فصلية قيصر الفاتنه

12

جمانه  كالعاده كعدت من الصبح سبحت وبدلت ونزلت اشتغل واساعد خاله ام جود بس لاحظت خاله ام جود مو على بعضهه وكوه تحجي
جمانه : خاله شبيج شو مو على بعضج 😥
ام جود : لا يمه مابيه شي 😊
جمانه : لا خاله مو عليه هلشي قابل تغشيني تره الي كدامج دكتوره لاتنسين 🤗 يلا كليلي شبيج
ام جود : لا حبيبه مابيه شي لو بيه جا كتلج 😄
جمانه : خاله اذا تعبانه لو مريضه كولي حته ما اخليج تشتغلين روحي ارتاحي اني اخلص الشغل اعتمدي عليه 😉
ام جود : لا بنيتي شلون اعوفج صدكيني لا مريضه ولا شي عود اكلج لو صار بيه هيج شي 😊
جمانه : لا اسم الله عليج خالتوو 🙄 ع راحتج ماراح الح اكثر عليج اصلا ايست اقنعج تحجيلي شنو وشبيج 😅
ام جود : 😊 يلا بنيتي خل انروح نصب الريوك راح يكعدون الجماعه
جمانه : همه شلون جماعه على اساس 🙄 اخ منك يلساني بس لو اكدر احجي جان ما بقيتلهم كرامه يواجهون بيهه الناس والعالم 😑😂
ام جود : يمه لاتشيلين عليهم همه طيبين بس الي صار مو شويه
جمانه : والله ماشفت طيبه بيهم ابد الطيبه عدهم لا محل لها من الاعراب 🤣 اله كم واحد ينعدون على الاصابع 🙄
جمانه رحنه حطينه الريوك ومر اليوم كله واني مالمحت حته خيال جود وثاني يوم كذلك هم حته قلقت مو من عادته وكل ما اسأل خاله ام جود لو تتهرب لو تكول عنده شغل بس اني ثالث يوم ماتحملت طكت فيوزاتي
جمانه : خاله ام جود احجيلي شنو صاير ليش جود مختفي 😟
ام جود : يمه ماكو شي بس هوه مشغول
جمانه : لا خاله اكو شي تره حته انتي مو على بعضج هل ايام 🤨 عليج الله خاله احجيلي صاير شي  وره ما لحيت شكد يالله قبلت تحجي
ام جود : ماشي بس عليج الله لاتكلين الاحد سمعتي مني حته جود لتكليله ماشي ☹
جمانه : 😐 اوك احجيلي
.................................................................
عوده الى الماضي قبل ثلاثة ايام ....
ام جود : دخل جود لبييت وجنت صابه العشا وشفته مو على بعضا وضايج لاول مره اشوف جود هيج كتله يمه شبيك شنو مريض لو واكع بمشكله ليش وجهك مكلوب
جود : يمه احنا مالازم نبقه هنا واني مستعد اشتغل واااجرلج بيت تكدين بيه
ام جود : يااا جود شبيك تخبلت وينك وين هاي المسؤليه بعدين شبيه بيت الشيخ موصارلنه سنين كاعدين ليش تريدنه نطلع ونرفس النعمه الي احنه بيهه 😐
جود: يمه كااافي ماتعبتي من الشغل عند الناس ماتردين ترتاحين مو خلصتي عمرج بس تعب وقهر ماشبعتي انتي بس وافقي احطج على راسي وناجر بيت واكعدج بيه واصرف عليج وازوج واجيبلج جنه تساعدج انتي بس وافقي 😥
ام جود : يمه شبيك تخبلت لو انت مصخن وينك وين الزواج والبيت والمسؤليه 🙄 بعدين ماتكلي شنو مناسبة هذا الحجي
بده جود يحجيلي الي صار بينه وبين قيصر من تهديد وانتقاص واهانه  وطعن بشرف جمانه
جود : لذلك يا امي ياحبيبتي وافقي خل نعيش مثل العالم وناس
ام جود : يمه مدري شكلك ع الاقل انطيني فرصه افكر نلكه حل هسه منين طلعتنه هاي السالفه يربي 😥☹
.................................................................
عوده الى الحاضر ...
