ليتني لم اراك

البارت الثامن

هذا كولشي أتذكره بهل يوم

كعدت جان الضوه طالع هاي اني وين

رغد ماما كعدتي الحمد الله على سلامتج يروحي

خوفتينه عليج هواي

لويش شصاير ماما وبعدين ايدي لويش مجبسه شكو

ولج ماما غير سويتو حادث

خطيه شاهين متاذي كولش رجليناته ثنينهم مكسرات

وركبته هم مدري شصار بيهه وفوك حاجبه صايرتله طبره

وسيارته تفلشت بس زهره المحضوضه كولشي ما بيهه ولا خدش

انتي ايدج نكسرت لان من نضربت السيارة بالشجره

انتي نكلبتي ووكعتي عليهه

زين وهسه همه بعدهم بالمستشفى لو طلعو

اي  بس شاهين وعمه وولد ثاني ما اعرفه

زين كوميني اروح اتحمدله على سلامته عادي

لا ماما خليهه من نطلع

اوك لعد

ضليت كاعده احاول اتذكر الصار مكدرت لحد ما انثولت ونمت

فزيت بالليل ماما نايمه كمت ضايجه ما اتحمل

ابقه بمكان واحد فتره طويله

طلعت صار بوجهي عمهم

الحمد اللة على سلامتج بابا شون صرتي

الله يسلمك عمو زينه وانته بعد الحمدالله على سلامتهم

خير وين رايحه بهل ليل

والله مليت ودا اتمشه

اهاا فوتي جوه امي موجوده اجت عليج لكتج. نايمه

اوك حفوت

وانه راح اجيب. شي بارد واجي

هزيتله راسي ودكيت الباب وفتت

عززه هذه شصاير بيه رجليه ثنينهم مجبسات وركبته وراسه

ملفوف وحاجبه طاير نصه من وره الجرح

هذه كوليته وهوه حلو ابن الابنل لو ما عجرفته جان خطبته من

زمان ههه ثول لهل تفكير

خايبه رغد صار ساعه احاجيج بيمن صافنه

ها جده دا اباوعله هاي شصاير بيه

يي يجده سوده عليه ما ضاله بيه عظمه صاحيه مكسر تكسر

خطيه والله شنو نايم

لا كاعد شونج

احمم الحمد الله وانته

انه هم زين

شفتي جده زهره الملعونه كولشي مصار بيه

يااع فلشج كون جا هم تردينه تتكسر