ليتني لم اراك

ما قبل الاخير

‏قُلْ للذينَ فوضُوا أمرهُم للَّه
أنَّ اللَّه لنْ يخذلُهم أبداً 🤍

دخل عيونه بكصته الصراحه 😂صارت بيه خوفه رجعت ليورة صرت ورة امي كلت  خاف اجتني مصيبه جديده واني لا بيها ولا عليها بس حتى عمو قاسم طب يفور يا ساتر فاتو والصراحه من شفنه الوضع هيج ماما رادت تروح كالت عيب وخصوصيا كلتلها لازم اعرف كالت اني ما افوت تردين ابقي وخلي واحد يجيبج كلتلها ماشي راحت ماما فتت اني كلت لزهرة كالت ما ادري يخيه يوميا تطلعنه سالفه لو مصيبه شكل حتى كلوبنه خلصت شويه وجدتي فاتت على عمي قاسم ما طولت والصياح عله وطلعت جدتي تسب شلون الله ما يخلصني اضل معلعله طول عمري
شوكت ارتاح خطيه بس مفرفحه حتى شكت ثوبها من الهضيمه كعدت بالحوش غسلن وجهه بمي بارد.  شويه يله كدرت تجر نفس. طلعو اهل اميرة مشتكين يردون تعويض على بتهم الي حركت روحها ويردون. فرح. ومكلفين ناس يردون يحلونها بالحسنى احسن متصير مشاكل وعمي قاسم وشاهين رايحين وصايرة عركه شكبرها وشاهين كاسر خشم واحد وسن من سنونه وصايرة لخه يبو.
وهذولاك ما ساكتين كالو اليوم لا تضلون بالبيت
جدتي كالت. لزهرة صيحي شاهين اجه شاهين كالتله خابر عمامك الناس الخيرة اخذو عطوة لا يحركون بيوتنه على روسنه والله شاهين بالبدايه عارض بس جدتي كالتله اغضب عليك خابر والله ما عدت ساعه والسيارات سدت الشارع
فهمو الموضوع من عمي قاسم وشاهين وراحو
والله عدت ساعه مدري ساعه ونص وهم ماكو

دك تليفوني ماما

ها عمري
شنو رغد نمتي ما تجين حتى ابوج ضل يحجي
يكول بده الوضع ما يعجبني رغد صايرة من تروح تنسه نفسها
كلتلها ماما غير صايرة مشكله شكبرها والعشيرة اهنا وراح ياخذون عطوة دزي بابا لو اقفلو الباب وتعالو عيب كالت شكو شصاير فهميني كلتلها تعاي وانتي تفتهمين والله اقل من ربع  ساعه اجت امي وبابا
امي خطيه ضلت تبجي على بجي جدتي كالت ويلي يا قاسم متعلعل من يوم يومك من ورة اميرة لا ارتاحيت منها وهي عايشه ولا حتى من ماتت وضلت تدعي على روحها وتكول شنو من بلاء وانتقام دعوة منو علينه
والله منا لشوية اجت ناس الي راحت علمود العطوة الولد الي ضاربة شاهين كسر بخشمه ولازمله عمليه وسن من اسنانه طايح واثنين يتگلگلن. ويردوون. من ربع ل 100شكد ما يخسرون
ويردون كعده ويخايرون البنيه وبنفس الكعده يردوون حلفان قاسم ما الا ايد بحركها وبنفس الوقت فرح تحلف الي حجته حقيقا مو احد جابرها قاسم كال اني احلف بتي ما تحلف زغيرة شنهي هاي ناس ما يخافون شنهي الحلفان سهل
عاد فرح كالتله اني مستعده احلف وما دامنه على حگ ما نخاف

عاد قاسم غرغر الدمع بعينه وكال والله انتي بت ابوج وباسها براسها سال شوكت الكعده كالو على الاربعاء يعني بعد يومين
المهم. الحمدلله محد اتاذه بس مع ذالك اخذو حذركم لان الي يمشي ورة النسوان ما تتوقع ردته فعله
رغد بعد ما طمئنه على وضع ردت احجي ويا شاهين كلبي ماكول عليه من تصالحنه لهسا بس المشاكل صارت لا والحظ لو نتعارك بينه لو تصير سالفه صفح بالعائله وتلهينه باوعتله كانو حس راستن باوعلي بنظرة عطف اشرتله فات قبلي شوية وكمت اني سلمت عليه. وهو ينفخ تخلص جكارة يدخن الثانيه   بقينه نحجي بالموضوع وشلون صارت كتله لازم تتحكم بعصبيتك وصيته على نفسه وهو هم وصاني على نفسي وحلفته ما يطلع لحد ما ينحل الموضوع بالبداية رفض بس بعدها استسلم لملحتي  وعدني كتله لعد نتواصل كال ان شاء الله باسني بكصتي وراح اني هم شويه وطلعت وراه
والحبُ ما قالتهُ أمّي عَن سَجائر والدي ، وصفتهُ قائلة : دُخان أبيكِ عَنبر . 🤍

