فصلية قيصر الفاتنه

40

جمانه: اي طبعاً لعد شلون ما افرح 🙂😂 والصراحه يومين كلش شويه ما اكدر اقرر بينك وبينه افكر اخلي الاختبار اقل شي شهر حتى ما اندم بعدين ويكون قرار عن قناعه (كلت هيج حتى استفزه 😂)

قيصر: نعم نعم نعم؟ شنو كلتي 🤨 شو كلش عاجبج الوضع ولا اكو احترامات اصلا انتي بكل الاحوال باقيه على وضعج وحتى وره سنتين مترحين الاهلج مو بكيفج اني الشيخ هنا وانتي فصليتي

جمانه: انجب🙂 وتذكر انت جاي تعصبني اذا عدت هلحجي انساني من باجر اني فصلية فهد ف اسكت احسنلك وجر عدل

قيصر(من العصبيه حسيت الدخان يطلع من اذاني):لا وتهددين فوكاها بعد😤ماشي ست جمانه راح اخذج على كد عقلج هلمره بس اني الج

جمانه:🙂صعب تاخذني على كد عقلي وانت عقلك اصغر بهواي

قيصر(هنانه اني فقدت اريدها تسكت ماكو اله تختم الكلام هيه اخذت مخده وركعتها بيها): اسكتي ولج اسكتي ما تعرفين تبلعين الحجايه😑

جمانه:اول شي هاي مخدتك الي شمرتها عليه تنساها ثانياً شنو هو كبسول حتى ابلعه 🙂😂

قيصر(ضليت صافن بوجها بكل برود تحجي وتضحك ماعدها جديه بكلامها ابد😐بس تفاهه درت ظهري ورحت نمت)

جمانه:مي بارد ونزل على كلبي شفته شلون معصب وعاجز عن الرد 🙂😂 اعترف انو قيصر شريك حياتي المثالي لأنو مرتاحه وياه هم بسرعه استفزه هم هوه بسرعه يستسلم

.................................................................

فاتن كعدت نص اليل على دكة باب غرفتي فتحت الباب كبل دخلت عبير وهيه تبجي

فاتن: خيرج شبيج شصاير بنص اليل 🤨

عبير: اتعاركت اني ورياض لج اتخيلي ٣ جهال عدنا واني طايح حظي ما مقصره وياه اخر شي الكاه يراسل بنات ويحجي وياهن عادي ولا كأنو اني بحياته😡

فاتن: 😂 خررب هذا العاقل عود والله ماجاي اصدك اكيد كايللهن انتي ميته وهوه ارمل ومسكين مو 😂

عبير: هه هه هه 😡😭 ولج اني بيا حال وانتي تضحكين تحجين صدك شلون بيه

فاتن:اي والمطلوب شنو اسويلج 🙂 وليش جايتني اصلا ما خفتي اوكف وي اخوي

عبير:🤨 هوه مو صوجج صوجي اني جايتج كلت احنا بنات ونفهم بعض وعشره صدك لو كالت هذيج الفصليه عنج حيه وتس🐍

فاتن: 😡 شنو ؟؟؟؟ عليه هلحجي ماشي اني الج لعد خلي هذيج الفصليه هيه تساعدج مالج غيرها اني مالي شغل بيج بعدين حقه يخونج شوفي عطوبج من وره الصبغ كل شهر لون 🤡

عبير: 😡 بله شو ما ناقصتج اني هذا مو مبرر شو وخري خل اطلع (كمت افكر شلون اخلي هذيج الخبله تساعدني واني ما اطيقها بس هيه شيطانه تكدر تساعد🤔)