فصلية قيصر الفاتنه

2

رائد: بس لو اعرف ليش متحبيني وماطيقيني الهدرجه
جمانه : مو ما احبك وما طيقك بس انته تعرفني اكرهه هاي السوالف مالت الحب والارتباط وانته تبقه ابن عمي ومثل اخوي
رائد : 😡😬 اني مو اخوج اني احبج وراح يجي يوم واخذج
جمانه : اسكت بله انته الحجي ضايع وياك شنو راح تخليني واكفه بلباب ماراح اتكلي تفضلي
رائد : لا تفضلي البيت بيتج اشوكت مايعجبج تعالي 😚
جمانه : طبعا اجي اشوكت مايعجبني غصبا عليك غير بيت عمي 😒
رائد : موصوجج 😒
جمانه : دخلت جوه رحت الهيوفه لكيته كاعد ترتب غراضه بلجنط وتحضر دخلت وكلتلهه هلوو شلونهه عروستنه الحلوه 😉
هيفاء : هلوو جوجايه همزين اجيتي مشتاقتلج 😍
......................................................
جمانه : هيوفه حياتي عرفي عن نفسج 😚
هيفاء : هلو اني هيفاء بت عم جمانه اني اكبر منهه بسنتين واحنه صديقات واخوات من جنه صغار حاليا اني كاعد احضر العرسي من حبيبي وابن عمي اثير ابن عمو ثائر هو شاب ايجنن وصاك 😚 فديته
جمانه : القرد بعين امه غزال 😂
هيفاء: انجبي جمانه والله حلو 😡😬
جمانه : لا عمي جذب الولد صاك ويخبل عيونه خضر 😍
هيفاء : بدون زحف تره اغار 😒 طبعا اني احب اثير من اني صغيره هوه هم لان من احنه صغار دائما ايكولون اثير الهيفاء وهيفاء الاثير وهوه اكبر مني بسنه دخلنه جامعه نفس القسم وهاي السنه اخر سنه الي بلجامعه هوه اتخرج وقررنه نسوي عرسنه بهاي العطله وجانو عمامي ايكولون جمانه الرائد من انولدت جمانه بس عمو علاء ابو جمانه كال لحد ايكول هيج جمانه هيه تكبر وتقرر كبرت جمانه وقررت ماتزوج اصلا وخلت اخويه مشتعل بناره 😂
جمانه : ويني وين المسؤليه والدوخه هيج مرتاحه 😂 بعدين حتلو اتزوج ما اخذ اخوج اريد واحد على ذوقي
هيفاء : ليش ولج مو خطيه اخويه شناقصه ايد رجل شو ايجنن 😡😬
جمانه : هيفاء هاي خصوصيه لتدخلين وتعالي نكمل القصه 😒
......................................................
جمانه : صحيح هيوفه شلونهه معنوياتج 😉

