في ضريح العشق حمامـــــه......💙🕊

الرابع والاربعون

#في ضريح العشق حمامه .....

الرابع والاربعون .....

وئام الشيخلي .....

مساء السعاده على عيون الغوالي ♥

اسمعو الفيديو الفوگ وگولولي مني المقصوده ـ ڪتبولي الاسم ...

كنت أنوي أن أحفر اسمك على قلبي، ولكنني خشيت أن تزعجك دقّات قلبي. لماذا طريقنا طويل مليء بالأشواك، لماذا بين يدي ويديك سرب من الأسلاك، لماذا حين أكون أنا هنا تكون أنت هناك.........

ــــــــــــــ

بعد مامرت ايام واحمد ڪلشي بي متغير ..

الا سؤاله اليومي عني وعن صحتي واذا محتاجه شي ..هذا ثابت وماتغير رغم التعب الواضح علي .. وواضح عنده مشڪله ومو سهله ـ

ومن بعدها يومين متتاليه ماحضر للجامعه ولااتصل ـ

گلبي نار ومابقيت توقع واحتمال مااجه ؏ بالي والتفڪير والقلق شوش دماغي ـ

گاعده ؏ سريري وعيوني تباوع بالفراغ وبالي مو يمي ـ

زيتون ـ يمعوده وين وصلتي ؟؟؟
صار ساعه اسالج ـ

هيام ـ ها مامنتبهه شنوو ـ

اڪلج مخلد واحمد شفتهم بسياره مخلد من رجعت من الدوام ـ بس مخلد مامداوم صار يومين ـ

هيام ــ ولا احمد مداوم ــ

تركتها وتوجهت لبيت ام رغده استاذنت استعمل التليفون ـ

دگيت ؏ هدى جاوبتني سالت ؏ احمد وگلت الها اريد اشوفه ضروري ـ

گالت اي ادللي هو ڪان نازل لبغداد واتصل بينا جاي يمڪن بالسڪن مالته من يجي انطي خبر ..

نزلت ومااميز ڪلشي ورجع دماغي يفسرلي امور ـ

وادعي ربي يبرد گلبي شگد خايفه علي .

اويلي يالقهر من شفته تعبان قبل يومين تمنيت اشيل تعبه وافهم شبي بس المشڪله من يڪون قريب عليه اتيه ڪلشي واستحي وارتبك ..

ماصدگت صاحو عليه التليفون عليج ــ

من ڪُثر مامستعجله اصعد ڪل بايتين سوا.

اجاني صوته ملهوف قبل لايسلم ـ

طمنيني شبيج ــ

هيام ـ مابيه شي والله بس بالي يمك انت بيك شي ـ
اسئله وعيوني غورڪت دموع واضح بي. شي من صوته ...

سڪت ماڪو رد..

بعدها گال لايضل بالج ماڪو شي من اشوفج افهمج ـ

هاهي لازم تعرفين ڪلشي ــ

هيام ـ تعال هسه تعبت والله اريد اعرف شبيك ـ

احمد ـ ياله راح اجي اني وهدى ..

نزلت حضرت الجنسيه مالتي ــ