والله شوية وبابا كال تسموحلنه واي شي تحتاجو تليفون واحد والله على السريع اجي
عمو قاسم كاله تسلم ابو رغده معذبيك ويانه احنه صايرين حمل ثكيل عليك
كاله على بختك فضلكم سابق المهم سلم وطلعنه

والله بحدود ال 12بابا كال كمت اغفي راح انام وراي شغل هم ماما ضلت كاعده شوية وضلت تتثاوب. وخلتني اتثاوب عدتني 😂هي كالت راح انام واني هم بس خليت راسي نمت. والله ب 8وامي يله اكعدي مو تردين تتعلمين يله كومي
كلتلها ماما لو ب 12لو ب 8كالت انتي ردتي اكعدج ب 8كلتلها بس ساعه وتعاي والله عافتني وطلعت راستن رجعت نمت ما فزيت الا ساعه ب 1الظهر يا عزة العزاني طلعت ردت احجي قبل لا افكك حلكي كالتلي تره بنعال من 8ل 12كل ما اجيج تكليلي ساعه وكعديني وعفتج ونوب بس تحجين اهفج  بالنعال
😂فتت سبحت اسمع بابا يسال عليه تكله المحروسه توها كاعده وهو يكلها خليها شتريدين منها النوم عافيه واني بالحمام اصيح فديت باباتي وماما تكله محد خربها غيرك هسا من تروح لعيالها  وتكعدلهم بالوحده شيكولون وهي كلشي ما تعرف هسا غير تتعلم طبخه شي شو زهرة وراح تزوج والمرة جبيرة ام قاسم
بابا;تتعلم حبيبتي انتي هم اخذتج حتى من تسويلي بيتنجانه تلزكيها بطاوة وهسا صرتي فنانه بالطبخ  اني طلعت وطكيتها بضحكه كلتلها مسوية نفسج منال العالم وطلع عندج سوابق بالطبخ
😂هي ضاجت كالتله خوش لعد خل تفيدك رغد وتسويلك اكل وفاتت وركعت الباب بابا ضل يباوع عليه كالي شلون بيها بعد لو نموت من الجوع ما تسويلنه كتله افه عليك هسا بنتك تسويلك بيتنجان وطماطه الا بشده كال لعد بلشي واني راح اسبح واصلي
كتله تمام. كصكتهم وملحتهم وخليت طاوة والدهن يحمه اول مكليت بيتنجان ونوب الطماطه سويت الزلاطه خبطت لبن مدخن 😛اممم الا بشده وعليه ليمون وسويت ركي وغسلت الريحان لان العشق جهزت الصينيه طلع بابا كال والله بنتي تعرفين طلعتي 😂لعد شبيها امج تكول كلشي متعرفين طلعت ماما من الغرفه   اي شتعرف بس بيتنجان تخيس معدته الولد بيهن
ضل يضحك وغمزلي كالي بابا بلا دلع تعلمي كم طبخه عيب من ناس شتكول علينه مو عيب اسمعي كلام امج شو امي كعدت كالتله اي عفيه حيل وياها
والله عاد خلصنه اكل شلت الصينيه غسلت المواعين غسلت الطباخ جلفته جلفه معتبرة 👌طلع يلمع والسنك غسلته
غسلت المطبخ بالصونده
لكيت ملابس بالغساله غسلتهم غسلت الحووش ونشفته نظفت الاستقبال وسديته نظفت غرفتي
ماما وبابا رادو يسوكون
لان متعودين بمحرم يطبخون فا طلعو يسوكون وبقيت وحدي افرفر اطب منا واطلع منا وملل وطافرة روحي وخطر بالي شاهين كلت شيسوي
‏"لا تقلق ، الشخص المناسب لا يرحل. "🖤

دك التليفون اباوع شاهين جاوبته كتله شكد انت ابن حلال هستوني احجي بيك كال كلبي علمني هههههههه كال شسوين كتله افرفر بالبيت كال ليش وين اهلج كتله على جية طلعو يسوكون لان يردون يطبخون كال هاا
مأجوريين كتله منا ومنكم يارب بقينه نسولف على كعده باجر واهدي بي واوصي بي ولخاطري ووعدني المهم كال عندي شغل اذا ما عندج شي نحجي بليل كتله تمام
راستن اندكت الباب بس شنو من دكة تقبض الكلب جنها دگه حزبي كلبي ضل يدك حتى موبايل طاح من ايدي لا خاله شال على راسي لا اكدر احجي ودكه اتزيد مدري لكيت خاولي مدري ثوب الصراحه ما منتبهه حتى شنو خليت  وفتحت الباب ..........

والحكاية بقت لا تنسون النجمه ❤️