في ضريح العشق حمامـــــه......💙🕊

الواحد والاربعون

#فـــي ضريح العشق حمامة.....

الواحد والاربعون .....

وئام الشيخلي ......

مساء اللمحبه ؏ـلى عيون الاحبة♥♥

بارت تعويض عباره عن بارتين اڪثر من 7000ڪلمه لعيونڪم الحلوه ...

قال....
ك قطعة خبز انتي...
سرقها جائع..
فشبع ولا يعلم...
ايشكر الله...
اما يستغفره....؟؟

ــــــــــــ

لحظات صعبة مامستوعبة اليصير ڪلهم توجهو لبيت جدو الا اني ومرام ـ

مرام التنضرلي بنضرات عتب ..

واكلت اضافرها مثل الواحد القلق ومنتظر نتيجة ـ ومامتيقن من نتيجتها تڪون لصالحه او ضده ..

التفتت للشباك شفت صوفي صحت علي اجه من الباب ـ

قبل لايوصل يمي اتفاجٵ بمرام ڪلها شو هنا ليش مو يم البنات ـ

عيونها مغرغره دموع ماردت علي ضمت وجهها بڪفوف ايدها ـ

باوعلي مستفهم عن وضعها سالته منو اجه ــ

گـال شيوخ مااعرفهم ـ

بس السيارات مالتهم لوحاتها مڪتوب عليها البصرة يعني من البصره ..

هيام ــ متاڪد من البصرة ..

رفع اڪتافه ويكول مادري بس اڪيد لان العگال الفوك راسهم يختلف عن الي يلبسه جدو
يعني مو من بغداد ـــ

رجع لمرام يڪولها ڪومي يم البنات وهي باوعتله وڪالت لا عوفني هنا احسن ـ

خلي اتعود على فراگڪم مبين قربت هاللحضه ..

استغرب ڪلامها وطلع ..
اشوي واجن يمها اسمى ووسن وصوفي اخذوها يمهم ..

اتنهدت احس استبردت بعز الحر ـ

قرفصت وايدي اضغط بيهن على راسي ...

واڪول معقوله ــــــ

رجعت بذاڪرتي لاخر يوم بالامتحانات ..

بيومها مانمت للصبح اني اقرا ـ
من ڪملنا الامتحان واگفين ڪلنا والنقاش على الامتحان ــ

تبارك ــ البشرى ياقوم معزومين اليوم

راح تشوفون ڪرم البصراا..

اختارو مڪان بسرعه قبل لااغير رٵيي تعرفوني شگد متقلبه المزاج ــ

اتفقو على مڪان رڪن بالڪافيتريا ـ

وتبارك بعدها تسولف بالعزيمه ـ

بعد هذا ڪلة طلعت العزيمه علۍ حساب ولد من الڪروب يسمونه ڪلهم ابو الشيماء اسمه حاتم من الغربيه ــ

جاب خيرات الله بحيث ڪلهم گالو هواي مكلف نفسك ..

وهو يرد الحمدلله الخير موجود..