جمانه ام جود تسولفلي😶 واني اعصابي شتعلت 😡شلون تجرأ يحجي هيج وفوكاهه يطعن بيه وينطي بيه ماتحملت جانو هستوهم مخلصين ريوك وكلهم ملتمين كبل كمت من يم ام جود وخطيه ضلت هيه تصيح ورايه دخلت وضليت اصرخ بكل صوتي  كدامهم كلهم
جمانه : قيصرررر😡 انته شلون تجرأ وتطعن بيه وتنتقص من جود وتقلل من قيمتي وقيمة جود وامه هاي عود انته شيخ وفخر عشيرتك على اساس  كام وجرني من شعري وضل يغلط
قيصر : 😡😡🤬🤬 يااا كلبه جان استحيتي  كدام الرجاجيل لا اكو اخلاق ولا احترام تصيحين وتصرخين وانتي كلج خلك فصليه على اي اساس ترفعين صوتج وتحجين عليه
ام صكر : ولج انتي يلفصليه الحيوانه شايفه نفسج علينه وتغلطين عليه كدام الكل وهوه شيخ عشيرته  اله اربيج 😡
جمانه كامت ام صكر تريد تمد ايدهه عليه وعاط بيهم جد صكر
جد صكر : بسسس 😡 جان احترمتوا وجودنه على الاقل عيب عليكم كدام العشيره كلها تسبون وتغلطون وماماخذين اعتبار الاحد واحنه الكبار كدامكم
قيصر : بس جدي ماتشوفه شلووو...
جدصكر : انتتت انجببب 😡 تستاهل حسبالي عاقل وتفتهم طلعت مدري شلونك
قيصر : 😧😳
جد صكر : اي جمانه بنيتي شصار حته اجيتي وتهجمتي على صكر وانتي مشتعله 🤨
جمانه : اني راح احجيلك الي صار وانت احكم اذا الي صار يستاهل اعصب وسوي هاي الهوسه كلهه او لا
جد صكر : احجي بنيتي اسمعج 🙄
جمانه بديت احجيله كل الي صار وي جود والي سواه قيصر  وحجيه عني  وطعنه بيه
اي شيخنه وهذا كل الي صار ترضاهه يحجي عني بلموزين ويحجي عن شرفي واني ما مسويه شي
ام صكر : اي على اساس انتي كلش شريفه وينرب بيج المثل
جمانه:  شنو قصدج ٠🤬🤨
جد صكر : ام صكر كافي احترمي وجودنه على الاقل
صكر : بس جدي امي ما كالت شي غلط جمانه لو ساتره نفسهه محد يكدر يحجي على شرفهه 🤨
جمانه : انت شنو من بشر بعدين مو كل وحده ما تتحجب يعني مو شريفه تره اكو هواي محجبات وهنه كلهن من جوه ليجوه  ولا كل وحده سافره يعني موزينه 😡
جد صكر : قيصر كلمه ثانيه منك وما راح تشوف شي يرضيك وعذرك هذا اقبح من ذنبك بهواي 🤬 جيبولي ام جود ابنهه بسرعه هنا
فادي (فهد): اني رايح اصيحلهم جدو ولا يهمك 😐
جد: يلا فهد بسرعه منتظريك
جمانه : اجه فهد واجت وياه ام جود وجود وحجه جد صكر
جد صكر : شوفي ام جود وانت جود اسمعني هم  وهاي كدامكم كلكم حقكم على راسي واني اعتذرلكم اول شي وحقكم يوصلكم كامل وانت جود لا تاخذ على خاطرك من كلام صكر انته تعرفه زين وتربيت وياه بس هوه هل ايام صاير مدري شلونه ف اتمنى منك تسامحه وهسه هوه يكوم ويبوس راسك ويعتذر منك كدام الكل
ام صكر : شنو شنووو 😡 لا بله شيخنه شلون ترضاهه ابني ينزل نفسه الياهو الجان ...
