روايه/بين..قبرين
البارت السادس ولعشرون
بقلمي الكاتب/حسن الاسدي
-----------------------------------------------
چنه گاعدين بصاله اني وابوي وامي وهاجر ونبض فوگ نايمه ومانسمع اله صوت صريخ نبض وصوت شي گاعد يتكسر صعدنه اني واهلي نرگض اني فتحت الباب وجان الگه نبض جاي تگسر بلعطور ومامبقيه شي على الميزمامكسرته
سجاد.. شبيچ حبيبتي نبض
نبض.. لاتگول حبيبتي اطلع بره اطلع ماريد اشوف چهرتك اطلعععععع
سجاد.. اني اطلع شبيچ اني سجاد حبيبيچ وزوجچ
نبض.. گتلك لاتگول حبيبچ وزوجچ اطلعععع اني اكرهك ماحبك
ابوي.. شبيچ بويه
نبض.. اسكت لاتحچي وياي طلعو طلعو بره ماريد اشوفكم
امي.. ياء يمه اسم الله شبيچ
نبض بقت تصرخ بعلو صوتها.. طلعو ماريد اشوفكم
سجاد...
طلعنه وسدينه الباب
امي.. يمه صخام بوجهي شبيها لبينيه
ابوي.. بويه خابر على اهلها خاف يصير شي بلبنيه
سجاد...
طلعت تلفوني وخابرت علاء فتح خط
سجاد.. علاء بسرعه جيب امك وتعال نبض ماادري شبيها بس تصرخ
علاء.. هسه جايين
نهيت المكالمه وصدگ خمس دقائق وتفلش بابنه رگضت فتحته لگيته علاء وعمتي وبنين دخلو
عمتي.. يمه بعد مابيه حيل شصعدني الدرچ
علاء.. يمه انتي ابقي هنا اني وبنين نصعد انزلها
صعدت اني وعلاء وبنين دخل علاء وبنين
طلعوها
بنين.. شبيچ نبض
نبض.. مابيه شي بس اريد ارتاح
نزلت نبض تلگتها عمتي
عمتي.. يمه شبيچ
نبض.. يمه اخذيني وياچ ماريد ابقه هنا
سجاد.. نبض حياتي بس گليلي منو مضوجچ ... ماردت علي بقت ساكته وكلما اتقرب عليها تتبعد عني وخايفه مني
عمتي.. وخر ماتشوفها خايفه منك شمسويلها احچي
فجأه نبض تقيئت اباوع على تقيه‍ا لونه اسود
عمتي.. عزه العزاني شنو هاذ ولله اذا طلع ابنتي شي البيت اهجمه على روسكم
علاء.. يمه مو وكتها خل نودي نبض للمستشفى
سجاد...
اخذو نبض وطلعو للمستشفى اني لحگتهم بسيارتي وصلت للمستشفى
نزلت خابرت على علاء مايرد
دخلت للمستشفى ودگ تلفوني علاء فتحت خط
سجاد.. وينكم اطلعلي اني بره
YOU ARE READING
بين .. قبرين
General Fictionللكاتب حسن الاسدي 🌹 روايه حقيقيه من الواقع مع اضافه القليل من الخيال ✌🏻 اسئلني على الخيبه....اخبرك عن سنين قضيتها مع اناس كاذبون ولا كنت اعلم انه ذالك الصديق الذي نتباهي به لسنوات سيكون اسوء اعدائنا ذات يوم وهل سوف تتحرر نبض من ضلم الصداقه او للقد...
