ليتني لم اراك

البارت الرابع

لا يجده لا تستهانين بيهه هل اميره تراهه

مشيطنه وانه نبهتج منهه الصبح وما

سمعتيني ارجع واكلج تراهه ما راح

تنام ولا يهدالهه بال اذا ما

تاخذ حيفهه منج واليوم

ههههههههههه شنو السالفة جده تعادلنه هيه شكت ملابسي

واني بسطتهه وانتهت راحت بعد

بكيفج يجده انه حذرتج ومهما يكون الحذر واجب

صار لعيونج

رحنه للهول إلحجيه كعدت واني طلعت غسلت ورجعت

لكيتهن ينكلن بالعشه ساعدتهن وكعدنه ناكل

واميره وبنتهه يردن ياكلني بدل الاكل الكدامهم

وكل شويه تذبلهه حجايه

جده تدرين اليوم نفسيتي مرتاحه كولش

وفد مرتاحة بحيث هسه اذا تلزميني دك كتل اضحك ابقه

دومج يجده إنشاء الله كل ايامج فرح

خلصنه نكلنهن واني ضليت كاعده كمت غسلت ومريت

من باب المطبخ واسمع اميره وبنتهه يتبسبسن من شافني سكتن

ما اهتميتلهن رجعت كعدت يم ماما دا

اصالحهه لان زعلانه عليه

جتي فرح بت ام راس ههه وجايبه الجاي وزعت الهن كلهن

وصلت الي دا أخذه وكلبته عليه يايابه يا بويه

غير نصلخت صلخ حار يصمط

تكول تيزاب ووكع عليه ضليت اكمز ماما نخبصت ترفع

بثوبي تريد تشوف وين احتركت واني مجلبه بيه

الحجيه عاطت بيه وخرته اني شفتهه

واخترعت على ركبتي مكشوطه كشط الحجيه ضلت تصيح

شاهين جده الحكنه

اجه الولد يركض مدنك

الحجيه يمه شوف رجل البت تشوهت والمضمد هسه معزل

خطيه ماعت روحه

بس جده

يجده مو حرام حاله طارئه وانته بحسبه دكتور

مو يكولون الدكتور رب ثاني

كعدنهه هسه اجي

كعدت وماما تهفيلي بالصينية مالت الجاي

احس روحي دا تطلع رجع الولد وبيده جنطه

احمم احم شو وينه الحرك

عززه طلع المخنزر

شنو انته ما اريدك وخر يله

لج امي خل يعالجج مو دا تلوبين من الالم

رغد جده خل يداويج شاهين معاون طبي حبيبه

ما ما معليه ما اريده

جتي ماما شبكت اديه والحجيه وخرت ثوبي واني اعيط

كل ظنهم انو اني خايفة من الحرك بس اني بالحقيقه

خايفه منه لان متحلف بيه خفت ليأذيني متعمد

نضف الحرك وحطله خبطه ولفاه بشاش

وكام راح ضليت صافنه عليه

معقولة جنت بين ايده ومأذاني بحجه دا يداويني

هاي لواني بمكانه جان اذيته

ابتسمت طلع عدوي شريف غميت روحي هسه اني

بيا حال ماما سوده عليه نومتني بحضنهه وكل شوي تبوس بيه

شويه ودخل المخنزر يصيح ياالله الحجيه تكله فوت

وهوه يصيح يالله عاد عاطت بيه

ادري ياجده مو اكلك فوت شنهي ما تسمع

فات مبتسم ادري ياجده غير اذكر ربي قابل كفار وتنزعجون

من ذكره

فلشك يجده ادري بسوالفك انه كول شتريد

هههه ابو حسين دره بته محتركه وكال سويلي درب

اريدن اشوفنهه

هوه مو ابو حسين ابو رغد خوش ماعنده خلفه غيري

وما اقبل يتسمه باسم غير اسمي

باوعلي بنضره استهزاء وطلع يا بويه بدي اكله اكطعه باسناني

فات بابا مهبوط خطيه

السلام عليكم

وعليكم السلام

ها باباتي كالو محتركه وجيتج ركض خوما تاذيج

بسته بخشمه هاي بوسه بابا بس اله هه

سوده عليه حبيبي لا مبيه شي حرك عنوني هسه يومين ويطيب

خوش بابا احنه باجر ونروح لبيتنه من الصبح

نطلع نخلص حاجاتنه حتى نام هناك

شني السالفة يبو رغد قابل طاردينكم

لا حجيه كلكم كرم بس اني متعود انام بنص حبيباتي

بلاهن ما اكدر انام

الله يخليكم البعض

ضلو يطلعون سوالف من جوه الكاع للوحده وطلعو بالديوان

ينامون واحنه نمنه بغرفه الحجيه

الليل كله ما كدرت انام متعوده انام على وجهي

ومنا توجعني دموعي نزلت لا اراديا كمت على كيف وطلعت من

الغرفه ما ردت اكعدهن

البيت ضلمه ما ينشاف شي تمشيت للحوش اكو خيال

واحد ضخم كولش

يمه شنو هذه بس لا جني عززه بعيني هسه اني

شكومني شطلعني لو منجبه وضاله

بالغرفة مو احسن

التفتت عالسريع دا ارجع ونلزمت من الخوفه جيت

اعيط بس نسد حلكي حتى خشمي وياه هل كد ما ايده جبيره