في ضريح العشق حمامـــــه......💙🕊

التاسع والعشرون

في ضريح العشق حمامه.......🕊💙

وئام الشيخلي..........

مساء الورد لأهل الورد ويا حامل الورد أقصر بالخطى كرما قد لامس الورد إحساسا لـــ ماضينا.
مساء الورد والياسمين لڪم انتم قُراء روايه في ضريح العشق حمامه.

ــــــــــــــــــ

ـــــــــــــــــ

ــــــــــــــــــــ

مرام ـــــ

قد لا تعطينا الحياة كل ما نحب، ولكن أنت أتيت وأعطيتني كل ما أريده في الحياة.

جميعهم يقولون لي أصبحتِ أكثر جمالًا، لا يعلمون أن وراء هذا الجمال هو أنت.....

صفناتي ڪثرانه وافڪر بي ليل ونهار اشتاگ اله هواي.

بعد ماڪنت اشوفه ڪل يوم من نروح للجامعه سويه وي خالو نجم.

الجمعه والسبت اشتاك اله.

ومرات هو يجينا والاڪثر يجي ؏ حسام ويطلعون.

ومرات احنا نروح لبيتهم.

اگول الحمدلله ما مر عليه يوم بدون مااشوفه.

طلع تعينه والاسبوع الي يدوام بي شطوله عليه احسه سنه مو اسبوع.

شنو حالي هذا الاسبوع يمڪن الڪل حاسين بيه حتى هوَ .

رغم لحد الان الي ابينا اهتمام وسؤال واطمئنان.

من ينزل من ڪرڪوك ويوصل اهله يبعث رساله او يتصل ويطمني وصلت.

اتحمدله بسلامته.

واذا اجانا يسٵلني عن حالي و دراستي.

احس بداخله يضحك عليه واني اتصفن عليه مضيعه يميني من يساري.

داومت المرحله الثالثه مضيعه روحي.

من التفت باتجاه ڪليه الهندسه احسها ظلمه من هو اتخرج منها.

والمشهد الصار العام مايروح من بالي ڪل مااتذڪره اگول فعلا ٵني مجنونه ومو صاحيه ؏ گوله هيام.

من تذڪرني تگولي مرام شنو شعورج من تذڪرين الي سويتي من شفتي صوره وقصه حبه الوهميه.
وٵنتِ جنج قوات الرد السريع سويتي هجوم مباغت.

حبيبي هذا حبيبي وتقلد صوتي.

تگول لحد ما مستوعبه ٵنتِ سويتي ڪل هذا! !!!!

وتضحك من اگول لو يرجع بيه الزمن للموقف اسوي اڪثر.

ومن اتذڪر ٵني ماصدگته اموت قهر واگول مستاهله العقوبه وقليل بحقي.