جمانه : سد جود الاتصال باوعتله وكتله كفو كفو 😂😎 مع انو اني ردت ارد واسحله اكثر 😁😂
جود : 😂😂 اول مره اشوف قيصر يتصرف هيج صدمني ليش هيج عود
جمانه : شمدريني 😂 خبال
ام جود: والله ياجمانه مدري شكلج 😂 كلبتي حال البيت من اجيتي خلق الله كلها تغيرت من شافتج 😂
جمانه: 😂 احسن والله يستاهلون اصلا بعدني ماباديه العب اذا ما اركصهم جوبي 😂 واخليهم يرجعوني الأهلي معززه مكرمه
جود : اني مستغرب من شي 😂 اشلون تكدرين تردين هيج ردود قويه وشلون تجرأين وتحجين وياهم بلي يعجبج وبراحتج متخافين 😂
جمانه: لا ليش اخاف 😂 ما انخلق بعده الي يوكف بوجهي ويرعبني اكسر راسه وراس عشيرته
جمانه ضلينه نسولف الحد ال١:٠٠ اني وخاله ام جود وابنه كاعد نحجي وما حسيت غير خاله ام جود طفت الضوه وكالت يلا امشوا نامو ورانه كعده من الصبح 🙄😂 الي اشوفه كاعد اتصرف وياه غير تصرف
جود : ها يمه شو صايره تهددين 😂
ام جود : 😂 لعد شعبالك كوموا نامو بسرعه احسب من واحد لل٣ اذا الكه واحد ما مطمور براشه يا كل كتله 😂
جمانه : لا عمي رايحن نام 😂 شنو مارايدين روحنه يلا تصبحون على خير
ام جود ' جود : اجمعين 😊
جمانه : رحت انام واتذكرت اهلي اشويه اشتاقيتلهم اتمنا اعرف اخبارهم 🙄 بعدين تذكرت اشلون زودته وي قيصر 😂 كلت الله اعلم باجر شيصر من اشوفه يلا خل انام والله كريم 😴
.................................................................
ام جود : جمانه يلا بنيتي كومه ورانه شغل 😊 بسرعه كعدي لازم نحضر ريوك للجماعه
جمانه بنعاس 😴 : قندره عليهم
ام جود : منو همه 🙂
جمانه 😴: الجماعه اليردون زقنوب
ام جود: 😂 كومي ولج لتفضحينه اوف من السانج مو كتلج لتسهرين
جمانه : 😴 عوفيني نايمه الخاطر الحمزه والي يحاجيج عني دزي الي امسح بيه الكاع عود 😴
ام جود: 😂😂 كافي ولج كومي اخر انذار لان المره الجايه ما اكعدج اسبحج بسطل مي
جمانه من كالت خاله ام جود هيج فتحت عين وحده والثانيه مغمضتها لان نعسانه 😂 كتلها جربي تسوين هيج وشوفي الوحش الي يطلعلج 😁
ام جود : 🤣 كومي غير اخاف عليج من المشاكل يلا منتظرتج راح احطلج ريوك
جمانه : 😒 استغفر الله الهم العن عمامي الجلاب الخلوني بهيج موقف 🤣 ونعنع ضلوعهم تنعنع
ام جود : 😂😂
جمانه : جود وين 🙄
ام جود: جود طلع قبلنه عنده شغل وي الولد بلبستان 😊
جمانه : اتريكنه اني وخاله انوب طلعنه البيت الشيخ حته نبدي نسويلهم ريوك ونمد السفره خاله ام جود راحت سبقتني تمشي سريع اني ضليت اصفن بلزرع والبستان امشي على بيض مكسر 😂 مالي خلك الحك ع الضيم
اول ما فتحت الباب ودخلت لكيت قيصر جاي يطلع بلسياره 🙄 كلت بكلبي يوو روح تبدي المشاكل بعدين شو هذا ما سوه شي باوعلي صفح وصعد للسياره واجه فهد سلم عليه وفتح الباب وطلع صكر كبل استغربت حسبالي راح تصير مشكله وعياط مثل كل مره 😂 بس الحمدلله ما صار شي رحت دخلت للمطبخ
ام جود : يمه جمانه هاج هذا البيض روحي حطيه ع السفره
جمانه :خاله لعد شو شيخ صكر راح طلع كبل ماتريك 🙄
ام جود : عادي تلكينه مستعجل او اكله فدشي بسرعه وراح 🙄 هوه دائما يعتمد على نفسه مينتظر احد
جمانه : اهاا 🙄 شي حلو 😂
رحت احط الاكل ع السفره وام صكر دخلت للصاله وخازرتني بودهه تاكلني بسنونه🙄😂
بس ماتكدر تسوي شي جد صكر وابوه كاعدين وعمامه هم اجو التمو
جاي اطلع وما احس اله ايد حظنتني من وره 😂 باوعت لكيته لؤلؤه
