အပိုင်း_(၃၅)
လုကျီးရှန်းသည် ချင်းရွှီခန်းမရှေ့မျက်နှာစာသို့ လျှောက်လာပြီး ရပ်လိုက်သည်။ အနောက်မှာရှိနေသော
ယွိယမ်နဂါးကို " မင်းဘာသာမင်း သွားကစားတော့"
နဂါးစိမ်းသည် ခေါင်းညိတ်ကာ အဝေးသို့ တွားသွားထွက်ခွာသွားသည်။ ထို့နောက် ကောင်းကင်ယံတွင် ပျံသန်းလျက် တိမ်များအကြား၌ ပျောက်ကွယ်သွားသည်။
ရှီးဖန်သည် မျက်နှာပေါ်တွင် အပြုံးဆင်မြန်းလျက် လုကျီးရှန်းနှင့်တကွ ကျင့်ကြံသူဝတ်ရုံများ ဝတ်ဆင်ထားသည့် အခြားငယ်ရွယ်သော တပည့်၁၆ယောက်ကို ခန်းမထဲသို့ ကြိုဆိုသည်။
လုကျီးရှန်း အနောက်၌ရှိသော တပည့်ကိုကြည့်ကာ ပြုံးပြလျက် " မွေးရာပါ ပါရမီ၊ များစွာသောအတွေ့အကြုံတွေ၊ ဝမ်းတွင်းပါ ထူးခြားတဲ့အရည်အချင်းတွေရှိတဲ့အပြင် ခံ့ညားပြီး ဆွဲဆောင်မှုရှိတာပဲ။ မင်းက အကြီးအကဲလုရဲ့ အငယ်ဆုံးသား လုယွင်ကျိုလား? ငါကြားတာတော့ ၁၈နှစ်ပြည့်တာနဲ့ အခြေခံတည်ဆောက်ခြင်းအဆင့်ကို ဝင်ရောက်ခဲ့တယ်ဆို။ အရွယ်နဲ့မလိုက်အောင် ထူးချွန်ပြောင်မြောက်သူပဲ"
တပည့်လေးက ရှေ့သို့ ခြေလှမ်းလှမ်းကာ "ဂိုဏ်းခေါင်းဆောင်ရှီး မင်္ဂလာပါ"
လုကျီးရှန်းက " ဘာလို့လဲဆိုတော့ သူ့မှာ ထင်းဝိညာဉ်စွမ်းအင်အရင်းမြစ်ရှိတယ်။ သူက တော်တော်လေးအသုံးဝင်လို့ ငါနဲ့အတူ လောကကြီးကိုကြည့်ပြီး အတွေ့အကြုံယူဖို့ ထွက်လာတာ"
ရှီးဖန်က ပြုံးလျက် " ငယ်ငယ်လေးထဲက အရာများစွာကို မြင်ဖူး၊ကြားဖူးရမယ်။ သူ့မှာ ကျင့်ကြံသူတစ်ယောက်ရဲ့ အပြုအမူသဘောထားတွေရှိတော့ သာမာန်တပည့်တွေနဲ့ အရမ်းကို ကွဲပြားတာပေါ့"
ထို့နောက် ကျူးကျင်ကို တိုးတိုးလေးပြောသည် "အကြီးအကဲလုနဲ့ ကျင့်ကြံသူအဖွဲ့ကို အနားယူဖို့ လိုက်ပို့လိုက်"
လုကျီးရှန်းက "မလိုပါဘူး။ အရင်ဆုံး ကျင့်ကြံသူ ကျောင်နဲ့ တပည့်တွေကို ကြည့်ဖို့သွားလိုက်ဦးမယ်" ဟုဖြည်းဖြည်းချင်းပြောသည်။
YOU ARE READING
Who Dares Slander My Senior Brother [မြန်မာဘာသာပြန်]
RomanceAuthor - 古玉闻香 (Guyu Smell Incense) Alternate Title - 谁敢说师兄的坏话(穿书) Total Chapters - 88 Chapters + 4 Side Stories Myanmar Translator - (1-32 Kimura) Hakuei We do not own the novel. English translation credited to silvernekoscanlations! Read the detai...