في ضريح العشق حمامـــــه......💙🕊

العشرون ـــ الجزء الثاني

في ضريح العشق حمامه .....💙🕊

وئام الشيخلي ......

مساء الورد والياسمين ؏ عيونڪم غوالي ♥ ......

اسفه اتاخرت عليڪم ــ

بارت طويل لعيونڪم الحلوه.

علقو بقدر حبڪم لحبيب مرام.

ـــــــــــــــ

قف على ناصيه الحلم وقاتل "

وثق أن ‏الطريق الطويل سينتهي
الألم لن يبقى وسيزول
الله سيصلح كل شيء
الحلم سيغدو واقعاً
وكل الأيام التي فاتت
ماهي إلى اختبارات لقوة إراادتك.

كما قال محمود درويش

فالحلم لا يموت ولا تقهره الثوابت
وأجراسه لا زالت تدق..
وإن شابته الشوائب....

ــــــــــــــــ

بعدني گاعده بمڪاني وگلبي نار عليها.

ودموعها وشهڪاتها گطعت گلبي.

ربي يبرد گلبج ليش يستحيفون بيها الفرح.

بدت توصلني الرسائل وبعد ڪل رساله ڪاتبه شوفي هيام شوفي.

من اول رساله واضح الڪتابه لامها مو الها.

والا هي وين شافت نجله ودلال ياسر لنجله وبدله عرسها وعرسها اووف ياهاي البدله وسيرتها الماتخلص.

وحفله العرس الي استمرت للفجر.

ياربي شنو هالحقد هذا. 

حتى وهو بالگبور ما خلص منڪم.

وحتى هي الي جابت عمرها بيتم وحزن استحيفتو بيها ثمان سنوات عاشتها بسعاده.

اقرٵ تڪمله الرساله ياااا هاي اني همات الي ذڪر وسيره.

وحظي گاعد لان اخذت احمد.
واحمد دڪتور ومميز يم اهله واعلى شهاده بيهم.

وبرساله مڪتوب امهات حظ الگاعد.

ماتاخذن الا الحلو و المفظل عند اهله وصاحب شهاده منو امجن.؟؟؟؟

واربع رسائل طويله عريضه مڪتوب بيها دلال ابوي الله يرحمه لامي.

وابوي شلون جان مفضلها ؏ الڪل ومحسسهم نجله ولاغيرها بالڪون.

وصلت للرساله الي خلتها تنجن.

مڪتوب ــ

اني الڪذابه مو ؟ ؟ اني تخزيني بين صديقاتج وتخليهن يستهزئن ويغلطن عليه.؟؟؟؟

والله الا اخذه منج.

لو اعرف اسوي العمايل.

واتحضري ڪله يومين مو اڪثر وجاين مشايه عليج.

وغصبا عليج توافقين ؏ ايسر والا تعرفين هالمره ابوي شنو يسوي.

مو سوايه هيام من رفضت مؤمل ابن عمتي ومااحترمت احد.