بين .. قبرين

البارت الثامن

روايه بين...قبرين

البارت الثامن

بقلمي الكاتب/حسن الاسدي
-----------------------------------------------
سمعت بنين تبچي وساره تحچي وياها
سمعت ساره تحچي

ساره.. رجلج يحبني وامس خابرني وعزمني على عرس امير وگلي بس يكمل عرس امير اتفرقلچ واطلگ بنين ونتي تطلگين من زوجچ ونتزوج ونسافر لان اني مليت من عدها اريدلي طفل

بنين.. تحچي وتشهگ.. انتي چذابه امشي طلعي بره

نبض.. اني هنا ما تحملت فتحت الباب وچان اكض ساره من شعرها وجرها امشي طلعي بره بيتنه كله وطردتها من البيت وصعدت لبنين لگيتها لامه ملابسها

نبض.. بنين لا تضوجين تره ولله چذابه لا ترحين وباچر عرس امير

بنين.. نبض اني تعبت يعني لا هوه يقبل يسوي العمليه ولا يقبل يتعالج اني حياتي بعد ما تتحمل

نبض.. بنين لا تشمتين ساره بيج لا تنطينها الي اتريده هيه تريدج تطلكين وريدچ تصيرين قويه مو ياهو اجه ونزل دمعتج خلي دمعتج دائمن غالي ولعني الشيطان وتعاي خل ننزل جوه وضحك ونتونس

صار يوم ثاني گعدت لكينه البنات منضفات البيت كله وجاي يطبخن الغده

نبض.. صباح الخير بنات
البنات.. صباح النور
اجتني جنان وكلتلي
جنان.. نبض اكلج وين ساره ماكو
نبض.. اني طردتها
جنان.. ليش جا مو تصالحتن
نبض.. حجيتلها ساره شسوت
جنان.. عفيه علج زين سويتي ختولي

وبديت اساعدهن ونضفت وغسلت الطارمه جاي اغسل ودخل امير

امير.. هلو نبض
نبض.. اكلك امير انريد واحد يوصلنه لصالون بلكت تحاچي علاء
امير.. وين علاء ملتهي ويه الطباخ جاي يطبخون
نبض.. زين انته ودينه
امير.. وين انه اوديكم اني جاي اخذ ملابسي ونروح اني ويزن للحلاق لان ما خذين موعد بعد نص ساعه

وعافني ودخل جوه اجتني تغريد

تغريد.. اني سمعتج تحاجين امير علمود يوديجن لصالون

نبض.. اي ولله وبعد ما لحگ

تغريد.. افه عليج هسه فد خمس دقائق وتجيجن سياره

نبض.. شلون منين

تغريد.. اخبار اخوي علي يجيب الكيه وحته اني هم اروح وياچن

نبض.. اوكي
-----------------------------------------------
وصدگ فد هيج نص ساعه وجه علي اجت تغريد للمطبخ احنه گاعدات كالت

تغريد.. من من عدجن تروح لصالون تره اخوي علي بلباب واكف

رحت لمي

نبض.. يمه اني وبنين ولبنات راح نروح لصالون
امي.. روحن

طلعنه اني وبنين وتغريد وجنان ورحنه للصالون ولبقيه كالن احنه حاجزات بغير صالون

طلعت وصعدنه بسياره وصلنه لصالون نزلنه دخلنه لصالون وام الصالون بلشت بجنان خلصن البنات وبقيت بس انه بارعت لساعه الساعه بتلاثه ونص لعصر وبعد ساعه وتروح الزفه وبسع بسع خلصت وجه علينه علي ورجعنه ومن رجعنه وحنه بلطريق شافني سجاد وانه حاطه مكياج قوي وحاطه عدسات وطالعه اجنن هوه بس شافني فتح حلگه واني من الفشله غطيت وجهي وصلنه للبيت لكيت الكل جايه ولبنات هم جايات من الصالون ولكيت صديقاتنه اني وزينب بلمدرسه رسل ونبأ وفاطمه وصعدنه گبل فوك قسم بغرفتي وقسم بغرفه بنين ولبسنه بدلاتنه ونزلنه نسلم على النسوان شوي وگالو زفه
وصعدنه بلسيارات ورحنه ولاغاني ولرگص وصلنه لبيت زينب وخذناها ورجعن للبيت ولو ما وصلنه فتحو الباب ودخلو السياره ونزلو زينب وذبحو دجاجه جوه رجلها وامي تطش چكليت وتكول
(طبت يلزهره تلگيها) زوينب طالعه تخبل
وامير لابس قاط اسود ولقميص ابيض ولابس فيونكه سوده

المهم كمل العرس وكلمن راح لبيتهم وقبل لايرحن البنات تساعدنه ونضفنه البيت وغسلنه المواعين بس راحن البنات صعدت لغرفتي سبحت وكبل نمت گعدت ثاني يوم الصبح نزلت لگيت امي جاي تحضر بريوك العرسان ومسويه ريوك ملكي وكالت

امي.. يمه نبض صعدي ريوك اخوج ومرته لان انه مابيه حيل اصعد فوك
نبض.. إنشاء الله يمه

صعدت الريوك ودكيت الباب طلعتلي زينب

نبض.. صباح الخير يا عروس والف مبروك
زينب.. الله يبارك بيج حبيبتي ونشاء الله
يوم لنفرح بيج
نبض.. ها شني عريسنه نايم
زينب.. اي ولله نايم ماردت اكعده كلت خلي نايم

انطيتها الريوگ ونزلت

امي.. نبض صعدي گعدي هاي الچلبه بنين شعدها نايمه لسه

نبض.. يمه خليها نايمه خطيه امس تعبت

امي.. تعبت شنو اشو الجدوره غسلوهن الولد ولماعين غسلنهن البنات خطيه قبل لا يرحن بعد شنو تعبانه طعدي گعديها

نبض.. يمه اريد اكل حچايه بس خاف تزعلين

امي.. إذا حجايتچ ما تزعل ما ازعل گولي

نبض.. يمه ما دام هسه زينب دخلت لبتنه يمه من اولها لا تفرقين بين زينب وبنين تره ماراح تتصافه لگلوب من هسه اكلج

امي.. اس اس تعلميني انتي

جاي نحجي اني ومي ونزلت بنين

بنين.. صباح الخير
نبض.. صباح الخير حبيبتي

طبعن امي ما صبحت على بنين

بنين.. عمه راح اطلع الاكل مال العرس احمي وحمي الصلصه ونتغده شكلتي

امي.. طلعي وسكتي لا ادوخيني

طبعن اني طلبت اجازه تلث تيام وزينب طلبت اجازه سبوعين المديره ما قبلت بس من درت راح تزوج انطتها اجازه سبوعين

وخلصن الثلث تيام واني رجعت اداوم ولبنات ولمدرسات كلها تسألني على زينب وبعد تقربين شهر

بدينه اني وزينب بلمتحانات اخر السنه جنه اني وزينب نروح سوه للمتحان وامير يوصلنه ورجعنه....

يتبع.....
-----------------------------------------------
حبايبي التصويت أولاً ثم القرائه حته اشجعوني استمر

تحياتي
الكاتب
حسن الاسدي