فصلية قيصر الفاتنه

11

جمانه صعدت الغرفتي سبحت وبدلتلبست تراك سود اسود  ومشطت شعري ذيل حصان وكعدت على الجربايه ارسم جنت جايبه وياي دفتر رسم والون وكعدت اشخبط واضيع وقت منا لمن انعس وفجأة انفتح الباب ودخل قيصر مطنكر وضايج ويباوعلي صفح يخزر بيه بس ماحجه ولا كلمه يدري بيه اردهه بعشره 😁😂 واني مدنكه سويت روحي ماشفته اصلا ولا هتميت صارلي تقريبا شهر بيت قيصر بس بهذا الشهر عشت مومه مشاكل تعادل مشاكل حياة انسان كامل انولد وعاش ومات 🤔🙄 ماحسيت اله قيصر اجه وذب روحه على جهه الثانيه مال الجربايه وحط ايده على عيونه ونام اني كبل عطت بيه
جمانه : هيي هيي وين احنه مو متفقين تنام على الكاع 🤨 شتسوي نطمرت ها بس قيصر ولا تحرك ولا رد عليه وضل مثل ماهوه احجي وياه وهوه ولا كأنو عصبني جانت يمي مزهريه محطوطه على الكومدي بص الجربايه من جهتي بيهه مي حاطه بيهه ورد طبيعي من البستان  جبته العصر شلتهه طلعت الورد وكبل ذبيت المي على راسه سبحته غركته تغرك 😁😂 هوه شهك وكعد على حيله جرني من ياختي وعصب بشكل ماصاير
قيصر : جمانه اليوم موتج على ايدي من دون شي اعصابي تلفانه انوب انتي فوكاي اطلع روحج اليوم 🤬😡 يا غبيه
جمانه : 🙄😏 باوعتله باكثر نظره يكرهه الي دائما استفزه بيهه وكتله اولا لاتغلط احترم نفسك ثانيا انته البديت مو اني اجيت ونمت على فراشي ثالثا شنو متخل روحك عزرائيل حته تموتني شوكت متريد 🤨😒
قيصر : 🤬 لاتكثرين بلحجي وتنطيني محاظرات لو بيدي هذا السانج اله اكصه الج ابد ماعندج احترام وبعدين هذا فراشي ولاتنسين انتي كلج فصليه لاتشوفيني اتصرف وياج بادب وانسانيه ياخذج الواهس انتي دواج الدك  لو انتي فصليه عد غيرنه جان مسحوا بيج الكاع
جمانه : كلام قيصر جرحني واذاني بس مابينتله بس ضجت من قيصر بشكل حسبالي مختلف ومتحضر عنده عقل بس هوه كلساع وستهزء بيه هوه مثلهم ماكوا اختلاف كرهت حياتي عدهم
سويت روحي استهزء وكتله شوف محد كلك جيبني فصليه انتو الي طلبتوا فصليه يعني انتوا الي تتحملون المسؤليه مو اني فلتضل كلساع وجبت هاي السالفه ثانياً طالما هلكد ضايج مني ومو متحملني رجعني الاهلي واخلص واخذ فراشك وغرفتك وكل هاي المساحه الك 🙄😒
قيصر : جمانه من حجت هيج مثل شخص وضربني على راسي اني معصب لان هيه تضحك وتحجي وي جود بس مومال اخليهه تكرهني اني ما اريدهه تضوج مني  فسويت نفسي ع اساس ما مهتم وعود كبرت عقل وياهه😁 وعفتهه وكتلهه 
قيصر : انتي الكلام وياج عقيم اصلا بس طول السان انطمري وطفي الضوه اريد انام كمت وفرشت بلكاع ونمت بس شو جمانه طفت الضوه وطلعت بره ماكدرت انام ضليت افكر وين راحت انوب راسا اجه بالي خاف راحت يم جود كمت وطلعت وراهه اجيت لكيته كاعده بره بلحديقه وعدنه مرجوحه كبيره مسويهه للاطفال ايلعبون بيهه لكيته كاعده وتهتز بهدوء وصافنه بس باوعتله من بعيد ماردته تحس عليه انوب طمأنيت ما وياهه احد صراحه اغار عليهه خاصتا هيه حلوه الكل يباوعوله حته المزوجين فما احب اشوفهه وي احد بعدين رجعت للغرفه ونمت
.................................................................
