فصلية قيصر الفاتنه

8

خل نتعرف على فاتن اكثر 😊
.................................................................
فاتن: هلو اني فاتن عمري ٢٣سنه مواصفاتي عيوني خضر وشعري اسود متوسط الطول وطولي ١٦٥من سمعت اخوي مات بحادث اطلاق نار عشوائي انقهرت كلش 😔بعدين من سمعت راح تجي فصليه بدل ما يصير هدر دم بين العشيرتين ضجت على البنيه الي راح تجينه لان موذنبه وقررت اساعدهه واوكف وياهه 🤔اني حيل احب اهتم بنفسي واكون جميله اني من احلى بنات عشيرتي وهل شيء يهمني ومن شفت الفصليه وجمالهه واناقته الي مختلفه عنه تماما ما اعرف ليش ضجت وغرت منهه حيل بحيث ما استحملتهه خاصتا من شفت غروره وطريقة كلامهه وي امي صارت شوفتهه تستفزني 😡 وره الي صار بيني وبينهه صرت اكرهه كلش
.................................................................
خل نرجع الجمانه ونشوف شصار وياهه وره ما تعاركت وي فاتن والمسرحيه الي سوتهه
جمانه : وره ما طلعت من المطبخ عود مقهوره وابجي 😢دخلت للغرفه وقفلت الباب وكوه كامشه ضحكتي وجنت متوقعه قيصر العفو قصدي شيخ صكر راح يجي ورايه 😂 فجنت مستعده للمشهد الثاني من المسرحيه وبعدين صكر دك الباب
رجعت سويت روحي ابجي ومقهوره وفتحت الباب ورجعت كعدت فوك الجربايه وحطيت راسي بين رجليه وضليت ابجي عود 🤭😂
قيصر : 😫كافي يلا جمانه ما اصدك انتي هيج ضعيفه من ساع السانج شطوله عليه هسه جاي تبجين حالج من حال الجهال 😒
جمانه : اي ابجي قابل اني مو بشر مو من حقكم تمدون ايدكم عليه مو اني الي شلت اسلاح وكتلت اخوك اني اعرف انتو كارهيني وضايجين مني بس اني هم بشر اذا انتو فقدتوا ابنكم اني حاليا فقدت اهلي وحياتي وجامعتي وعيشتي كلهه 😭😢
قيصر : 😢 خلص حقج علينه اوعدج وعد شرف وازين شاربي اذا خلفت وعدي الج ما راح احد يمد ايده عليج بس انتي ديري بالج من السانج 🙄 يلا سكتي
جمانه : خلص لعد ماشي راح اسكت وبعدين انشوف 😊
قيصر : 🙄 يلا لعد اني راح انزل اتغده نزلي انتي هم حته تاكلين 😊
جمانه : اوك ٠😊
جمانه : رحت نزلت اكل بلمطبخ لان همه ميطيقون شوفتي على السفره كعدت واني افكر باهلي وبصديقاتي ودراستي وقررت اراسل صديقاتي بلقسم ع الكروب لان صارلي فتره مختفيه حابه اشوف شكو ماكو
خلصو غده كمنه اني وام جود غسلنه الماعين ونظفنه البيت قصدي المدينه مالتهم 😒😂 لان مومال اكول عليه قصر لان اكبر من الازم طبعا مو وحدنه جناينهم وبناتهم هم طلعت روحنه يالله كملنه كمت صعدت فوك للغرفه باوعت ماكو قيصر يمكن طالع للديوان طلعت جهازي وبديت اراسل بنات قسمي وصديقاتي
وحجيتلهم على الي صار وياي وانو اني بعد ما اكدر اداوم كلهن كامن يكولن ياا خطيه ومدري شنو وحده اتكول يا مسكينه والثانيه تكول عزهه ومن هل حجي ضجت ما احب الشفقه😡 كظيت ومسحت حساباتي وكسرت السيم كارت
وهم حته لا احجي وي اهلي واضل متعلقه بيهم ولا همه يضلون متعلقين بيه اريدهم اشويه اشويه ينسون صح صعب ومستحيل بس هم حته اذا صار وياي شيء مؤذي ما اكعد اشكيلهم واذيهم بلزايد 😔
جاي انزل العصر من الدرج وما احس غير عشيره مال جهال واكفين مقابيلي ويصيحون عليه فصليه فصليه عرفت اكو احد محركهم عليه ماكو غير امهاتهم الي يتخبلن مني 🤨
سويت روحي ما اهتميت وكمت اضحك واكلهم شكرا شكرا على اساس اني مشهوره وكذا وذوله جمهوري سويت الموضوع على شكل لعبه حسستهم جاي العب وياهم وكتلهم اتصيرون اصدقائي همه كالوا اي انصير اصدقائج لان انتي حلوه مثل الاميرات كتلهم الي يريد يصير صديقي يسمع كلامي يالله 😊
همه وافقو كتلهم من يلتمون اهاليتكم على العشه كلمن ايجيبلي ورده جوري من البستان وكلكم من انزل من الدرج تكولون سوه انحبج جمانه وتحضنوني وهيج اصير صديقتكم واجيبلكم حلويات 😍 ماشي همه وافقوا
بعدين كلت بكلبي راح تشوفون شراح اسوي بيكم منا وهيج ماطول انتو الي بديتو الحرب 🤭😏
.................................................................
