ليتني لم اراك

البارت العاشر

كلبي نقبض منو هذه الدا يحجون عليه

بسرعه اجه رائد بالي صار كم يوم كلبي ناغزني

بالكوه مشيت الهم رجليه صارن خيوط

ماما خير منو الي مات

حبيبتي هذه رائد الوصلنه ذاك اليوم خطيه طالعين

بواجب وصاير اشتباك

هيه تحجي واني جن واحد وضربني على راسي

معقوله الدا اسمعه رائد حبيبي مات لا جذب

طحت على وجهي وخشمي كام ينزف اخر شي شفته بعد ما

حسيت بشي فزيت الصبح ماما كاعده تسبح بس

شافتني طفرت عليه

واني بس شفت الاسود الابسته تذكرت الصار

ماما صدوك مات لو جذب

اي حبيبي الله يرحمه

اريد اروح لفاتحته

اي فاتحه ماما صار ثلاث ايام نايمه وحرارتج مرتفعه كولش

بينج وبين الموت شعرايه

شجاج يا امي

ماما احبه وعدني بس ينزل يجي يخطبني ياريتني

قبلت بيه من خطبني جان شبعت منه

لا ماما لا تكولين هيج

لتاذين روحج هشكل يا عيني هذه امر ربنه

خرجوني من المستشفى العصر ورجعنه للبيت المنطقه مكلوبه

كلاب يعني هسه احنه بعد منتشاوف

طولك الحلو غطته التربان وعيونك الاحبهه شصار بيهه هسه

اويلي عليك رائد عفتني جسد بلايه روح

اذا جنت ناوي على الفركه لويش علقتني بيك مرينه من يم

بيت الحجيه سيارته  بالباب صافيهه ومعلكين عليهه صورته

اخخ ياربي امتحانك صعب واني مو كده

بس وصلنه للبيت نمت ما ادري بالدنيا طشت رشت

بس ماما تدري سبب وكعتي شنو تحاول تصبرني بس الكلام

ميفيد اسبوع اني فاقده لحد ما ماما جرتني

سبحتني ومشطتني وخلتني اتوضه وكالتلي صلي

اشكي حالج لرب العباد ادعي يبرد كلبج ابجي بين ايديه

شنو نومتج هاي

كمت واني كوه لازمه نفسي بس سجدت نهاريت

حجيت ودعيت هواي بس ما اتذكر  كلمه من الحجيته كله

خلصت وكعدت اقراله قران فعلا حسيت براحه جنت مخنوكه

النفس بالكوه اجره مرت الايام بسرعه والدوام تركته بسبب

حالتي الصحيه الي صارت تتراجع يوم بعد يوم

اليوم ختمت اله القران وي اذان الفجر

عود كلت بس اريح ضهري اكوم اصلي مدري شون غفيت

وشفته بمنامي جان لابس دشداشه بيضه ووجهه ينور

وكاعد مبتسم كالعاده رحتله اركض حضنته عاط وخرت منه

لزم كلبه

وصلتني هديتج بس اني زعلان منج

هييه لويش

اني شوصيتج كبل لا اروح ودار ضهره وراح اصيح عليه موكف

فزيت مخروعه كمت صليت وكعدت اتذكر شوصاني

لحد ما كعدت ماما شفتهه تلف بشالهه تذكرت

هذه شعرج الجنه سواد الليل فد الي ما اريد احد يشوفه

ماما

ها حبيبتي

اريد اتحجب عادي تجيبيلي شالات

صار من عيوني بس نتريك ونطلع اني وياج اشتريلج ملابس

محجبات هم

ماشي كمت تريكنه وفتت لغرفتي طلعت قميص طويل

وبنطرون واخذت شال من ماما وطلعنه

اغلب الملابس اشتريتهن سود وماما عافتني على راحتي

من رجعنه اقترحت نروح لبيت الحجيه ورحنالهم

الحجيه تعتب لان صار هواي مرايحين بس من نتبهتلي

شون ذبلانه سكتت

زهره اشرتلي واخذتني وطلعنه للبستان

بس انفردت بيهه سالتهه

زهره سولفيلي شون استشهد

جانو طالعين بواجب وصار اشتباك نضرب طلقتين وحده بطنه

والثانيه قريب على كلبه متأخرين يله ناقلينه للمستشفى

سووله عمليه الطلقه البطنه مطلعينهه بس اليم كلبه

ضاله تمشي ما ثابته ضل يومين وراح حجتهه وشهكت

بعدين كالت

خيه اريد اطيج امانه بس مو توكعين عليه

شنو امانتيش

طلعت حلقه من جيبهه وخلتهه بيدي

باعي هاي جابهه باقر اخو رائد من جان بالمستشفى قبل لا يستشهد

بساعه اطاهه اله كله اطيهه لزهره تعرف المن تطيهه

وخل توصللهه هل جلمات عن لساني

حبيبي وبنيتي يا امنيتي الما كدرت احققهه دير بالج

على روحج لخاطري ودراستج لا تهمليهه

والاهم لا تنسيني هل حلقه جنت ناوي البسج ياهه بيدي

بس الموت استعجل واخذني ابريني الذمه ماجنت كد الوعد

بس خلي بالج انه لحد اخر نفس باقي احبنج

هيه تحجي واني ميته بجي ما اعرف شلون كلبي تحمل

وما وكف ذيج الساعه

هاي شكو عليمن تبجن؟