جمانه : معاملة قيصر الي ما حبيتهه ومن كلي طفي الضوه ونامي جنت مختنكه من كلامه اني ما احب احد يذلني لو يمن عليه 😑 رحت طلعت بلحديقه جانت اكو مرجوحه كعدت عليه وضليت اصفن وافكر واتذكر اشلون جنت عايشه قبل بس مهتمه بنفسي وشغل قليل كلش مو مثل هسه بس جلف ومسح وكنس هاي من غير الكعده من الصبح بس اتحلفت القيصر وكلت بكلبي تريد تلعب وي جمانه اله اعلمك 😏 اذا ما اخليك تتمنه ما مقابلني بيوم من الايام اني مو جمانه 🙄🤨 كمت رحت صعدت انام لان تاخر الوكت ورايه كعده من الصبح 😤 طلعت روحي نومي صار كلش قليل ونهاري متعب بشكل والمشاكل فوكاي مثل المطر كرهت الحياة 😫
.................................................................
ثاني يوم كعدت الصبح نفس روتين الشغل بديت احضر الريوك واجه جود للمطبخ دخل غراض ومسواك وابتسملي كتله صباح الخير ابو الجوج ضحك وكلي صباج النور ام الجوج 😂
وما حسينه اله انتبهنه قيصر يم باب المطبخ واكف ومنتجي على حافة الباب ومتكتف ويباوع ومن سكتنه كال
قيصر : ها شبيكم ليش سكتو احجي شي ام الجوج خوما ازعجتكم وانته ابو الجوج ليش سكتت كملوا جريت كرسي طاولت المطبخ وكعدت عليه بلعكس وتكتفت على ظهر الكرسي وكتلهم اعتبروني ماموجود 😏
جمانه : اي شخنه ليش لا نكمل قابل خايفين موصح جود طبعا جود بس صافن اي شيخنه ماكتلي شيخنه شتسوي بلمطبخ اني ادري بلشيوخ مكانهه الديوان مو المطبخ 🙄😏
قيصر : اعرف جاي تستهزئين ومو من كل كلبج من تكليلي شيخنه بس اني شيخ وغصباَ عليج 😑😏
جمانه : اكلك تصرفاتك صايره موقانونيه ولا منطقيه هاي الايام وخاصتا وياي بيك شي 🤨
قيصر : ابدا بلعكس اني ما اشوف تغير بس انتي جاي تخفين يوم بعد يوم 😒
جمانه : 🙄 شنو قصدك استاذ صكر 😡
قيصر : لا ولا شي سلامتج اني رايح 😏
جمانه : روحه بلا رده واحسب احسابك اذا تريد تجي بعد للمطبخ تعال بوكت غسل الماعين حته تساعدنه وتنفعنه بشيء على الاقل 😤😏
قيصر :😡 صايره تجفصين هواي بلحجي ست جمانه 🤨
جمانه : سكتت وما رديت غلست عصب اكثر وطلع من المطبخ اعصابه تجدح 😁  درت على جود وكتله ولا يهمك اتمنه متاخذ على خاطرك منه هوه غريب اطوار هل ايام 
جود : لا عادي  بس انصدمت اول مره اشوفه هيج ويحجي ويداهر 😂  جود طلعت من المطبخ ورحت اشتغل بلبستان واساعد الولد هم وما احس اله قيصر اجه يمه واعصابه نار
قيصر : شوف جود اني كل عمري حاسبك اخويه الصغير واحترمناكم وعشتوا ويانه بس مال تمشي وي جمانه لو تحجي وياهه ممنوع واذا شفتك ماشي وياهه لو تحاجيهه ماراح تلوم اله نفسك بعدين انته من كل عقلك تمشي وي وحده لامستوره ولا تستحي تتمضحك وي الرايح والجاي 🤨
جود : اعتبر كلامك تهديد 🤨
قيصر : شتعتبره اعتبرهه المهم كلامي يتنفذ بلحرف الواحد 😒
جود : لا تنسه انو جمانه مرتك شلون تحجي هيج وتطعن بيهه 🤨
قيصر : معليك انته ومالك شغل بجمانه افتهمت 😡🤬 دفعت جود ورحت ما حبيت اعامل جود بهلطريقه بس ما عندي حل ثاني حته ابعد جمانه عنه ما طيقهم سوه 😤  ورحت جانت عنده كعده بلديوان وطولت بيهه  حته ما ارجع للبيت واشوف جمانه صاير اضوج ودائما نتعارك
.................................................................