رحت اساعد خاله ام جود حته نسوي عشه كملنه جهزنه السفره التمو كلهم اني صعدت حته من انزل الجهال يركظون عليه ويقدمولي الورد مثل ما خططت واتفقنه اشويه الهناك نزلت والجهال كلهه ركظت عليه وحظنتني وكلمن انطاني ورده جمعت كومه ورد وصاحو نحبج جمانه اني سويت روحي ما ادري ومتفاجأه 😁😂 عود وبستهم كلهم وكتلهم انتو ورودي وهمه ضلو يضحكون وام صكر وجناينهم وبناتهم بودهن ياكلني بسنونهن 😂
جد صكر :😲 هاي شنو جمانه شبساع كدرتي تخليهم يحبوج هيج هذا اول يوم لازم انتي شخص مميز حيل حته بهاي السرعه تعودوا عليج 😊
جمانه : تسلم شيخنه كلك ذوق هذا من لطفك اتشوفني هيج 😍
ام صكر : اشلون وحده لوكيه ماتستحين تحجين هيج وي رجال وتتمايعين 🤨 كدام الزلم
جمانه : سويت روحي ضجت وكلت عن اذنكم ورحت 😔
ابو صكر : اشبيج ام صكر وي البنيه صحيح هيه مو محجبه بس مبينه محترمه تره
جد صكر : مامقبول منج يا ام صكر الي سويتي هيه ما اذتج بشي 😒
ام صكر : اشلون ما اذتني بشي شيخ ليش وابني الي راح بسبب اهلهه شنو نسيتوا بعده دمه يفور 😭
ابو صكر : 😩😢 ام صكر الي صار قضاء وقدر ومانكدر نعترض على حكم رب العالمين وهيه هم صارت ضحية العادات والتقاليد مالهه شغل حته ابنه طالب لو جان موجود ماجان راح يرضه تسوين هيج
ام صكر : 😭😢
.................................................................
جمانه وره ما خلصوا عشه جنت جاي الم السفره وما نسمعلك اله عياط الجهال وصريخهم كلمن كظته امه وشبعته دك كتل 🤣 اني كلت حل وياهم ضربت عصفورين بحجر واحد هم غثيت اماتهم هم خليت الجهال ينكتلون لان العصر جانو يصيحون عليه فصليه كملنه شغلنه اني وام جود ونعست حيل صعدت انام لان كاعده من الفجر وباجر هم وراي كعده من الصبح فرحت الغرفتي حته انام صعدت لكيت قيصر هم ماموجود كيفت كلت احسن كعدت ع الجربايه وكمت اكلب بلموبايل 😊
.................................................................
قيصر : اليوم جان كلش صعب فوك مشاكل العشيره وطلايبه انضافت عليهه مشاكل جمانه الي اصعب من مشاكل العشاير من وره عنادهه والسانهه 😩 اليوم هيه تعاركت وي اختي فاتن وضلت تبجي طيبت خاطرهه بكلمتين وره ما سمعت كلامهه وشكوتهه الي حسيت جمانه صارت مسؤليتي لان ماله احد غيري وامي والعائله شادين وياهه قررت اوكف وياهه والله يصبرني رحت للديوان اشوف شصاير ما صاير واتابع ارضنه وحلالنه واحل المشاكل الصايره رجعت المغرب صليت وصبو السفره ومن نزلت جمانه تفاجأت شفت الاطفال ركضوا عليهه وحضنوهه استغربت شبساع حبوهه ولو هيه ماكو شيء بيهه ماينحب بس شكلهه كافي والسانهه الله يستر منه يكص كص الله يسلمهه😫 انوب امي ضوجتهه بلكلام اني ماكدرت احجي اعرف نفسيت امي تعبانه بس جدي وابويه ماقصروا هلشي ضوجني خلصت وطلعت للبستان اشم هوه لان تعبت نفسيتي من المشاكل حقه جدي وابوي من تنازلوا عن المشيخه بعدين تعبت ونعست رحت رجعت للبيت وصعدت الغرفتي حته انام فتحت الباب ولكيت جمانه ع الجربايه وصافنه ....
.................................................................
وللحكايه بقيه يتبع