في ضريح العشق حمامـــــه......💙🕊

الثالث والخمسون

فـــي ضريح العشق حمامــة ...🕊

وئام الشيــــــخلـــــي.....

مساء المحـــــ♥ـــبة ؏ ؏ـــيون الاحــــ♥ــــــبة .....

اسمعو الفيديو ـَـَِ👍👍ورڪزو بالكلمات ـ ڪلمة ڪلمة ♥ـــــــ♥ـــــ.......

‏قرب الوتين
خلف النبضہ تحت ظّل القلب
خلف ضُلوع الآمان بين أكتاف الحنان
تســـــكنيـــــن أنتِ وفقط انــــــــتِ ..........

ــــــــــــــــــــــــــــ

سماعي لصوت بكاء امي گطع گلبي ـ

اتخذت قراري واتصلت بهيام وخبرتها مااروح وياها للبصره ..

اصعد بايات الدرج واكول مستحيل اسمح لنفسي اڪون سبب لدموعها ـ هواي تعبت لخاطرنا ـ

اتمنى مااشوف الا الابتسامة ؏ وجهها ..

توجهت لغرفتنا اخذت الجنطه خليتها قريب لڪنتوري وبديت افرغ الملابس واعلڪهن ـ

ميس ـ مسوڪه ليش رجعتي الملابس للڪنتور ..

مسك ـ بطلت مااروح ..

ميس تركت الڪتاب من ايدها واجتي يمي تفهم شصاير ..

ميس ـ شبيج يعمري قبل شوي انتي فرحانه ترتبيهن وڪلتي اول مره اشوف محافظه جنوبيه وبالذات هاي المحافظه امنيتي اشوفهه ـ

ليش هسه ضايجه وغيرتي رٵيج.

مسك ــ ماادري ماادري بس قررت مااروح ..

ميس ـ اني تمنيت تروحين تغيرين جو من ترجعين تگدرين تقرين كومه مناهج وتعب عليج .

اندك باب غرفتنه ڪانت امي ــ

اتفاجٵت من شافتني اعلك بالملابس ..

گالت مسوڪه ڪنتي جوه ؟؟

التفت الها وهزيت راسي اي ..

اتقربت مني واخذتني لحضنها وڪعدنا ؏ السرير وبدت تستفهم مني ليش غيرت رٵيي ..

تمسكت بايدها وگلت الها ودموعج وصوتج گطع گلبي ..

گالت سلامة گلبج يروح امج. غير انتي غاليتي والصغيرونه وصعبة عليه افارڪج فاڪيد ابجي..

بس مو معناه تغيرين رايج وما تروحين وي هيام لحفله التخرج.

جيبي الملابس خلي ارتبهن اني ..

ميس جابت الملابس لامي ـ وڪعدت ترتب وياها ..

ڪملت گالت اني راح اتصل بهيام واگولها يمرون الج الفجر ـ

وڪلمه مسوڪه اعتبريها ڪذبه نيسان ولو اني مااحب الڪذب.

نزلت امي ووياها ميس تساعدها تحضر العشا .

واني نزلت ګعدت يم بيبي واخواني

ـ انس گال من ترجعين من البصره اني ادرسج .