مر اليوم بشكل روتيني ككل يوم مشاكل وشغل بس الغريب بلموضوع جود بعد مابين وقيصر هم ماشفته منهد الصبح وكل ما اسال عليه يكولون بلديوان  وسالت خاله ام جود على جود كالت ما ادري بيه اكيد كاعد يشتغل بفد مكان  رحت كملت شغلي صعدت للغرفه سبحت وبدلت لبست فستان ربع ردن وردي طويل مال بيت يشبه الدشداشه وحليت شعري وكمت اكلب بلتلفزيون اشويه ونفتح الباب دخل قيصر وجانت الساعه بلوحده بليل هوه حته ما اجه على العشه وفوكاهه دخل جنه حامل لعبانه نفسهه حته ما سلم 🙄😤
جمانه : وين جنت يا صكر المحترم 😒
قيصر : شعليج على اي اساس تسألين انشالله حاسبه نفسج زوجتي من صدك حته تحاسبيني 😡
جمانه : هيو هيوو 😡 كافي على سواد يعونك سائلتك على اساس سالتك لان ما ادري متعشي لو لا حته اذا ما متعشي اجيبلك عشه ماتشوفني كاعده الي هسه 🤨 بعدين طبك طوب وين ماتروح روح وعناد بيك حتلو ما متعشي راح الف راسي وانام واشوف منو يحطلك عشه اكل زقنبوت 😤 وتغطيت ونمت
قيصر : صراحه اتمنيت الكاع تنشك وتبلعني من وره السانهه الماينجرع غسلت كرامتي غسل هسه اني شحجاني يربي 🙄 بعدين كتله انمري ومالج شغل بيه بعد اني اصلا اتعشيت واكلت احلا عشه واني جذب كلشي ما ماكل 🙄😂 بس علمود اخفف من حدة الرزاله  وميت جوع بس كرامتي مانطتي اكله ما متعشي  وما احس اله ردت عليه من جوه البطانيه طبك طوب زمهرير بطنك انشالله شكلهه عصبت حيل 🤣 اني معصب بس اضحك على تصرفاتهه مال مخابيل فرشت بلكاع ونمت وبطني كامت كلساع تقرقر ولا سكتت واني خجلت انوب بس لا جمانه كاعده هسه تكلي جذاب وما احسه اله واحد ضربني بلمخده على راسي طلعت جمانه  صفنت كتلهه شبيج
جمانه : كايمه احطلك عشه ومره ثانيه لاتجذب وهاي مو الخاطرك لا الخاطر راسي ألي نسطر من وره صوت معدتك اريد انام ماكو 😒 اليكول راديوا ويكطع
قيصر : جمانه ماكافي والله ما اكدر ارد عليج مسحتي بكرامتي الكاع تره 🙄
جمانه : 😒😒
.................................................................
جمانه جنت مغطيه راسي  جوه البطانيه بس ما نايمه انوب كمت اسمع معدت قيصر تقرقر كوه كاظه ضحكتي كلت بكلبي ها يلمتعشي شو العشه طار مبين انوب اختنكت اريد اضحك متت  سويت روحي ضايجه ومزعوجه اخذت المخده البصفي وصفكته بيهه ورحت احطله عشه استخطيته 😂 رحت جبت ألعشه الي جنت عازلته اله صعدته وحطيتله مقبلات ولبن وحبشكلات وبده ياكل  ومدنك ولا حجه كلمه ولا باوعلي كلت ميخالف جوعان ومستحي خليه 😂  كمل اخذت الصينيه نزلتهه غسلت الماعين وعزلتهن وصعدت انام ....
.................................................................

وللحكايه بقيه .....      يتبع