فصلية قيصر الفاتنه

3

جمانه : من شفت المنظر اجت بالي اكثر من فكره
بابا شنو راح يسون عمامي ولدهم بهاي الرشاشات
علاء : اشبيج شنو ماتدرين بكل عرس تنضرب طلقات تعبير عن الفرح
جمانه : شنوو شنوو شنو هلتخلف من اشوكت صار الرصاص وصوته ايعبر عن الفرح شنو هلتخلف هذا اني معترضه
كضيت وصيحت حجيت كدام عمامي ولدهم
جمانه : محد يضرب باجر طلقه وحده شنو تردون اتسون العرس عزا ولكم بابا هذا سلاح يستخدم للحرب ياما ناس راحت من وره هاي السالفه بلعبات تضربون بلاعراس تضربون بلاعياد تضربون وطيح براس الابرياء
علاء : نصي صوتج ولج اشبيج عرضتيلنه قابل احنه اول ناس نضرب طلق بلعرس
جمانه : لا مو اول الناس لان هذا تخلف وخطر انته متعرف مصير هاي الطلقه الي ضربته وين ممكن توكع او راح تكتل منو ودمر منو وكم طفل يتيتم وكم مره تترمل وغيرهه وغيرهه
سوسن : ماما حبيبتي اهدي هيه كم طلقه بلجو مابيهه شي انتي هواي مكبره الموضوع
جمانه : لاماما لامكبره الموضوع ولا شي اصلا الموضوع كبير واكبر مما تتصورون ويحتاج توعيه تنتشر بكل مكان تره حرام الي كاعد ايصير من غير انو هذا العتاد ايفيد بلحروب ممكن ينقذ بلد احسنن مما ينصرف بلجو ويسبب مشاكل 😔 وبدال استخدام الرصاص الحي اكو شي اسمه طكطاكات وتناوير وغيرهه وشياء خاصه بلحتفالات بدون استخدام الاسلحه الضاره
عمامي من سمعوني كامو يحجون ويكولون تكبرين المواضيع ولا تفاولين علينه وتعرضيلنه واحنه مو اول ناس ومن هلحجي التافهه اني خليت وطلعت مختنكه هسه تكولون اتبالغين وماكو داعي للهوسه بس اني عندي خوف من هاي الاشياء وهواي مشاكل اعرف صارت من وره هيج شي والحجي ما يخلص بخصوص هذا الموضوع لان هوه مشكله من المشاكل الي يعانيهه مجتمعنه مع الاسف
رجعنه للبيت رحت كبل نمت بس مامرتاحه صراحه احس اكو شي راح يصير
كعدت ساعه 9 الصبح دخلت سبحت وبدلت ولبست فستاني الماروني الي شتريته وسشورت شعري وعفته محلول لان مالي خلك منهد سالفة البارحه وكلبي مامرتاح لبست حذاء كعب فضي وبيه شذر ماروني هم وطلعت اني وهلي وصلنه البيت العروس مشتغلين دك وركص اني ختنكت رحت للحديقه الوره البيت اشتم هوه وطلع بوجهي رائد
رائد: هلو شيسوي الحلو هنا شبيج ضايجه
جمانه : رائد وخر عني مو وكتك مالي خلك 😒
رائد : شبيج مريضه بيج شي مو على بعضج
😞😯
جمانه : انت الي بيك شي جاي اكلك مالي خلك اجيت اتنفس هوه اختنكت انوب تطلعلي انت تزيده عليه 😡😬
رائد: لا انتي ابد مو طبيعيه اكيد انحسدتي اذا انتي شايله جمال حوريات الجنه 😉يول طالعه تخبلين اوووف اشوكت يجي اليوم الي تصيرين بيه ملكي 😤
جمانه : عابت لو تموت متشوف هيج يوم حتى بحلامك فاهم لو لا ويله وخر عن طريقي 😡😬 دفعته ومشيت ضل ايصيح ورايه احبج اعشقج اموت بيج واني ارد عليه اكرهك اتخبل منك  😒
رحت اشويه لهناك اجت الزفه تريد تاخذ هيفاء وبده الرمي اني كلبي وي كل طلقه يطلع من مكانه الحد ما صار الشي الي جنت خايفه منه سمعت صريخ وناس اتصيح  مات مات الولد وصارت هسوه اريد اعرف منو المات ماكو محد يحجي ضلو كلهم ايلطمون اجت الشرطه اخذت عمامي وابويه  للتوقيف الي سمعته بعدين انو اكو ولد مأجر بلبيت  الي كبال بيت عمي سمير ابو هيفاء وعايش وحده لان هوه طالب جامعي وجاي الهنا يدرس  ولمن صار الطلق الولد جاي يطلع من الباب وطايحه الطلقه براسه وميت ضلينه اليل كله خايفين خاف يهدون علينه اهله لوشي ومحد عدنه هيفاء طلعناهه بسكته وراحت وي اثير البيته ردنه نخليهه على ماتهدأ الاوضاع ونوديهه بس اثير عارض اخذهه وراح طبعا ما اسولفلكم ع البجي الي صار الدموع بفلس كلهه تصارخ وكلنه وجوهنه تنطي الوان كدروا يوصلون الاهل الميت عن طريق جهازه اتصلوا باهله وطلع انوب من عشيره معروفه وقويه بحيث من ردنه انوكل محامي كال ما اكدر صعب طالما اطلاق نار فهو