فصلية قيصر الفاتنه

15

جمانه:  حبيبتي لؤلؤه تعرفين عن نفسج لو احجيلهم اني عنج 😊
لؤلؤه : لا خليني اني اريد احجي 😃
جمانه : يلاا احجيلهم 😙
لؤلؤه : هلو اني اسمي لؤلؤه عمري خمس سنوات عيوني سود وشعري قصير اسود واني بيضه على حمره عدي خدود بس موكلش منفوخات 😄 وشكلي ناعم ماما جانت دائما تحجي على عمه جمانه وتكلي كل ماتشوفيهه عيبي عليهه وحته اول ما اجت جمانه دزتني اصيح عليهه واكلهه فصليه بس عمه جمانه جانت حبابه واني احبه لان حلوه وعيونه ملونه كلهم يكرهون جمانه ومن جمانه كلتلنه ذيج المره جيبولي ورد وكلولي احبج ماما كتلتني 😅 وبعد ما خلتني اجي يمه ابد وماتخليني احجي وياهه ودائما اباوع على عمه جمانه من بعيد لان شعرهه طويل وتشبهه الاميرات بس ماما ماتخليني اجي يمهه ابد ادكلي اكتلج اذا اشوفج مقتربه من الفصليه وحته عمه فاتن تضربني اذا ردت اروح يمهه 🙄 هيه ماجانت هيج بس من اجت جمانه ماما وعمه فاتن تغيروا وكلهم 🙄
جمانه : لؤلؤه صح عمرهه صغير بس تفتهم وام السان بس هادئه بنفس الوكت 🤗
.................................................................
جمانه اخذت لؤلؤه من يم امهه وديته يم المغسله كتله اوكفي هنا هسه اجي رحت الغرفتي جبت شامبو وحمام زيت وخاولي واجيت اغسل شعرهه لان امهه تعتني بيهه من وره خشمهه 😑 ومرات تغسل شعرهه بزاهي لو صابون حته شعرهه حلو مخربته صاير مجبن ويلزك كظيت وغسلتله شعره ولفيته بخاولي وكتله تعالي صعدي وياي الغرفتي اسشوره الج 😊
لؤلؤه : شنو اسشوره 🙄 شراح تسوين يعني
جمانه : يعني اجففه الج  وارتبه 😄
لؤلؤه : اي ماما تسشورلي شعري بلخاولي هم 😄 انتو بغداد دكولن اسشوره احنه نكول نشفه
جمانه : 😂🤣 لاولج موهيج يختلف هذا جهاز تعالي هسه اراويج راح يطلع شعرج حلو 😍
لؤلؤه : والله يعني نفس شعرج 😯
جمانه : اي مثله بس قصير يعني 😊
رحت كعدته على الجربايه وجبت السشوار جففت شعرهه وبين اكو اطراف ما متساويه عود مسوينه الهه كاريه كاطمته كطم 😑 يمكن كاصته الهه بمقص الحديقه الله واعلم 🙄🤣
رحت اجيب المقص حته اساويه الهه
لؤلؤه : لا لتكصين شعري ماما متقبل تكتلني واني ارؤده يطول حبابه 🥺
جمانه : لا ماراح اكصه راح اساويه واعدله الج حته يطلع حلو كملته ورتبته الهه وكصيتلهه كذله  قصيره صار شعري يجنن 😍 حته بين جمالهه انوب اخذتهه للمرايه تشوف شكلهه كتله شنو رايج عجبج
لؤلؤه :هاااي اني ؟😯
جمانه : لا هذا خالي 🤣 انتي لعد منو
لؤلؤه : ماصدك صار شعري كلش حلو 😍
جمانه : لؤلؤه من شافت شعرهه شبكتني وباستي وكلتلي شكرا شكرا 😍
جمانه : العفو حبيبتي
لؤلؤه : انتي حبابه لعد ليش ماما تكول عليج شريره ام السحوره 😊
جمانه : شنو امج تحجي عليه 🙄 وهيج تكول
لؤلؤه : اي والله هيه تكول هيج 🙄 موبس هيه كلهن يحجن عليج خو عمه فاتن تسولف وي ماما تكلهه اكرهه ماطيقهه هاي الكشره 🙄 هنه مايحبنج بس اني احبج 😊✌
جمانه : لؤلؤه باعت اهلهه من شافت شعرهه فتنت عليهن وحده وحده 🤣 اني الج عبير منا وهيج انتي وذنيج الخايسات اصبرن بس خل افرغلجن واراويجن الي تكولن عليه ام السحوره شتسوي 🙂 كتلهه اي وشنو يكولن بعد عليه
لؤلؤه : بعد هواي هواي حجي 🙄
جمانه جاي نحجي وطب قيصر للغرفه
