ليتني لم اراك

الثامن عشر

الى ان طحت بعد ما دريت شصار

زهرة من شفت رغد الصبح وانه كلبي ما مطمن لحالتهه

رديت للبيت مشدوهه البال

وشغلت روحي بالشغل لحد ما امهه دكت علينه وجابتهه

واجت من شفتهه كلبي انقبض من شفتهه

الصبح جانت تمشي على رجليهه وهسه اهلهه يمشونهه

كعدت امهه تسولف شصار بيهه وانه عيني عليهه

صافنه على أميرة حتى ما ترمش شويه وتكول جني وركبهه

كامت ترافس كلهه لازمتهه وما كدرتلهه كامت تخنك

بروحهه لحد ما فقدت كلنه هاي ماتت

فحصهه شاهين وضلت فاقده جديتي حجت هاي مسحورة

ومسكيه بعد

اي حجية واني هم كلت هذه كيد نسوان ومو مرض

زين وشنو الحل حجية بنتي حتروح من ايديه

لا انشالله ما بيهه شي اليوم تضلون هنا وباجر بحيل

الله نطلع لبو فاضل هوه يشافيهه

زهرة اخذت رغد بغرفتي وضليت مناطرتهه واشوفن اميره

تحوم ما ادري ليش شكيت بيهه هيه وره هل سالفه

بالليل كلش طلعت اشرب مي واشوف أميره مدري شترشرش

سحبت بوش ورديت للغرفه منضرهه يخوف

سمينه وطويله ولابسه كله اسود والبيت اضلم اختلست

رديت للغرفة ارجف بس شفت رغد بجيت

انتي هم حضج وكعج بيد هل شيطانه هاي رايده من ابو فاضل يطلع

حوبتنه بيهه للصبح وانه ما غمضتلي عين طبت

جدتي كعدتهه وكمت غسلت وجهه وردينه وهيه خانسه

بس تباوع بعيونهه

وامهه خطيه خوت من البجي

كعدت اوكلهه لكمتين وبعد ما قبلت تاكل

طب ابوهه بوسهه ويباوعلهه ويتحسر نزل شاهين واخذوهه وطلعو

جدتي وامهه وابوهه وهيه وشاهين

انه كمت انضف البيت ونشغل فكري بالماخذه من سنين

باقر وره ما شفته صار دوم يتردد علينه

بس ما عاد لحكني دورات من نكعد اشوفه يباوعلي ويبتسم

وانه كلبي يصير هل كبره جنت زغيرونه وهو اول زلمه

فتحت عيني عليه

لحد ما يوم جانت ضهريه تكتل حر وانه توني طالعه

من المدرسة وواحد سرسري لحكني

هذه ما مخلي وحده ما ملاحكهه ضل يشمر حجي