روايه/ بين..قبرين
البارت الرابع ولعشرون
بقلمي الكاتب/حسن الاسدي
-----------------------------------------------
جاي نحچي اني وامي ومانسمع اله صوت صرخه هزت البيت هز نداريت وماشوف اله بنين واگعه من الدرچ ودم تارس الگاع ترس اني وامي بقينه نصرخ طلع علاء وسجاد وابوي يصيح شبيكم شصاير علاء وسجاد بسع شالو بنين ورگضو بيها للسياره امي راحت وياهم صعدوها وخذوها للمستشفى وزينب كتلت روحه من البچي انوب اني بقيت اهدي بزينب گلت لا توگع علينه وين ننطي الوجه
نبض.. شبيچ ولچ كافي.....هوه شنو الصار شلون وگعت
زينب.. ولله مو قصدي چنت اتشاقه وياها ودفعتها دفعه علكيف اشو هيه گبل وگعت
نبض.. ولا يهمچ حبيبتي إنشاء الله مابيها شي
ابوي بقه يصيح شبيكم شصاير شني هلصريخ
ابوي.. شنو شصاير شبيها بنين
نبض.. بويه بنين وگعت من الدرج وخذوها للمستشفى
ابوي.. ومنو اخذها
نبض.. علاء وسجاد وامي
ابوي.. بعد اني شنو ضلتي هنا اخذيني للبيت
نبض.. صار بويه بس البس عابايتي
طلعت لبست عبايتي ورحت لعمتي
نبض.. عمه اني راح اروح ويه ابوي لبيتنه
عمتي.. روحي حبيبتي عود خابريني وطمنييني
نبض.. نشاء الله عمه ..... يله زينب امشي
اخذت ابوي بلعربانه وطلعنه رحنه لبيتنه
انطاني ابوي المفتحاح فتحت الباب دخلت زينب قبلنه وگبل صعدت لغرفتها
دخلت گعدنه بلصاله مرت ساعه كامله
ابوي.. بويه نبض خابري على أخوچ شوفيهم شصار وياهم
نبض.. بويه دگيت أكثر من عشر مرات على علاء وعلى سجاد بس محت يرد
نزلت زينب بيدها جنطه مبينه بيها ملابس
زينب.. عمو اني رايحه لمي لان كلش تعبانه وبلمستشفى وراح اضل عدها چم يوم
ابوي.. ومنو راح ياخذچ وامير يدري
زينب.. ابن عمي حمزه اي امير يدري اني خابرته وگتله
ابوي.. هوه وينيه امير صارلي مده ماشفته
زينب.. عمو امير طالع بس ماگلالي وين راح
ابوي.. اذا هيچ الله وياج
راحت زينب لبيت اهلها وضلينه گاعدين بلصاله مرت ساعتين وهمه ماكو اخابر عليهم يطلع مغلق ابوي خطيه نام علكرسي
نبض.. بويه اخذك تنام جوه لان رگبتك انكسرت من الگعده على الكرسي
ابوي.. محد من عدهم رد علتلفون
أنت تقرأ
بين .. قبرين
قصص عامةللكاتب حسن الاسدي 🌹 روايه حقيقيه من الواقع مع اضافه القليل من الخيال ✌🏻 اسئلني على الخيبه....اخبرك عن سنين قضيتها مع اناس كاذبون ولا كنت اعلم انه ذالك الصديق الذي نتباهي به لسنوات سيكون اسوء اعدائنا ذات يوم وهل سوف تتحرر نبض من ضلم الصداقه او للقد...
