بين .. قبرين

البارت الثاني

روايه/بين .. قبرين

البارت الثاني

بقلمي الكاتب/حسن الاسدي
-----------------------------------------------
نبض.. كعدت من النوم الساعه بسبعه المغرب بلكوه شلت روحي من الفراش طلعت رحت للحمام غسلت وتوضيت ورجعت للغرفه صليت قريت قرأن خلصت طبكت السجاده وحضرت واجباتي كملت نزلت جوه لكيت بنين جايه منه اهلها رحت سلمت عليها

نبض.. شلونج بنين
بنين.. الحمدلله زينه انتي شلونج
نبض..زينه اسئل عنچ
بنين.. سألت عنچ العافيه
_______________________________
صعدت بنين لغرفتها رحت لمي للمطبخ

نبض.. يمه بنين شجابها

امي.. ابوج راح عليها وجابها يجيبولي جنازتها انشأالله هوه وعلاء وامير من مخلصين الفصل وعلاء ما قابل بس بعد ابوج يگول عشتو هيه فقيره وطيبه

لا انصير احنه وزمن عليها

نبض.. المهم يمه شنو عشانه

امي.. عشانه تبسي باذنجان روحي حضريلي المواعين

نبض.. حضرت المواعين ومدينه السفره وكعدنه ناكل بس امير ما قبل ياكل وبس اجه گبل صعد فوگ وقفل الباب

نزلت بنين

بنين.. عمه ليش سويتي العشه انتي مره جبيره ما اريدج اتعيبن

امي.. جا شفتچ ما نزلتي بس اجيتي صعتي فوك گمت وسويت العشه لان عمج متعود يتعشه من وكت وينام
______________________________
طبعن اني جنت فرحانه بجيه بنين لان احنه متفاهمات ومقسمات الشغل بينه وامي اليوم هيه الطبخت الغده وغسلت المواعين اول مره لان اني بلمدرسه من زعلت بنين وانه طايح حضي اطبخ وغسل مواعين ونضف البيت وغسل ملابس صدك اتعب

كملنه عشه

امي.. بنين غسلي المواعين ونضفي المطبخ ونتي نبض خدري چاي

اني وبنين.. أنشاء الله
______________________________
گمنه انه وبنين وتساعدنه بغسل المواعين سوينه چاي وشربو وكلمن دخل لغرفته وسد الباب وبقينه انه وبنين سوينه حمله على المطبخ وصاله كلش تعبنه قررنه نسوي اني وياها سهره

بنين.. نبض شنو رايج نسوي سهره ونحضر حبشكلات ونباوع فلم

نبض.. اوكي بس امي شلون نگعد بصاله ولله امي اذا طلعت ولكتنه گاعدات بصاله ومشغلات فلم اله تذبحنه علقبله وخصوصن انتي شلون تحبج امي تريدلها بس زله عليج

بنين.. لا نسهر بغرفتج فوگ امج ما تصعد فوگ

حضرنه غراضنه اني وبنين وسهرنه لتلاثه الفجر بعدين هيه راحت لغرفتها تنام واني هم نمت
--------------------------------------------
ثاني يوم كعدت على صوت امي تصيح وخبصت البيت طلعت من غرفتي ولكيتها ترزل بنين

امي.. يا طايحه الحض شعندج نايمه ليهسه

بنين.. عمه ولله بتلاثه الفجر ياله نمت

امي.. اي بعد الجهال ما ينامون وترضعين اليل كله اشو انتي لا ماما ولا داده يلعقيمه

بنين.. بنين تحجي وتبجي عمه تره الصوج مو بيه بعلاء هوه المريض مو اني

امي لزمت بنين وگطعتها تگطع ورگعت راسها بلدرج

نبض.. اني هنا بقيت اصرخ كعدت البيت كله نزل علاء وامير وبوي طلع من غرفته
شافو بنين طايحه وراسها يصب دم گبل اخذوها للمستشفى وبيوي بقه يرزل بامي
امي راحت للمطبخ رحت وراها

نبض.. يمه انتي ليش تكرهين بنين
امي.. اي اكرها اني ردت لعلاء بت خالج تبارك
نبض.. يمه ارحمي لبنيه تره الله يساعدها
هيه ساكته ومتحمله شو حته من الدريس طلعتيها وما خليتيها اداوم وهيه مدرسه انگليزي ولله حرام عليج وعفتها وطلعت رحت لغرفتي
حته للمدرسه ما رحت ما ضل عندي واهس وياهو يوديني
----------------------------------------------
فد هيج ساعتين سمعت الباب انفتح ودخلو خطيه ايدها مكسوره وراسها تلث اخياطات اتحمدتلها بسلامه هيه گبل صعدت فوك وعلاء بقه يحجي على امي
وصعد وراها صار البيت هدوء اني طبخت الغده سويت مرگه باميه وصعدت لبنين وعلاء غداهم فوگ دكيت الباب

علاء.. منو
نبض.. اني نبض
علاء.. ادخلي نبض
نبض.. جبتلكم الغده
علاء.. مشكوره حبيبتي

ردت اطلع درت على بنين وكلتلها

نبض.. بنين لا تزعلين من امي صح يهيه بسع تعصب بس ولله ما عدها گلب

بنين.. لا حبيبتي ما ازعل وبعدين هيه مثل امي
______________________________
عفتها ونزلت لكيت امي واكفه يم الدرج وبقت ترزل بيه

امي.. ليش مصعدتلها الاكل فوگ شنو انتي خدامه ابوها اذا تريد تزغنب تنزل جوه وخوج وين

نبص.. فوگ يم بنين

امي.. اي شلون ما يكعد يمها ويراضيها إذا صاگعته صگع بسحوره

نبض.. يمه حرام عليج بنين وينها وين السحر

امي.. حرمت عليج عيشتج انتي وياها

يتبع.....

-----------------------------------------------

حبايبي التصويت أولاً ثم القرائه حته اشجعوني استمر

تحياتي
           الكاتب
                     حسن الاسدي