جد صكر : 🤬 معليييج انتي ابنج غلط لازم يتحمل اخطائه واذا حجيتي بعد وقاطعتيني اعتبري بيتج ينخرب وتطلكين تالي عمرج هذا افتهمتب
جمانه : ام صكر وكت ما سمعت هذا الكلام انخرست حته نفسه بعد ما ينسمع 🤣 اني ارتاحيت نفسيا تستاهل ماشفت منهه شي حلو 🤣
جد صكر : ثق ياجود انت حالك حال من ولدي واحفادي واعز وسمعت تريد تروح واني ما ارضه تروح لان حاسبك منه وبينه بس هذا الشي مامسموحلك انته وامك عشتو ويانه وبيناتنه عشره مستحيل اخليك تتركنه غير هيج شتريد اسويلك وهسه صكر يكوم يبوس راسك ويعتذرلك
جمانه اباوع الصكر عيونه تجدح من الغضب وعروقه بينت وقابض على ايده وصاك سنونه صار جنه وحش بوده بس يهجم ويفترسني ويفترس جود بس مو بيده 😳
جد صكر : يلا يا شيخ صكر روح اعتذر لخوك وبوس راسه وطيب خاطره بكلمتين
صكر : رحت يم جود واني اعصابي تجدح بودي بس اطلع من المكان رحت كتله اني اعتذر منك استاذ جود وهوه نضراته الي هم مستفزه وعصبيه وما حجه ولا كلمه منهد مادخل
جد صكر :😡 موهيج بوس راسه واعتذرله هذا اخوك راضيه بس لو اعرف شبيك مامتوقعهه منك ابد حسبالي ينشد بيك الظهر
صكر : اني اسمع كلمات جدي والبركان الي جوايه يغلي يريد ينفجر يايوم اني نذليت هيج انوب كدام الكل بس اني اعلمج يا جمانه اذا ما خليتج تندمين مو اني صكر 😡 بست راسه وابتسمت ابتسامه مصطنعه وكتله اني اعتذر حقك على راسي انشالله رضيت ظل يباوعلي  بطرف عينه وساكت ومحني راسه  وما حجه ولا كلمه اني كبل طلعت بسرعه ما انتظرت اسمع اي كلمه بعد كلت هسه يكلولي تعال اعتذر الجمانه واني لو بيدي اذبحهه على القبله طلعت بلسياره بسرعه والعصبيه تقره براسي الف واضرب بايدي على الستيرن ضليت بس افتر اخر شي رحت بعيد وكفت على صفحه وظليت صافن وافكر بهاي السالفه ماطلعت من بالي من طلعت جدي ضل يصيح وراي بس ما اهتميت كبل طلعت
جد صكر : اني اسف يبنيتي واني اعتذرلج بدال صكر مسحيهه بيه هوه تعبان من مشاكل المشيخه وغيرهه وتعرفين اتمنه متاخذين على خاطرج منه سامحيه الخاطري
جمانه : هاي هيه شيخنه سامحته بس الخاطرك ولوجه الله مو الغير شي بس لو عليه ما اسامحه ابد خليت وطلعت صعدت للغرفه واسمع الصياح والغلط عليه من ام صكر وجناينهه وزوجات حموينهه ماله والي عصبت بشكل طبعا قيصر مارجع للبيت ابد حته بات بره وما اعرف حته وين بعد احسن ما اريد اشوف خلقته صايره شوفته تستفزني حيل 😡
.................................................................
قيصر : طول اليوم اني معصب  واعصابي وروحي طافره مني اتحلفت الجمانه العب بيه طوبه بس ارجع بس بعدين اتذكرت انو اني من اشوف جمانه انسه كلشي وما راح اكدر اسوي شي ءوصرت محتار اذا صرت اكرهه جمانه لو بعدني احبهه اي اعترف اني حبيت جمانه وما اكدر انكر هلشي بس الشي الي سوته اليوم ماينسكت عليه ابد رحت بتت يم صديقي مارجعت للبيت ولا نطيتهم خبر اني وين بس من هدأت ورجعت الوعيي وعرفت خطأي بس مع ذلك جمانه خطأت خطأ كبير من اجت وفضحتني بصراخهه وعياطهه كدام الكل المفرض اني زوجهه من تصير مشكله بيني وينهه تجي تحاجيني ونتفاهم ونحلهه مو تخليني علج بحلك العالم والي يسوه والميسوه احتاريت شنو اسوي اذا رجعت للبيت اسكت واهدأ الوضع لو افتح الموضوع وياهه وهيه راح تتقبلني بعد لو كرهتني المشكله اني ما اكدر اتقبل حياتي بعد بدونهه رغم ما صارلي هواي من عرفتهه ظلت الحيره تاخذني وتوديني وهواي اسأله براسي حته ماكدرت اكل لو انام مثل البشر هسه اني شورطني شجابهه عليه الهاي البنيه موجنت مرتاح حياتي انكلبت وره جيته ضليت محتار بروحي اخر شي صار الفجر واني ما نايم بعدين غفيت شويه وكعدت رجعت للبيت الصبح دخلت سلمت على امي واتجنبت اشوف الكل ورحت كبل فوك صعدت بغرفتي و اول ما فتحت باب الغرفه طلعت بوجهي جمانه 🤨 .......
.................................................................
وللحكايه بقيه  ...... يتبع