فصلية قيصر الفاتنه

22

جمانه : اي  يا شيختنه العزيزه 😇 اكدر اخدمج بشي 🙂😏 بعدين ليش واكفه كدام الدرج تعالي اكعدي المثلج مالازم يوكف  على رجليه 😏
( اني احجي هذا الكلام وبداخلي استهزء الي مثله لازم تتكسر اديه ورجليه 😂 بس لان مالي خلكه وضايجه وردت اروح يم جود ف اريد اخلص بساع من عدهه مالي خلك اداهرهه 🤣 )
ام صكر : لا هلا ولا مرحبا بيج 😡 لا تتوقعين بهذا كلامج ارضه عنج يا مجرمه انتي وعشرتج مجرمين كتلتوا ابني بدم بارد ليش شمسويلكم 😡😡
جمانه : 😏🙂 صح اتفق وياج الي كتلو ابنج كلاب حته اني مو طايقتهم بس لا اني ولا عائلتي النه دخل ثانيا محد كتل ابنج بدم بارد بين قوسين هاي جمله تنكال للي ينقتل بشكل متعمد من قبل جهه معينه 🙄😏 وابنج انقتل برصاصه طايشه انطلقت من متخلفين  
الي اصلا اني اتمنه اشرب من دمهم قبلج 😏 اذا انتي فقدتي ابنج اني فقدت حياتي كلها دراستي وبيتي وراحتي كلشي خسرت وحقوقي وحريتي وكلشي  😊👍 واذا انتي خسرتي عزيز واحد على كلبج جبر مو بيدج اني خسرت عائلتي وعزازي كلهم جبر 😇😊 واذا ابنج مات واندفن فأني اندفنت واني بلحياة 
يلا اترخص منج 😇 عندي شي لازم اسويه ضروري اتمنالج ليله هانئه واحلام سعيده وكوابيس بعيده 🙂😏
ام صكر :  😧😧😧😧 
جمانه : حجيت الي بداخلي عن عمامي ولدهم 🙂 وضربت عصفورين بحجر سكتت ام صكر وهنت عمامي وسديت الموضوع بساع 😁😂

جد صكر : هااا يا ام صكر 😏
ام صكر : 😐شيخنه...
جد صكر : اشششش 🤫  ما اريد ولا كلمه عيني شافت واذاني سمعت ماكو حاجه تحجين  شتكول يا ابو صكر
ابو صكر: والله يا بويه ما ادري شكلك 🙄 انقهرت على هاي البنيه نسيت السالفه الي اجينا علموده وركزت بحجاياتها   قهرتني والله 💔
جد صكر:  اني بعد ما سمعت حجي جمانه مستحيل اضل ساكت وما اسوي شي الهاي البنيه ما راح اسكت ابد مو من طبع الشيوخ
  ابو صكر: ابنه بعد مستحيل يرجع على كل حال والحمدلله راضين بكلشي وهسه شراح تسوي راح ترجع جمانه الأهلهه
جد صكر: 😊 عن قريب انشالله عن قريييب  تصبحون على خير
ابو صكر : وانت من اهله شيخنه
.................................................................
جمانه رحت اتمشه بليل للمشتمل مال ام  جود قريب على بيت الشيخ  وكلت ارجع نص اليل جود يرجعني   وصلت ردت ادك الباب  بس بعدين كلت لا خل اطفر من فوك الباب واسويه مفاجأه 😂
بعدين اتذكرت اني لابسه فستان مالابسه بنطرون كلت لا حرامات 😭😂
بس هم ما دكيت الباب ضليت اصيح على جود حته يطلع ويفتح الباب  🤣
جمانه : جووووووود ولك جوووود افتح الباب

جود : جنت كاعد يم امي نسولف وتحجيلي على طفولتي وسمعت جمانه تصيح بلبدايه خفت خاف صاير وياها شي كبل ركضت طلعت بره بس طلعت المسودنه هيج.تصيح وحدهه خبال 😂😂

