ليتني لم اراك

البارت التاسع

ياا ومنو ذول بله

إبن أخيتي اجو  علمود شاهين وشافهه وعجبته 

أني نطيت من يمي

اني ما ازوج اله على حب جده

يااع فلشج كون تحجين هيج كدام امج

هههه جده اني وماما صديقات ماكو شي مضموم

ماما  باوعتلي وابتسمت وكالتلهه

بنيتي زغيرونه ما نطيهه هسة

ضلينه كاعدين نسولف وامه اخذت الوضع الصامت

بعكس اول ما دخلنه

شويه ورجعنه لبيتنه سوينه عشا وتعشينه

وكملنه وكعدنه نسوي ماسكات حتى بابا حطيناله

شوية وعفتهم ونسحبت انام

مر اسبوعين كل ما  انروح هوه يطلع يفتح الباب

ويبتسم وين ما اروح يطلع بوجهي

اليوم اول يوم دوام بدلت وتريكت وطلعت المدرسه تبعد ربع ساعة

عن بيتنه اتمشالهه

اول ما فتحت الباب وطلعت صار بوجهي ابتسملي

عفته ومشيت جني مشايفته

وصلني لباب المدرسه وضل واكف التفتت عليه

غمزلي وسوالي باي

عزاا شكد مستهتر

بالطلعه هم لكيته واكف وصلني لبيتنه وراح

اسبوع كامل وهوه هيج بس لا هوه الحجه ولا اني

اليوم خميس والدنيا حاره وجوعانه وتعبانه وزهكانه بإختصار

الدنيا طالعه من عيني اليكولي هلو اضربه راشدي

دا امشي وهوه ورايه ويغني بس للامانه صوته يجنن

التفتت وعطت بيه خطيه فز جان مندمج بالغنه وهم

رده فعل غير متوقعه

انت متستحي على دمك صار فتره وين ما اولي الكاك كدامي

شوف لك اذا مره الخ طلعت بوجهي اعدمك اني رغد ما اخاف

و لا استحي فهمت

يابويه اموت على المره الوكحه واني رائد

اذا شي عجبني اخذه وانتي خشيتي بكلبي وعقلي وتصيرين

الي يعني تصيرين

ضحكت عليه وعفته ومشيت فتحت الباب وهوه ضل واكف

يباوعلي طحت وركعته بوجهه كام يضحك ويكول خبله

والله يا الله هذه منين طلعلي نوب

بس يله هنا ملل عاد هذه يسويلي شويه اكشن

فتت بست ماما وكعدنه ناكل