قيصر : هاااي شنو منو عدنه اليوم شنو هلشعر الحلو طالعه كيكه حضناهه وباسهه 😘😍
لؤلؤه : اي هاي عمه جمانه سوتلي شعري 😊
قيصر : اي والله وطلعت ست جمانه مبدعه فدشي مسويه شعرج طالعه تخبلين 😍
جمانه : لعد شعبالك غير اني ساكته 🤭😌
قيصر : يلاا كافي بلا غرور ماتصدكين واحد يمدحج 😏😝 😂
جمانه : دولي مو صوجك 🙄😒
يلا لؤلؤه تعالي ننزل نرايهم شعرج وبدلي ملابسج لان تبللن 😊
نزلنه وراحت تركض ركض سوت الدرج خطوتين واني اصيح وراهه على كيفج لاتوكعين ونوب ابتلي 😂 رحنه نزلنه للصاله جانت فاتن كاعده وام صكر ورياض وعبير هيه وجهالهه عدهه ٣ ولد ولؤلؤه واحد بحضنهه عمره شهر والثاني عمره سنه ونص نايم بصفهه جان وثالث جان يلعب عمره ٣ سنوات دخلت لؤلؤه تركض على امهه
لؤلؤه : ماما ماما باوعي شعري شلون صار حلو 😍 شوفي بيبي باوعي شعري
ام صكر : اي حبيبتي حلو شعرج اصلا من زمان حلو 😍
عبير : اي حلو طالع 😊
رياض : هاي شنو صرتي اميره عاشت ايدج جمانه  شغل مرتب حيل
ام صكر : يمه لاتكبر راسهه بحجيك هيه كلهه فصليه 😑 انوب تروح تشوف نفسه علينه
جمانه : حجت ام صكر المسمومه ونغصت علينه الجو  اني تجاهلت كلامهه وكتله ولوو هاي من ذوقك تشوف انو شغلي حلو وعبير خزرتني
ام صكر : العرمه بدون تربيه عينك عينك تتحارش بلرجال وتدلع جان استحيتي
جمانه عفتهم ورحت كلت بكلبي اني الج يلعجيز حطيتي راسج براسي خوا اله اصير مثل الحجي الي كاعد تكولوا عليه سهله ضامته الج 😈 اله اخليج تخافين تجيبين اسمي على السانج اتحملتج هواي رحت واجب بالي فكره خنفشاريه محد يتوقعه وقررت انفذهه 😈✌
فاتن : من شفت شعر لؤلؤه انبهرت بس ما حبيت ابين انو اني انعجبت بيه سويت روحي اصلا مامنتبهه 😏
عبير : حيل تعجبت من شفت شعر بتي صاير يجنن اصلا لوما اكرهه ذيج الثوله جان خليته تسوي شعري بس ختولي ماردت احجي كدامهه واكول حلو بس علمود بتي لا ينكسر خاطرهه وفرحتهه وكرهته اكثر من شفت رياض يمدحهه وهيه تدلع بحجيه هذيج ال ....😑
.................................................................
جمانه جانت اكو لوفه ممثل المر والببت كبير وتقريبا الكل شخص مثل الجناح  او المشتمل يعيش بيه هوه وعائلته وهاي الوفه توصل المشتمل الي بيه صكر وابوه جاي تمشي بيهه ام صكر واني جنت منتظرتهه هناك 😈 كتله اهلا هلا نورتينا ياشيخه 😏
ام صكر : هاا يلعوبه شتسوين هنا امشي ولي من كدامي ماريد اشوف خلقتج 😡
جمانه : ولا اني ميته على شوفتج يلعجيز بس جاي اخذ حقي منج لان ماكدرت ارد عليج كدامهم خاطر اخذ حقي على كيفي 😈 واله اراويج جمانه شتسوي وجمانه يعني شنو حته متندكين بيه بعد 
ام صكر : شنو يلكلبه تهدديني وبيتي هم 😡اله اراويج انجوم الظهر
جمانه : رادت تمد ايدهه عليه وكتلهه اوكفي اوكفي ليش مستعجله على رزقج اصبري وشوفي 😈 كمت اصرخ كل علا صوتي وكفشت شعري وشكيت ملابسي من الكتف واني بشرتي بيضه اي طخه لو ضغطه تصير زركه لو حمره خرمش كتفي وضليت اصيح ولج عوووووفيني حرام عليج شمسويتلج اني قابل اني كتلت ابنج شهل حقد يربي زدومن هل جذب والحجي التصفيط 😂✌ وهمه كلهم ركضوا كظيت ايدهه عود ادفع بيهه وهيه توترت خافت وانصدمت من تصرفي وضليت ابجي دموع تماسيخ وعود تهسترت من العصبيه والبجي وسويت نفسي اختنكيت واجو ولدهه وجد صكر وابوه  وجناينهه وقيصر وفهد حته جود وامه مابقه واحد ما ركض من سمع صوتي حته عمامهم ولدهم سويتلهه فضيحه بكلاكل 🤣 ركظولي فهد كام يصيح على امه يكلهه صدك تحجين هاي انتي الي تربينه وتعلمينه شلون تمدين ايدج على وحدهه ماله احد غير الله ماتخافين من رب العالمين
