Melting Me Softly (Sanford Series #5) [COMPLETED]

CHAPTER 5

"Good morning."

Itinulak ni Sabrina ang mukha ni Apollo na sumulpot mula sa kanyang likuran. Umupo ito sa upuan nitong katabi niya, itinukod ang isang siko sa mesa, ipinatong ang baba sa itaas ng nakakuyom na kamay at tumingin sa kanya.

Hindi ito pinansin ni Sabrina at nanatiling nakatutok ang kanyang mga mata sa librong hawak. May quiz sila mamaya at kailangan niyang mag-aral upang makakuha ng mataas na marka.

Nang hablutin ni Apollo ang libro mula sa dalagita ay sinamaan ito ng tingin ng huli at muling kinuha sa kamay nito ang libro.

"Fine!" suko ni Apollo na dramatikong bumuntung-hininga. "You're candidate for valedictorian and I'm sure that you'll get it. Give yourself a break, will you? Baka nga sa pagtulog kasama mo pa rin ang mga libro."

Umikot ang mga mata ni Sabrina ngunit hindi siya tumugon. Tama ito sa sinabi, tuwing gabi ay nakakatulog siya tuwing nagbabasa kaya literal na katabi niyang matulog ang kanyang mga libro. Lalo na nitong mga nakaraan dahil malapit na ang finals nila. Simula nang mangyari ang ginawang pananakit ng kanyang ama ay dinoble niya ang oras na inilalaan sa pag-aaral. Hindi dahil natatakot siyang muling mahataw ng sinturon, kung 'di dahil gusto niyang maging proud naman sa kanya ang ama at maptunayan dito na kaya niya.

She knew that Apollo had been helping her too that's why she was consistent on being the top one in the class the next following grading periods. Pakiramdam niya'y sinasadya nitong maliin ang mga sagot sa exam o sa mga quizzes, pinagbibigyan din siya nito sa mga oral recitations. Gusto niyang komprontahin si Apollo ngunit hindi niya magawa dahil nakakaramdam siya ng hiya tuwing susubukan niya. Paano kung mali naman pala siya?

"Let's go malling later after class."

"I'm busy," sagot ng dalagita habang hindi pa rin ito tinatapunan ng tingin. "Ano ba, Apollo!" inis niyang sikmat dito nang muli nitong hablutin ang kanyang libro. Kukuhanin niya sana iyon pabalik nang itaas nito ang kamay.

Inirapan ni Sabrina si Apollo at hinayaan na ito sa gustong gawin, tapos na rin naman siya sa ginagawa. Iginalaw-galaw niya ang balikat dahil nangangalay iyon kasabay ng paglibot ng mga mata sa loob ng classroom. Tatlo pa lang silang naroon, ang isa nilang kaklase ay mukhang wala namang pakialam sa kanila, may sarili itong mundo habang nakapasok ang earphone sa may tainga.

Inusog ni Apollo ang upuan palapit sa dalagita, kapagkuwan ay ipinalibot ang braso sa balikat nito. Dahil sa ginawa ay nakatanggap siya ng siko mula rito. "Ang brutal mo talaga."

Sabrina looked at him in a 'what do you want' kind of look. She put her arms around her chest and raise one brow.

"I'm just going to ask you if you'll come to the prom. So will you?" Apollo then wiggled his brow suggestively. "Come on, it's a once in a lifetime experience! Hindi makukumpleto ang high school life mo kung hindi ka a-attend ng prom."

"I can't, I have plans that day."

"Yes, you can! Ayaw mo lang pumunta kasi tingin mo 'di ka papayagan."

"'Di nga ako papayagan, so 'wag ka nang makulit at tigilan mo ako sa bagay na 'yan." Sabay ikot niya ng mga mata at umayos ng upo paharap sa pisara.

"I'll talk to him then," Apollo said nonchalantly and shrugged his shoulders.

Marahas na muli itong binalingan ng tingin ni Sabrina at matatalim ang mga matang tinitigan ito na ngumisi lang, parang alam na nitong mananalo ito. "Fine! I will try!"

"Great!" masiglang wika ni Apollo at ginulo ang buhok ni Sabrina na agad na nagpasimangot sa huli.

Hahampasin sana ito nang dalagita nang marinig ang mga tinig ng mga bagong dating na kaklase. Sinamaan na lang niya ito ng tingin, pinuno ng hangin ang baga bago nag-iwas ng tingin sa nakangisi nitong mukha.