لؤلؤه : 😊 شلونج عمه
جمانه :انصدمت وحبيت بنفس الوقت 😊😂 اول مره احد من هاي العائله يحترمني هيج بعدني ما رديت عليهه وامهه حجت
عبير : 🤬 عمه شنو عمه العماج انشالله هاي الخدامه ولج
جمانه : عصبت من حجت عبير كدام الكل هيج ردت ارد بس سكتت من رد عليه جد صكر
جد صكر : عبييير 🤬 شهل كلام ع الاقل جا حترمتي وجود الكبار جمانه بتنه واذا اسمع هلحجي مره ثانيه اتصرف وياج غير تصرف 🤬
فهد: منو كلج انو جمانه خدامه لاا جمانه لا خدامه ولا بطيخ وتسواجن تره 😒 وحاولن تعيدن مره ثانيه هذا الحجي اسويجن نصين 🤬
جمانه: من حجه فهد استغربت كلامه وانصدمت يعني صح هوه حباب وياي بس ماتوقعته يكسر اهله هيج علمودي 😮 كبر بعيني 😂
ام صكر : الكبر يلمخنث تف عليك دافع عن وحده ساقطه اهلهه كتلو اخوك وتقلل من بنات عائلتك وتنطي بيهن تف عليك وعلى تربيتك 🤬🤬
جد صكر : كافي 🤬 احترموا اشويه اذا اسمع كلمه بعد متلومون اله نفسكم
جمانه : الكل خرس من حجه جد صكر وسمعت عبير غلطت على لؤلؤه وتحلفتله 😒
عبير : تف عليج طيح الله حظج 🤬 شفتي المشكله السويتيها خلصي اكل اذا ما اسودنج اليوم اكلب عيونج زرك
لؤلؤه : اني شعليه 🥺
عبير: اش ولا كلمه حسابج بعدين 🤬
لؤلؤه : ماريد اكل خلصت 😢💔
عبير : اش ولا كلمه كملي زقنبوت اني لو منج اضل كاعده ع السفره اتريك طول عمري لان وراج كتله تسوه عمرج حيوانه 😒🤬
جمانه: اني اسمع عبير تهدد بطفله خطيه حته كطعت شهيته 🤬 وخرعته
رحت جبت ملح واجيت يم عبير حطيته بصفه ودنكت شاورته من دون محد ينتبه وكلتله اذا لكيت شعره من لؤلؤه منتوفه اندمج الحد اخر يوم بعمرج 😈 حته زوجج اخطفه منج واسويه وتعرفين ماعندي مانع
عبير من حجيت وياهه هيج فتحت اعيونه على حيلهن واختلست تعرف انو اني كلشي ممكن اسوي وتعرف انو الرجال هنا زايغه عيونهم عليه وينتظرون كلمه مني او اشاره 😈
ضحكت ورحت طلعت وكملت شغلي صعدت للغرفه رتبته لان حظرة السفير كالبه 🙄😒 ما بقي شي بمكانه حته فراشه ما شايله جاي اعزل ولكيت ورقه اصغيره ع الميز فتحته اشوف شنو مكتوب بيه لكيت مكتوب بيه انجبي 🙄😂😂
فتحت الجراره حته اكمل تعزيل لكيت بعد ورقه صغيره مكتوب بيه انجبي ومرسوم وجه مبتسم 😊🙂 وكاتب الي جوه هاي بدال مال البارحه
اتذكرت البارحه من غلطت عليه 😂 ردهن عليه بلورقه لان يدري اذا غلط كدامي امسح بيه الكاع
دورت اذا اكو بعد اوراق بس ما لكيت اخذت قلم حمره وكتبت ع المرايه
قندره عليك 🙂 ورسمت سمايل مبتسم 😂😂 ورحت اسبح بلحمام الي بلغرفه حسيت واحد دخل الغرفه اكيد هوه 😂
انتظرت ردة فعله
.................................................................
قيصر اجيت من الديوان الظهر جاي دخلت للغرفه شمرت الغتره على الجربايه ورحت احط السويج ع الميز وباوعت ع المرايه مكتوب عليه قندره عليه 😒🙄
استغفر الله ربي هسه اشلون ارد لو لا خل امسحه واغلس حته استفزه اخذت اكلنس حته امسح شنو هاي شو هذا ما يروح ضليت افرك وكاكو طكت اعصابي فشله هاي اشلون اذا اجه واحد وشافهه 😤 فقدت اعصابي وصيحت جمااااانه 🤬
طلعت راسه من الحمام ابتسمت وكالت وسمم 🙂 ورجعت دخلت راسه
طلعي ولج كليلي شنو هذا ما ينمسح ولج 🙄🤬
حاجتني من الحمام
جمانه : انتظر جايتك ثواني
طلعت لافه الخاولي ع راسي ورحت يمه كتله حلو المفاجأه 😊🙂
قيصر: 😒😒🙄!!!
