في ضريح العشق حمامـــــه......💙🕊

الثالث والثلاثون

#في ضريح العشق حمامة...

الثالث والثلاثون ....

بارت طويل جدا لعيونڪم الحلوة وبنهايه البارت هديه ـــ

وئام الشيخلـــــي.......

مسا۽ المحبه ♥على عيون الاحبه ♥

ـ ــــــــــ

إن الزعم بأن طموحات الإنسان، وأحلامه، ھي أكبر من قدراتھ، إنّما ھو وھم، فغالباً ما یكون الطموح أعظم من جرأة صاحبه، وأكبر من إرادة الفعل لدیه....

♥♥♥♥

توضيح ــ
ــــــــــــــــ نبهتني هيام على شي بخصوص المعدل عدهم بوقتها درجتين تنحسب على المعدل الڪلي للطالب الينجح من السنه الاولى ــ
يعني معدلها وصل 98..
وال 96 ڪان قبولهم صيدله محافظات ــ

ـــــــــــــــــ

هيام ـــ

اول يوم بالجامعه ـ

ڪعدت نشيطه رغم مانمت الا ساعتين من التعب مغيره مڪاني ـــــــ سبحت وبدلت ملابسي ــ

لبست تنوره سوده ڪلوش وبيها شيالات وقميص ابيض ــ سرحت شعري ولبست اسڪارف مخطط ابيض واسودـ

البنات ڪالو ڪلش حلوه طالعه ــ

رجعت لسريري وسحبت السجل من اللوڪر الخاص باغراضي ـــ

وڪتبت مذڪره اليوم ــ
بالتاريخ الهجري والميلادي ــ

واتصفحت اول ذڪرى بالسجل ڪتبناها اني وباجي المها ڪنا نقرا للسادس العلمي ــ وكالت من تحققين حلمج ارجعي اتذڪريها ـــ

الحمدلله حققت حلمي وحلم ابوي الف رحمه لروحه ــ

ڪلام باجي المها وتوصيتها ڪلها ڪدام عيني ــ

طلعت وي مجموعه بنات للجامعه ـ
اتناقشنا ليش لابسه زي اذڪرت ڪلامها من تڪول ڪلشي بوقته حلو ــ
واجمل مرحله تعيشها البنت ڪونها طالبه جامعيه محققه طموحها ــ

البنات ڪالو حلو رايج ـــ

الي وياي ڪانو غير مراحل ـ
وصلوني للقاعات وراحو لقاعاتهم ــ

ڪلشي مختلف عالم الجامعه غير ــ

من اجيت سجلت ماشفت غير قسم التسجيل ومن الدوخه مااشوف دربي ـ

دخلت القاعه سلمت بيها عدد طلاب وطالبات ـ

ردو السلام ــ

ڪعدت باستول قريب الحايط ــ

حسيت الكل يباوعلي دنڪت بيدي سجل فارغ صرت اقلب بصفحاته الهي نفسي ـ

ڪلما ارفع راسي احس اڪو نضرات عليه ـ

كلت يمكن لان مو محجبه ـ
انتبهت اڪو طالبات مو محجبات مو بس اني ــ

بعض الطلاب ڪانو بالباب ــ