بين .. قبرين

البارت الثامن والعشرون

روايه/ بين..قبرين

البارت الثامن والعشرون

بقلمي الكاتب/حسن الاسدي
-----------------------------------------------
عمتي.. سيد فده اروحلك هسه اني مافتهمت شي گلي بنتي شبيها

السيد.. بتكم مسويلها سحر عده مرات وهذه السحر مدفون بين قبرين هذا
واحد السحر الثاني مرشرش عليها بيوم عرسها ولسحر الثالث مشربينه الها هذه يعني لمسوي هذه الشي واحد من عدكم وبيكم

سجاد...
الكل چان مصدوم بحچي السيد واحد يباوع بوجه الثاني ومن الصدمه مانعرف شنگول

عمتي.. يا يمه هذه ياهو لمسوي لبنيتي سحر

السيد.. اني اكدر انطيكم اوصاف البنيه بس مااگدر

عمتي.. لا سيد ابوس ايدك كلي منو بتي رادت تموت

سجاد...
حچه السيد اوصاف البنيه الي مسويه السحر وگال اسمها عمتي بقت تصرخ

عمتي.. يا هذه اوصاف زينب مرت امير

سجاد.. سيد هسه شلون زين شلون يبطل السحر لمدفون بين قبرين وشلون راح نوصله

السيد.. انتم ماعليكم اخذو بتكم وطلعو من الحله واني اتصرف

اخذنه نبض وطلعنه من يم السيد رجعنه للبصره

عمتي.. يمه انطيني النقال خل اعرف شغلي ويه هاي الچلبه زينب

علاء.. لا يمه كلشي لاتسوين خاف تشرد ويضيع تعبنه على الخالي بلاش هسه تخابرين على زينب وتسوين نفسچ تسألين على ابوي ولبيت واذا سألتچ على نبض گليلها ماكو مثل مارحنه ردينه ماعرف يعالجها حته تطمن وما تشرد

سجاد...
اخذت عمتي النقال وخابرت على زينب فتحت خط وفتحت عمتي سبيكر

عمتي.. ها يمه شلونكم شلون عمج وامير

زينب.. عمه عوفچ من عدنه انتي گليلي شلون نبض گلبي ضال يمها

عمتي.. ولله يمه مثل مارحنه ردينه ماعرف يعالجها وهسه احنه رادين للبصره
يمه سويلنه عشه راح نوصل

زينب.. بعيوني عمه راح اسويلكم احسن عشه يله عمه باي

عمتي.. الله وياج...علاء سوق سريع اخ يا زينب موتچ على ايدي

سجاد...
بثناء ماجاي نحچي گعدت نبض بس گعدت شبگت عمتي وضلت تبچي

عمتي.. لا يمه لا تبچين اله اخذ حقچ

نبض.. ومنو لمسويها

بنين.. زينب

علاء.. عوفونه من هلحچي نبض انتبهي علي عندي چم سؤال واريدچ تركزين بيهن عدل

عمتي.. يمه ركز بدربك لاننگلب

علاء.. يمه مركز ماعليچ.....ها شني نبض