جود :  😂😂 هاي شنو ولج اتخبلتي اتصيحين من وره الباب خو دكيه حالج من حال الناس
جمانه : 😂😂 افتح الباب ولك بلا لغوه زايده عود بعدين دردم  بعدين اني مو ناس حته ادك الباب اني ملائكه
جود : فتحت الجمانه الباب وكلتلها 😂 لعد اذا انتي ملائكه وين جناحاتج ما طيرين ودخلين للبيت الحمدلله ماعدنه جيران جان هسه اخترعوا
جمانه : 😂 كان عندي جناحات بس كرطهن الجلب واني جايه مع الاسف 
بعدين اني افيدكم برمضان بدال ابو السحور صرختين من يمي اخلي بيتكم وبيت الشيخ يفزون حسبالهم زلزال 🤣🤣
جود : طبي 😂 جوه  صراحه خوش فكره نعتمد عليج تكعدينه برمضان
جمانه : اول ما طبيت جوه شفت خاله ام جود جوه وكاعدهه رحت حضنته وكلتله اشتاقيتلج 😊
ام جود : 😂 يا يمه جا مو قبل ساعه جنه سوه نغسل اماعين شبساع اشتاقيتيلي 
جمانه : خاله شسوي جفاف عاطفي غير 😂😂
جود : 😂😂  متاكده انتي مشتاقه الأمي
جمانه : انجب ولك تشكك بمشلعري الصادقه ما اسمحلك 😂😂
المهم شجنتوا تسون قبل ما اجيكم 😌
جود : قصدج شجنه نسوي قبل ما تهجمين علينه 😂
جمانه : احسب احسابك المره الجايه ارفس الباب وادخل 🤣😌 افلشه اسويه نصين 😂👋
جود: 😂😂 يا بويه  منو يصلح وراج
جمانه : 😂 اي المهم ماكلتولي شجنتو تسون 
ام جود : 😂 ماكو شي جنت اسولف لجويد على طفولته
جمانه : ضربت جود بيدي على راسه خفيف وكتله اكعد خل نستمع للفضايح مالتك 😂
كملي خاله رجعي سولفي
ام جود : اول ما اجينه الهذا البيت جود جان عمره 5 سنوات  وقيصر جان بلمتوسطه  جان عد قيصر امتحانات وجاب دفاتره واجه يقره الولد بلبستان جان جود صغير يمي واني جنت بلبستان طالعه اخبز  وجان اكو  بير  هذا البير البره بلستان الموجود نفسه  قيصر راح مدري شيجيب رايح جود ماخذ القلم ومشخبط ع الدفتر وزارف الورق مالته 😂 انوب خاف خاف يلكاه قيصر ويصيح عليه ويكتله رايح واشمر الدفتر والقلم بلبير 😂 حته يخفي جريمته
اني بوقته جنت ملتهيه ما منتبه الجود  انوب ما حسيت اله قيصر بس يدرور ويلتفت بعدين اجا سالني على غراضه كتله ما ادري رحت ادور وياه من خلصت خبز انوب صار المغرب واحنه مالكايهن 😂 رحت اسحب اخذ ماي وياي فد مره حته لا ارجع بعدين ومن سحبته طلع الدفتر واكع بلسطله  بس القلم ماكو طايح كلش بلبير 😂  بعدين باوعت الجود خاف وضل يبجي قيصر عصب بوكته حيل بس الخاطري ما سوه شي خطيه الولد انوب راح جاب دفتر واحد من اصدقائه وبقه اليل كله ينقل 😂😂
جمانه : كفووو 😂 ولك جود كفو
همزين السالفه صارت براس قيصر لو صايره بفهد مثلا لا جا ضجت عليه 😂 او فاتن جان ركصت هندي 
جود : 😂😂 اسكتي والله اني اتذكر هاي السالفه بوقته جنت مرعوب خاصتا وهمه يدورون على الدفتر قيصر يخوف 
جمانه : صوجك منو كلك تاخذ شي مو الك 😂
جود : واني شدراني 😂 بعدني طفل وين شايف ورقه وقلم بحياتي عندي لاكي كنز
جمانه : ضلينه اليل كله نسولف اخر شي نعست كتله جود كوم وصلني للبيت  ما اريد اطلع نص اليل وحدي كلشي يصير
جود : يلا ماشي كومي 😊
جمانه : وصلني جود وراح كبل دخلت صعدت فوك للغرفه ردت انام واجا بالي قيصر  كلت بكلبي هسه شكاعد يسوي يا ترى 🙄😂  هسه فهد وقيصر راح يضلون اسبوع بغداد 🙄 الله اعلم يمكن وره كم سنه يطلع عدهم جهال من هلروحه 😂😂  كلشي اتوقع رجال مالهم امان 
.................................................................
قيصر : وصلنا البغداد جانت الساعه ب٧ بليل  جان اكو اهواي ازدحامات طاح حظنه بلطريق  رحنه الفندق حجزنه سويت هناك  وكعدنا صلينا وتعشينا بعدين اشويه الهناك اجت بالي جمانه ضليت افكر بيهه  ردت اتصل عليها بس موبايله مابي شريحة سيم كارت خرب اشلون نسيت ماجبتلها وحده واخذت رقمها قبل لا اروح هسه عليمن اتصل اريد احاجيها 🙄 اتصل على جود 🤔 لا لا من كل عقلي اتصل على جود واكله يخلي جمانه تحاجيني حته تصيرله فرصه يشوفها 🙄😶 احلا شي اتصل حته ينطيني جمانه وكبل ينطينياها تطلع كاعده يمه 😶😶 عززه  الله لايكولها  😡😡 حته كبل اطفر لسياره واروجع للبصره حته ما انتظر فهد يصعد وياي 🙄😁😂  اتوترت واني افكر بهل موضوع جود مسويلي عقده منهد ما عرفت جمانه 
ضليت افتر بلغرفه رايح جاي مو كادر اوكف لو اكعد
فهد : 🙄🙄 هيييي شبيك ولك صارلك ساعه رايح راد عبالك واحد مرته كاعد تجيب بلمستشفى 😁😂😂
قيصر : انلصم ولك 😒 وبلا تحشيشاتك البايخه هسه مو وكته
فهد : اي فهمني 😂 شبيك تدري لو طالع كبل بهذا مشيك جان بظرف ساعه توصل للبصره
قيصر:  ههه 😏 ضحكتني 😑 ليش ما تسكت 
فهد: اي دوختني 🙄 بطل تفتر واني اسكت 
😁😂
قيصر: 😒😒
فهد: ماتحملت قيصر واني اشوفه هلكد متوتر 😂 كضيت المخده وهفيته بيها 
قيصر: 😡😡😡😡 ولك مو وكتك هسه ليش ما توخر من يمي
فهد : 😂😂 اعصابك حياتي اعصابك حبيبي  المهم هلمره هفيتك بلمخده اذا ناوي تضل هيج المره الجايه اهفك بلمزهريه 😂😁 دوختني كافي انعل الشيطان واكعد
قيصر: 🙄😒 امري اللله شسوي  طفيت الضوه ورحت انام  اشويه الهناك سمعت فهد يحاجيني

