في ضريح العشق حمامـــــه......💙🕊

البارت الرابع عشر

في ضريح العشق حمامة،،،،
البارت الرابع عشر،،،،
وئام الشيخلي،،،

،،،،،،،،،،،

اسعد الله اوقاتڪم حبايب ڪلبي ♥

ـَ.........

سنين ودمعة الذكرى
ما تترك نواظــــرنه
عدنه بالحزن إحساس
يهيـّـج كل مشـاعرنه
تبقه يا شهر عاشــــور
نبض ثورة ضمايرنه
حسين وكربله واسمك
عناويـــن التـــّذكرنه

،،،،،،،،،،،،،،،

توضيح ــــــ

ڪتبت البارت ياله شفت. تعليقاتڪم بنهايه البارت ...
تڪولون يڪملون البناء بدون علم محمد ـ
لاحبايب فديتكم ....المها ماتخطي خطوه وحده بدون علم محمد ـ
هو قبل يڪمل بناء بعد ملحه ابو نجم ومحمد صار عنده مبلغ زين ـ وهو يريد يڪمل خاصه بعد الموقف من اجت مها من الڪليه واطفاله يڪوله ماما اجت ڪدام الخطار ...

ونسيت اذڪر عمر حسام ابن نجم 1985..

قراءه ممتعه .... 

ـــــــــــــــــــــــــــــــــــــــــــــــــــــــــــــــ

بدت ايام شهر محرم الحرام تقريبا بنهايه شهر السابع...
محمد ملتحق.. واحنا يم اهلي المقاول اخذ بيتنه يكمله بناء..

وخالتي كالت نذرت بأيام الحرب إذا رجع محمد سالم.. اسوي هريسه بعشره محرم لوجه الله وثوابها لآل بيت النبي الأطهار عليهم السلام...

وبيوم عشره محرم طبخت يم اهلي وساعدنها جارات امي وامي..
ووزعت لكل المحله..

واكيد أبويه ماتفوته مناسبه دينيه ماينطينا معلومه عنها..
ودايم من نجزع ونتذمر يذكرنا بال بيت النبي الأطهار ومصابهم..

وزرع بقلوبنا حبهم.. ورسخ باذهانه أفكارهم ومبادئهم..
والاقتاء والسير على خطاهم..

وبعدها الجارات سون قراية.. من عشره محرم لحد الأربعين..
وأول مجلس صار أبيت امي بهيه ام عباس..

وبعدها ام كنعان وأم نصر..
وابوي يكول مصاب ال بيت النبي الأطهـار عليهم السلام. مصاب كل مسلم..

ودايم نروح نساعد البنات بالطبخ اني ونجله.. وابوي يساعد بشراء مواد للطبخ بمجالس العزاء..

وبيوم القرايه أبيت ام كنعان من خلصت القرايه. وجانت لابو فاضل. عليه السلام . وكملنا توزيع.. خبز العباس عباره عن عجين وحشو الخبز عروك وتكثر إليه.طعمه كلش طيب وخضره وجاي..

اكو نسوان سالن على نجله..

ومن كلنا الها.. كالت ياسالفه الماتخلص..
أني والله لخاطر ام كنعان وشذى وشيماء.. جيت اساعدهن والا بعد ولا اطلع...

وهي الأسود طالع من كلبها.. يضرب على وجهه ويزيد بياض..
وخفيفه بحركتها ونشطه وشغلها مرتب..