روايه/بين.. قبرين
البارت الرابع
بقلمي الكاتب/حسن الاسدي
-----------------------------------------------
دخلت للبيت واني ميته من فشلتي سولفت لبنين ماتت من الضحك صعدنه اني وبنين رتبنه غرفتي ورتبنه الحلويات ومشروبات علطاوله دخلت سبحت وتعطرت بدلت لبست دشداشة حمره
وسويت شعري كبه ونزلت خصل من گدام وخليت مكياج خفيف صارت الساعه بلسته العصر دك تلفوني زينب فتحت خط
زينب.. يله وينج صار ساعه ادگ بلباب
نبض.. هسه نازلتلچ
زينب.. اوكي
نزلت لگيت امير فاتحلها الباب ويسولف ويضحك وياها وامير كاشخ وريحه العطر ادوخ يمكن عنده طلعه اني بس طلعت هوه گبل سكت وطلع من البيت وسد الباب واني صعدت زينب لغرفتي وجت بنين وعرفتها عليها لعبنه سولفنه وشغلنه اغاني ورگصنه طلبنه بيتزه وكنتاكي وتعشينه كلش تونسنه صارت الساعه بلعشره ام زينب ضلت ادگ عليها
زينب.. يله حبيباتي ولله الگعده ما تنمل بس بعد شسوي الوكت اتئخر وخاف ما الگه تكسي
بنين.. اني اكل لعلاء يوصلج بسيارته
زينب.. لا خاف عيب الرجال نايم
نبض.. لا عيب ولا شي
راحت بنين صاحت لعلاء ما كال شي
----------------------------------------------
راحت زينب ويا علاء واني كلت لبنين
نبض.. عوفي المواعين باجر اول ما نگعد نغسلهن
بنين.. اوكي
نبض..
عفنه الواعين وصعدنه وكل وحده دخلت غرفتها حته انام لان كلش تعبانين اني توني تمددت على السرير وما اسمع غير صوت امي هز البيت هز طلعت نزلت ونزلت بنين ركض زين ما وگعنه من الدرج
نبض.. خير يمه شصاير
بنين.. عمه شبيج
امي.. عمه العماچ وعرچ لواچ عفتن لماعين ودرتن وجوهجن وصعتن اني مساع ما گدرت احجي لان البنيه هنا وخل اشوف وحده منجن تجيب صاحبتها للبيت
نبض.. يمه ولله تعبانات باجر بس نگعد اني اغسلهن
امي.. ولله اليوم ما تنامن إذا ما تغسلن الواعين وتنضفن البيت
گمنه اني وبنين ملاچاره غسلنه المواعين ونضفنه البيت وماعولت اخلص گبل صعدت گبل ذبيت روحي مثل الميته
----------------------------------------------
گعدت الصبح الساعه بلعشره نزلت لگيت بنين جاي تطبخ رحت عليها
نبض.. صباح الخير
بنين.. صباح النور
نبض.. شبيج شو تعبانه
بنين.. ولله يا نبض ما نايمه
نبض.. ليش !!!!
بنين.. امج گعدتني الساعه بثمانيه ومن الثمانيه وانه واگفه على رجلي ولله تعبت
طبعاً هسه اسئلون ليش بنين متحمله هاذه الضيم ولضرب ولهانه
-------------------------------------------
طبعاً علاء وبنين متزوجين على حب همه جانو يداومون بنفس المدرسه واحد حب الثاني ومن سابع المستحيلات واحد بيهم يگدر يستقني على الثاني صح علاء معاملته مو زينه لبنين بس يحبها وحته بيته عد اهلها ما يخليها تبات يكلها ما اكدر بدونج فهيه متحمله كل هذه الضيم بس لخاطر علاء
طبعن امي متسلطه وبوي وعلاء وامير وحته انه شخصيتنه ضعيفه كدام امي وامي تحب تتحكم بحياتنه وخاصه علاء لان علاء كلش يحب امي ومايريد يزعلها
نبض.. بنين اريد اسئلج سؤال بس ما اريدج اضوجين
بنين.. اني اضوج من العالم كله وما اضوج منج اسئلي
نبض.. بنين شجابرج تتحملين امي ومعاملتها الج
بنين جرت حسره وكالت
بنين.. اني احب علاء وما اتخيل يوم يجي وما اشوفه هوه اني ازعل 3 ايام وارجع لان ما اكدر على افراكه
نبض.. هنياله علاء عليج
-----------------------------------------------
تساعدنه خطيه لكيتها سالگه الدجاج ومسويه تمن وبقه بس انگلي الدجاج
گتلها
نبض.. بنين روحي ارتاحي واني اگلي الدجاج وسوي زلاطه
بنين اجت باستني وكالت
بنين.. انتي اختي الي ماجابتها امي
صعدت بنين واني گليت الدجاج وسويت زلاطه الجو حار ولمطبخ جمر اذن صعدت اصلي دخلت بغرفتي بارده ومضوه مطفي بدي ارجع انام صليت وخلصت قرأت قران رحت اباوع من الشباك لا شباك غرفتي مطل على الشارع ياوعت لكين سجاد واكف مقابيل بابنه ويسولف ويه رجال هوه انتبه علي اني گبل وخرت زاد شكي وفضولي اريد اعرف هذه شبي وين ما اروح الگا وليش يلحگني من مكان لمكان لعنت الشيطان وكلت يمكن صدفه
نزلت حته اصب غده واني نازله عبرت على غرفه امير سمعته يحجي ويه ابنيه يگلها انتي حبي الاول والاخير اني تفاجئت وبقيت صافنه زاد فضولي دكيت الباب
امير.. منو
نبض.. اني نبض
امير.. شتردين نبض
نبض.. فتحت الباب ودخلت گتله تريد غده
امير.. اي اي هسه نازل
نبض.. طلعت واني متفاجئه لان اخواني ما عدهم هاي السوالف او يحجون ويه بنات نزلت لكيت بنين صابه الاكل ومدينه السفره وتغدينه وعلاء راح جاب ببسي وشربنه علاء اجا اتصال
علاء.. هله ابو محمد شلونك
علاء انخطف لونه وسد التلفون
ابوي.. شبيك علاء شكو شصاير
علاء.. مرت عمي محمود توفت
ابوي.. لا حول لله
علاء.. يله بويه تروح
ابوي.. اي شلون ما نروح
-----------------------------------------------
راحو ابوي وامي وعلاء وامير لبيت عمي محمود طبعن انه كلش احب مرت عمي محمود كلش طيبه وفقيره وعلى نياتها
الله يرحمها بقينه اني وبنين بلبيت قفلنه البيبان وكعده بلصاله
يتبع....
-----------------------------------------------
حبايبي التصويت أولاً ثم القرائه حته اشجعوني استمر
تحياتي
الكاتب
حسن الاسدي
STAI LEGGENDO
بين .. قبرين
Narrativa generaleللكاتب حسن الاسدي 🌹 روايه حقيقيه من الواقع مع اضافه القليل من الخيال ✌🏻 اسئلني على الخيبه....اخبرك عن سنين قضيتها مع اناس كاذبون ولا كنت اعلم انه ذالك الصديق الذي نتباهي به لسنوات سيكون اسوء اعدائنا ذات يوم وهل سوف تتحرر نبض من ضلم الصداقه او للقد...