ابو صكر : فهدددد 😡 حتلو امك غلطت لاتحاجيهه هيج
قيصر : يمه ليش هيج سويتي بشنو غلطت حته ضربتيهه هيج وزوركتيه معقول هذا يطلع منج 
ام صكر : اشبيكم اكلتوني حاصل فاصل بدون ملح هيه وحده عرمه وجذابه وهيه سوت هيج بروحه الكلبه اتريد بس تسوي مشاكل 😡
جمانه : سويت روحي ابجي واصيح واكله ااااي اييي اني الي ضربتج وكفشتج وشكيت ملابسج وخرمشتج ووزوركتج كلهن اني انتي ملاك صالح مووو شوووو وخروو عني وكمت اصرخ وركضت الي فوك للغرفه سويت روحي تخبلت قيصر ركض وراي ويصيح جماااانه اوكفي شبيج جمااانه عفته وصعدت قفلت الباب وسويت روحي اشهك من البجي باعلى صوتي
جد صكر : لا يا ام صكر كلشي توقعت منج الا انو تمدين ايدج على البنيه هاي مامرجيه منج يا امل ابد ما مرجيه منج
ام صكر :😥  والله كلشي ماسويت الهه شي هيه وحده حياله ضحكت عليكم
جد صكر : يا ام صكر حدث العاقل بما يعقل وين اكو واحد يزورك روحه وياذيه بعدين هستوهه البنيه نزلت شفته ماجان بيهه شي بس فهميني اشلون صار هيج انوب عافهه وراح
ام صكر : انصدمت اشلون جمانه كلبت الكل عليهه
ام صكر : اني الج يلفصليه اذا ما اراويج على هلدكه واعلمج على هاي السوايه جبتيهه الروحج
يلفصليه 😡😡 تلفت اعصابي بعد ما اكدر اوكف على حيلي
قيصر : جماااانه جمانه فتحي الباب تحجين صدك كومي خل نحجي ونتفاهم يلاا افتحي الباب 😥
جمانه : اني اسمع قيصر وكوه كامشه ضحكتي 🤭 بس سويت روحي مخنوكه من البجي وكمت اصيح عليه كتله وخرررر منا ماكو تفاهم بعد صبرت اهواي اله احرك نفسي اليوم واخلص وابليكم اذا ما اشتكي عليكم واحد واحد ياظلام درينه اخذتوني فصليه بس تره اني بشررر ما اليوم والله انتحر اني الكم بسيطه 😭😡
قيصر : من سمعت كلام جمانه عقل ما ضل براسي ادري بيهه مخبله ومو بعيد تسويهه ضليت اصيح بعلو صوتي جماااانه فتحي الباب تحجين صدك شنو انتحر تسودنتي  افتحي الباب لا اكسره والله 😡
ما اريد اخسر جمانه تعلقت بيهه حيل وعصبت على امي بشكل يعني اني اخلص من مشاكل الناس اجي للبيت الكه مشاكل طكت روحي والله حته اعصابي فلتت
جمانه : مالي شغل ما افتح الباب ابد منا لمن تصير رجاااال من صدك وتصير الك كلمه بلبيت مو ياهو الجاي والرايح يحجي ويضربني وانتي صنم اصلاااااا اكرهك انته مثلهم روح استرجل اشويه انوب تعال احجي وياي يلااا ولي منا كال اكسر الباب كال
اخذته هم فرصه حته امسح بقيصر الكاع وانتقم منه  على كلشي سواه وكالاه عليه 🤭😂 اليوم واحد واحد امسح بيه الكاع هاي فرصه متتكرر ولا تتعوض 😈
قيصر : اني اسمع حجي جمانه واعصابي اشتعلت نار بس ما رديت عليهه ادري بيهه كلبهه محروك واعصابه تلفانه من وره الي صار بلعكس اصلا اني ما اريدهه تكرهني ولازم الكه حل الهاي المشكله ضليت حاير ما ادري شنو اسوي حته اخلص من هاي البلوه الي نزلت على راسي فجأه 😥😡
.................................................................
وللحكايه بقيه  .......      يتبع