قتل متعمد حلوهه عشائريا منا للصبح طلع ابويه وعمامي من التوقيف ع اساس ينتظرون عشيرة الولد تجي ويتفاهمون  من اجو راحو عمامي وابويه يحجون وياهم كالو هسه ما نتناقش لان دم ابنه يفور خل اندفنه ونسوي الفاتحه والكم عطوه 4 ايام ونسوي الكعده ونحجي  طبعا مرت الايام بصعوبه والتفكير والقلق كاتلنه لا ليلنه ليل ولا نهارنه نهار وكلش خايفين صراحه لان العشيره الي اندكينه بيهه معروفه وتاخذ حقهه مربع واكيد توصل الدم للركب ومحد ايوكفهه بس الي مهدئنه اشويه انو شيخهه حقاني واخر شي يسويه هوه هدر الدم واجه يوم الكعده صارت ابيت عمي سمير بعتباره كبير العائله واجه شيخ عشيرتنه وكبراء العشيره وكعدو يتناقشون
...................................................... خل انروح للاحداث الي صارت بيت شيخ صكر (قيصر)
قيصر : جنت كاعد بلديوان وميت تعب راجع ودنيا ليل ودك جهازي باوعت شفته رقم طالب اخويه ابتسمت وفتحته كتله هلوو شلونك يلسبع شخبارك اتفاجات رد عليه واحد كال اني الظابط ... وياك اني انصدمت كتله خير يا حظرة الظابط صاير شي اخويه مسوي شي
الظابط : لا خويه البقيه بحياتك اخوك انطاك عمره مات بحادثة اطلاق رصاص عشوائي واحنه جاي نتصل بيك  حته تجون تستلمون الجثه وتتفاهمون والقانون ياخذ مجراه
قيصر : الظابط من كلي هيج عقل ماظل براسي ردت اوكع من طولي كسر ظهري بهذا الخبر رديت بعصبيه وكتله شنووو منو كتله ومنو الي جان مسؤل عن اطلاق الرصاص
الظابط : اهدئ اهدئ جانت اكو زفه كبال البيت الي بيه اخوك ورمو طلق وي طلعت اخوك من البيت صارت الطلقه براسه الله يرحمه ياريت تجون باجر حته تفتهم اكثر مع السلامه
قيصر : ادموعي صارت عشره عشره ولا عبالك اني رجال كلش معتز باخوي طالب صح مو الوحيد بس كلش معتز بيه والي اذاني اكثر مات بعيد عني وعن اهلهه وصارلي هواي ما شايفه لان يدرس هناك
رحت وخبرت الاهل وامي ارتفع ظغطهه وكمنه ركضنه بيهه للمستشفى والصريخ والبجي ماله حد منين اجتنه هلمصيبه التمينه اني وعمامي واخوتي ولد عمي نطلع البغداد ونحجي وي العشيره الحرمتنه من اخوي وريحته واتفقنه وره 4 ايام انسوي كعده ويشوفون طلباتنه
......................................................شيخ عشيرة جمانه : اللله بلخير ياجماعه
عشيرة شيخ صكر: الله بلخير  الله بلخير
شيخ عشيرة جمانه : احنه مسؤلين عن موت ابنكم صح بس بلنهايه وبالحقيقه ما جنه متعمدين انكتله مثل ماتعرفون احنه عرب وبلتحديد عراقين وبلزفه معروف تنظرب كم طلقه تعبر عن الفرح والسرور بهيج مناسبات بس هذا مايخلي مسؤليتنه واحنه حاظرين الكل طلباتكم
عم صكر ( هيثم ) : لا تتوقعون ممكن تهدئون نفوسنه بكله لو كلمتين ولا بكم فلس احنه دم ابنه غالي ونريد الدم بلدم
شيخ عشيرة جمانه : اذا صارت السالفه سالفة دم فراح يرحون هواي بيها منك ومنه خلو الدم اخر القرارات غير هيج كل طلباتكم مجابه اعتبروهه
شيخ صكر : احنه الي راح من عدنه مو كتكوت حته نرضه بس بفلوس ومانبيع دم ابنه احنه العدنه خير من الله اكثر من فلوس عشر عشاير مثلكم فلاتتوقعون نسكت بفلوس انتوا التفقوا بعد وشوفوا شنو ممكن ينقذكم قبل لا يصير الدم للركب
عمام جمانه حجو بيناتهم بعدين كالو : ننطيكم فلوس اشكد متردون ومره فصليه
اهنا علاء انصدم : يعرف بناته راح يوكعن بيهه
علاء : لاام ستحيل انتو اصلا منيلكم بنات
عم جمانه سمير : اني ماعندي بس ولد وبنيه وحده زوجت   بس لازم تنحل السالفه يخوي انوب كلنه نروح بيهه
ضل علاء ابو جمانه محروك كلبه والدمعه بطرف عينه صارت السالفه براسه وبراس عائلته
عم صكر : هاي هيه لعد محلوله انريد 200 مليون وفصليه الكم مهله اسبوع وتجيبوهه
سلمو وطلعوا الشيوخ وانتهت الكعده .....

...................................................... وللحكايه بقيه يتبع ....