها... الراقصات متاع القصر هوما و الجواري حضروا رقصات متنوعة و تحلى في العين...تنصبت طواول مدورة صغيرة و تحط فوقها نابات دونتال ملقطين بالعدس و الخرز اللي يهبل...كيف ما تعرفوا النساء عينيهم و لساناتهم ما تفلت شي،لهذا ام محمد و عليا حرصوا على  ادق التفاصيل...شمعدانات فضة ترشقت فوق الطواول و بجنبها الورد الأحمر منثور.. الاصحنة و الكيسان اللي تحطت كلها كريستال ،اما المغارف من الذهب المنقوش بالفضة...كان تناسق و انسجام كبير في المنظر بين المفروش والطواول وزينتها اللي عليها في منظر فائق الروعة زادتو اطباق كبييييييرة فضة منصوبة في الوسط فوقها عناقيد العنب و الرمان و البرتقال و الفراز...داير بكل طاولة قعدة عليها مخادد وكراسي كلها ساتان في الأحمر الغامق..هابطة على القعدة ريدوات دونتال ابيض معمول فيهم كعبات خرز ياااااااااسر مذخمين...فرشوا سجاد اعجمي في الممشى مشري خصيصا لليلة هذي.. لونو ابيض سكر و مخيط خياطة يد عالمية.... سجاد جا خصيصا من بلاد العجم هو و حرير العروسة و روبة عرسها..الليل نزل ستايرو و النار شعلت في المشاعل باش تنور كل شبر في جنينة القصر ..تعمرت الطواول باشهى و ابن الأطباق و جميع انواع اللحوم حتى من لحم الغزال موجود...الصدر الأعظم و الوزراء و رتب الجيش صحونهم كانت ذهب و كيسانهم كريستال منقوش...وأعيان البلاد و الضباط و غيرو من الرتب المتوسطة ومختلف فئات المجتمع حاضرين...#منو

✴✴✴✴