جمانه : ليش ساكت 😢 ما عجبتك هسه امسحهه واكتبلك احلى 😁😂
قيصر : 😒 اكلي تبن وكليلي هذا شلون ينمسح 🙄 مسحته وما راح
جمانه : 🙂 اي وانت تمسح المرايه بكلنس عادي شنو منشوله قابل
قيصر: هاا لعد بيش امسحه بفالينتي 🙄😒
جمانه : بفالينتك يلوصخ 🙂 منو يغسل وراك امك
هذا الكلنس تمسح بيه خشمك من تصير بيك فلاونزه مو تمسح بيه مكياج 🙂
قيصر : 🤬🤬🤬 كافي فضيه عاد بشنو يروح هذا
جمانه : يروح بكلنس مخاص مال مكياج 🙄🙂
قيصر : اي يلا لعد روحي جيبيه 😒 ومسحي المرايه اني رايح ابدل وانزل اتغدى
جمانه : لا 🙂
قيصر : شنو لا 🤨
جمانه : اني اروح اجيب الكلنيس وانت تمسح اني بلنسبه الي ماعندي مانع تببه الكتابه ع المرايه فما امسح شي🙂
قيصر: 😤🤬🤬🤬
ضربت المراية بوكس فلشته صارت طشار وايدي انشكت
وكتله لا ميحتاج لتعبين نفسج وتجيبين شي انحلت المشكله 🙂 بس لمي الكزاز من الكاع ليتعور احد
جمانه : 😮😮😮😮 انصدمت من ردة فعله دار ظهره وراح شفت نقاط دم ع الكاع وشفت ايده تنزف 🙄
حسيت زودته اشويه 🙄 بس هم هوه زودهه ضروري يكسر المرايه هسه بيش اباوع الخلقتي 😢💔
راح قيصر ضليت الم الكزاز ورحت كنسته صار الميز يلعب النفس ضجت 💔😢
رحت اخذت علبة الاسعاف الاوليه ونزلت لكيته كاعد ع القنفه وما مهتم يصفن وي روحه لو يباوع بلزوايا وبس غاسل ايده ما شاده
رحت يمه
جمانه : هااك 🙄
قيصر: شنو هاي عيفيه ما اريد 🙄
جمانه : هاك ولك شدهه لا تسمم 😒العفو قصدي لا تلتهب 😁😂
قيصر : لا هسه بس اشدهه تبين كله تبدي تسال خليه هيج
جمانه : اي ع اساس هسه هيه مخفيه ما مبينه هاك اخذ بلا عناد 😒
قيصر : شنو تخافين عليه 😁😂
جمانه : 🙂🙂 شهل ثقه العندك لا ما اخاف قندره عليك حلل اصلا تستاهل 🙂 بس اني كلت احترمك اشويه واكفي نفسي شر المشاكل 🙂
قيصر : شمرت عليهه علبة الاسعاف وكتله جمانه وخري منا لا انعل ابليسج 🤬
جمانه : اكل تبن كلشي ولا بليسي خط احمر 🙂 اغلط عليه ولا تغلط على ابليسي
قيصر : استغفر الله ربي صبرني على هلبلوه اني ما اعتقد انتي بت الناس الي جابوج النه انتي جابوج من الشماعيه وقشمونه بيج 🙂😂
جمانه : لا والله بتهم بس اني دارسه ومتخرجه مناك 🙂😂
قيصر : اشلون متحمله روحج ولج 🙂
جمانه: لا اني روحي احبه ومتحملته كول اشلون متحملتك اني ربي يصبرني عليك بس
قيصر : استسلمت جبهتي صدعت حسبي الله ونعم الوكيل عليج بس ما اكول غير هيج 🙂
اتكسحي صبي غده
جمانه : موقبل ما توعدني بشي🙂
قيصر : شنوه هوه 😂
جمانه: تصلح المرايه بيش اشوف خلقتي الجميله الرائعه 💔🙂
قيثر : 😂😂 ماشي بس ترحين طياره الام جود حته تفرشون السفره
جمانه : هاي هاي كابتن 🙂😂
قيصر : خبال ونبي 🙂
................................................................. وللحكايه بقيه .... يتبع
الكاتبه : كل عام وانتو بالف مليار خير 😍💋 يارب ينعاد عليكم وانتو وعوائلكم بصحه وسلامه
# محبتي للجميع 💋😍
ق
YOU ARE READING
فصلية قيصر الفاتنه
Humorقصه تتحدث عن فتاة ذكيه وذات شخصيه قويه تمتلك جمالا خارقا تقع ضحية العادات وتقاليد وضحية مجتمع متخلف و ذكوري لتقلب الموازين فتذهب فصليه وينتهي بهى المطاف سيدة لقصر وتصبح من محكومه الى حاكمه اتمنى لكم قرائة طيبه ♥