هيفاء : ما اعرف والله فرحانه حيل وبنفس الوكت خايفه ومتوتره لان راح تبدي تقريبا حياة جديده ومكان واهل غير الي جابوني على الدنيا بس كل هذا ما يهني الي ايهمني هوه حبيبي اثير
جمانه : يمه الحب يمه 😂
هيفاء : لعد شعبالج ماراح تعرفين شعوري الا لمن تحبين وتاخذين الي تحبي
جمانه : انتي المسلسلات الهنديه وتركيه فاره عقلج فررر 😂
هيفاء : اني لو انتي الي متاثره بلممثلات والمشاهير و24 ساعه تقلديهن 😂
جمانه : اكلج هيوفتي راح اشتاقلج حيل 😢
هيفاء : حضنتهه وكلتلهه ياعمري اني هم 😢
جمانه : حبابه هيفاء تعالي بين فتره وفتره لاتحمضين عد بيت عمي ثائر 😢
هيفاء : شنوو ولج 😒
جمانه : 😂😂
لاصدك هيوفه راح اشتاقلج 😢😢
هيفاء : جمانه حبيبتي مو كافي دراما هوه هذا بيت عمو ثائر قريب شمرت عصا على كولتهم 😂
جمانه : هم صدك لعد شو وخري عني صارلج ساعه حاضنتني متت اختنكت وخري 😂😂
هيفاء : اسفه يالله وخرت 😂
جمانه تعاي اراويج جهازي مال العرس وانطيني رايج بيه 😚
جمانه كعدنه اني هيفاء راوتني جهازهه وذهبهه الي شترتهم وكعدنه سولفنه وضحكنه وطلعنه مسلسلات صار اليل دزينه رائد ايجيبلنه حلويات وحبشكلات وقضيناهه سوالف وضحك الحد ما نعسنه كمنه غسلنه ونمنه كعدنه الساعه 11 الظهر راحت هيفاء جابت الريوك تريكنه وراهه حضرت نفسي حته ارجع للبيت رجعت وصلني رائد طبعا الطريق كله ايمسلت عليه احبج ومدري شنو ويعلك اغاني عاطفيه واني ولايمه طلعت روحي سوه الطريق عليه الف سنه ولا كانو ثلث ساعه وصلت للبيت شفت ريتاج وماما يحضرن الغدا رحت يمهن
جمانه : هلووو شلونكم اكيد اشتاقيتولي مو فديتكم 😚
ريتاج : لا والله ما شتاقينالج جنه مرتاحين 😀
جمانه : ولي انتي خبيثه اكيد ماماتي سوسو مشتاقتلي مو صح سوسه 😉
سوسن : لاوالله ما مشتاقتلج اصلا ناسيتج على كولت ريتاج مرتاحين 😂
جمانه ليش هيج ولكم بسيطه ماكو غير نهاوي حياتي اكيد مشتاقتلي 😚 صحت
نهى ااا نهاوي
نهى : هاا جايه جايه شنو تريدين
جمانه : نهاوي حبيبتي اكيد اشتاقيتيلي ♥
نهى : الكبر حتى كبر هيه هايي حسبالي شي بيه خير
جمانه : تعاي ولج ماكلتيلي اشتاقيتيلي لو لا
نهى : لا ماشتاقيتلج
جمانه : بسيطه اني اعلمكم منا وهيج خبثاء متفقين عليه 😡😬
صعدت رحت بدلت ونزلت لكيت ريتاج تحضر السفره اجيت يمهه اخذت اشويه زلاطه اكلت باوعتلي كلتلي شلونهه هيوفه مارديت عليه
ريتاج : جمانه شبيج مو احجي وياج
جمانه. : مارديت عليهه غلست
ريتاج: اهااا زعلانه عود 😂 عمي جذب اشتاقينالج اصلا البارحه كلنه نبجي عليج 😂
جمانه : عود صدكت 😂
ريتاج : فدوه بسرعه تتقشمرين 😚 😂
جمانه : شكلتي ولج 😒
ريتاج : اتشاقه اتشاقه 😂
ماكلتيلي اشلونهه هيفاء
جمانه : زينه تسلم عليكم
ريتاج : اكيد فرحانه ومتحمسه غير ماخذه الحب 😉
جمانه : حاميه مو بس متحمسه 😂
ريتاج : 😂😂
جمانه : مرت الايام عاديه الحد ما اجه يوم حنت هيفاء راحت ماما البيت هيفاء قبل يوم تساعدهم واني وريتاج ونهى ضلينه بلبيت حته نجهز كلشي ونروح كبل كاملات مكملات بابا يودينه
كعدنه الصبح اني واخواتي جنه نتريك واجه بابا علاء: صباح الخير شلونهن بنوتاتي الحلوات يله تحضرن خل اخذجن البيت عمجن سمير
جمانه : لابابه وره الظهر تبدي الحفله انبدل ونروح وره الظهر لان اذا رحنه من هسه نبتلي هوسه وماكو مرايه مامحجوزه لو عليهه زدحام والحمامات والغرف هم تلكاهه مقبطه نحتار وين انبدل احنه هنا نبدل ونكمل ونروح جاهزين مانحتار
ريتاج : اي بابا صح اذا رحنه هسه نتبهذل حته غراضنه تضيع نكمل ونطلع
علاء : براحتجن بابا شوكت متخلصن كللي واخذجن
جمانه : كملنه ريوك كمنه غسلنه المواعين ونظفنه البيت وسوينه الغدا صبينه اكلنه وكملنا طبينه نسبح وحده وره الثانيه اني طبيت اخر وحده لان اطول دووم 😂 جففت شعري ورفعته لبست فستاني الي ختاريته نسقت وياه الاكسسوارات ورشيت عطر ولبست حذاء كعب احمر ساده وياه حجل مركب كلش حلو اخواتي هم بدلن كملنه كل شي رحنه كلنه البابه احنه جاهزات صعدنه بلسياره وشغلنه اغاني والطريق كله نضحك ونصنف ع الرايح والجاي 😂 كصينه العالم ماخلينه واحد يعتب علينه
وصلنه البيت هيوفه دخلنه
ريتاج : ككلللللللللللللووووووووووووووووش
جمانه : طبعا ريتاج صدمتني تعرف تهلهل 😂😂 ماجنت ادري طبينه جوه تلكتنه ماما مبدله لابسه فستان زيتوني ضيك من فوك وعريض من جوه والردانات تور وفاله شعرهه وحاطه مكياج
سوسن : هلا بنوتاتي شتاقيتلجن
دخلنه جوه شفنه هيفاء كاعده على الكوشه ومسويه شعرهه بف ولابسه بدله سمائي فاتح وجاي تاخذ سلفي بموبايله حته دزه الاثير سلمنه عليه طبعا الديجي مشتغل والعالم مشتغله دك وركص خالات هيفاء وبنات خالتهه وزوجات عمامي هم
جمانه : هلو هيوفتي شلونج اليوم شطالعه اتجننين
هيفاء : ولج اسكتي اني شفتج ردت ابجي 😢 كسرتي عليه وانتي حته مكياج مامخليه 😂
جمانه : يمعوده انتي قمر بس عيونج الرصاصيه كافي 😉
طبعا اشتغلنه دك وركص الحد ما هدينه من التعب هيفاء راحت تبدل بدلتهه لبست وحده ثانيه لونهه وردي فاتح هم كلش حلوه طبعا جانت اكو وحده حيل مايعه وضايقتني كلساع وذابه حجايه اسمهه هنادي وبس تدلع رحت الهيفاء كتلهه هاي منو حته حلكي يتشنج من تحجي ضلت تضحك
هيفاء : ولج هاي هنادي بت خالتي سميره هيه مغروره اشويه هيه واخواتهه عود ابوهه عده شركه وكذا اني هم اشويه اضوج منهه
جمانه : واني شعليه لعد كلساع وتبسمر لو تستفزني مالي خلك تمضيكه 😒
هيفاء : ولج لان درت رائد ايحبج لان هيه تحب رائد وهوه يتخبل من عدهه 😂
ردنه نطلع هيفاء كالت ابقن يمي اليوم
جمانه : لا ياعمري مانكدر هوسه مانرتاح وهم ما نعرف نام بغير بيتنه خل انام زين حته نجي باجر حلوات خو مو عيونه سود من جوه 😉
😂
هيفاء : يله لعد باي حبيباتي اشوفجن باجر سلمنه وطلعنه
شفت عمامي ولدهم جاي يحظرون رشاشات ومدري شنو ...
...................................................... وللحكايه بقيه يتبع