فهد: اكلك قيصر انت نمت 🙄
قيصر: 😒 شلك بهل سؤال الغبي يعني اذا اني نايم اشلون راح اجاوبك اي لو لا 😂
فهد: شبيك ولك على كيفك وياي 😂 ابتليت سئلت
قيصر: المهم شتريد 😂
فهد: لا هيج بس ردت اشوفك اذا نمت او لا 😂 لان اني ما اكدر انام
قيصر: 🙄😑😂 اقسم بلله انت فد واحد فارغ وتافه وصوجي جبتك وياي  انطر يلله لا انومك بكتله  اذا حجيت بعد
فهد : خلص سكتت عمي 🙂😶

قيصر : خطر على بالي اتصل بفاتن واخليها تنطيني جمانه  🙄 مابقه عندي حل غيرهه امري الله 😁😂
مع انو الساعه بلوحده بليلي بس ما اكدر انام لازم احاجيها
🙄😁😂
قيصر : الوو فاتن  شلونج
فاتن: هاا هلو قيصر خيرك شكو متصل بنص اليل
قيصر : فاتن انطيني جمانه  من يمج
فاتن : 🙄😑 هاا هيج السالفه متصل علمود خره  الفصليه  واني شعليه مستحيل اخليها تكظ موبايلي 😒
فاتن : احترمي نفسج وروحي انطيني جمانه لا افلشلج وجهج بس ارجع😡
فاتن : 😡😡 فوكاها تهددني علمود.وحده بنت شورارع عرمه اني الك قيصر اصبرلي وشتسوي سوي 
قيصر: القندره سدته بوجهي
رجعت اتصلت اشكد اله رجعت ردت
قيصر: ولج 😡😡 حقيره اشلون تسدينه وتعيفيني احجي كومي انطي جمانه الموبايل لا والله احرك صفحتج 😡
فاتن : خللللص 😡 شبيك خبصتني هسه اطيك نعال ثواني
    جمانه : كاعده بفراشي واصفن وما احس اله تفلش باب الغرفه عليه من الدك طلعت  فتحت الباب طلعت السعلوه فاتن كدامي معصبه جنها ثور 
جمانه : 🙂 واحد نايم بفراشه بأمان الله وفجاه يهجم عليه ثور ليش هيج يربي  شسويت اني
فاتن : 😡😡 بلا لغوه زايده اليكول اني ميته عليج هذا المطي مالتج يريدج خلصي لغوه وياه وجعيلي الموبايل
جمانه : 🙂🙂 عجيييب سبحانك ربي مطايا تخابر
جمانه : الووو ...........
................................................................
وللحكايه بقبه .......      يتبع

انستا : @zanb_n