بين .. قبرين

البارت الحادي عشر

رويه/بين...قبرين

البارت الحادي عشر

بقلمي الكاتب/حسن الاسدي
-----------------------------------------------
شافني سجاد وبقه يباوعلي من فوگ ليجوه

ام سجاد.. يله أم علاء احنه تروح

امي.. الله وياج ونشاء الله بينه تلفون

راحو بيت ام سجاد واني صعدت فوگ لفرفتي بدلت ملابسي واني افكر نمت من التفكير كعدت الساعه بلسبعه المغرب على صوت امي

امي.. يله ولجن كومن سون العشه

كمت من فراشي ورتبت غرفتي ورحت للحمام غسلت وتوضيت ورجعت للغرفة صليت وخلصت قرأت قران خلصت ونزلت لكيت بنين جاي تسوي بلعشه ساعدتها مدينه السفره وگعدنه ناكل وامي گالت

امي.. ابو علاء اليوم اجونه جيرانه بيت ابو سجاد يخطبون نبض لبنهم سجاد

ابوي.. اي ونعم منهم خوش ناس همه جيرانه من اسنين وعمري ما سمعت صوتهم وابنهم سجاد ولد مؤدب اني بلنسبه الي وافق علاء وامير انتم شباب وتعرفون الزين من الشين

علاء.. بويه سجاد قمه من الاخلاق وتربيه وسمعته زينيه وموضف اني موافق

امير.. واني رايي من رايكم الولد اني اعرفه من زمان خوش ولد اني ما عندي اي اشكال موافق

ابوي.. ونتي بويه نبض شنو رايج اول وتالي القرار الج انتي موافقه لو لا

نبض.. بويه اني ما عندي كلمه بعدك انته تفصل واني البس واذا الولد خوش ولد ليش لا

ابوي.. ام علاء باجر تتصلين على ام سجاد وتگليلها احنه موافقين

امي.. انشاء الله... يله ولچن گومن غسلن المواعين ونضفن المطبخ وسون چاي

اني وبنين.. انشاء الله

كمنه اني وبنين شلنه المواعين وزينب دارت وجها وتريد تصعد

امي.. ولج زينب وين صاعده روحي نضفي المطبخ

زينب.. عمه تعبانه وراسي يوجعني واريد اصعد انام

امي.. ماكو نوم شني صارلج تلث اشهر من اتزوجتي ما مديتي ايدچ على شي بلبيت

زينب.. اووووو ولله متت منا ابنچ ومنا انتي

امير بصوت عالي.. زينب ما تسمعين امي شنو اتگول يله للمطبخ

زينب خافت وضلت ترجف دنگت راسها وراحت للمطبخ وتغسل بلمواعيت بدون زاهي تغسلهن بس بماي حاچتها بنين

بنين بهدوء.. زينب المواعين ما ينضفنن اله إذا زاهي احنه هيچ متعودات اني ونبض

بعدها بنين جاي تحچي وضلت زينب تصيح على بنين

زينب.. شنو انتي ما تعلميني شنو اسوي وشنو ما اسوي اني بكيفي وهاي اخر مره تحچين وياي هيج فاهمه لو لا