ليتني لم اراك

السادس عشر

فزيت ساعه عشرة الغرفه ضلمه

فتحت الضوه محد عززه وين راحن وعافني

لفيت الشال وطلعت فلشت الباب على غرفتهم طلع شاهين

الشعر مكفوش والعيون مورمه ويفرك بيهم

يمعوده شمالج جنج دكه حزبي طفرتيني من نومتي

يله يابه واذا حبايبنه وين هاجرن

راحو يزورون وانتي شكد كعدن بيج ما كعدتي

كتلهم روحو وانه ابقه

وشعدهن راحن مو على اساس باجر نروح

عمي صار عده شغل وباجر نرجع

واني شنو ما ازور معليه خابرهم خل يجون ياخذوني

وين يجون صار ساعه من راحو

روحي بدلي بين ما ابدل ونلحكهم

اووي فدوه مشكور دادا

دروحي بويه روحي

هههه رايحه

دخلت لبست ثوب طويل وأخذت العبايه وطلعت دكيت

الباب خمس دقايق يله طلع

ونزلنه اجر تكسي

اشو تكسي لعد سيارتك وين

يابه مطفي وتعبان مابيه اسوق لا نندعم نوب

خابر عمه وكله جايينكم

وصلنه للكاظم ومن نزلنه كل شوي يلتفت عليه لا اتيهه

نوب لزم طرف عباتي ومشه

هنا اريد الزم روحي ماكدرت كمت اضحك بخنيك

وهوه يكلي وجع وسم احسن اتيهج

ولك حسستني اني ماما وانته مجلب بيه حتى ما اتضيع

ضحك وعافني

دخلنه للتفتيش لكيت ماما منتضرتني اخذتني

ودخلنه زرنه يابويه على كميه الهدوء والسكون بالحضره

لو شايله هموم الدنيا بس تشكيلهم

الكلب يبرد وكلشي نشوفه اسود بحياتنه يهون

زرت وكعدت اقره قرأن بجيت هواي وترحمت لرائد

هواي رائد الذكرى الحلوه البحياتي تأذيت من خسرته بس

المصبرني انه شهيد والشهيد منزلته عظيمه

عند الخالق

كالو شبعن زياره ومن تخلصن طلعن

تمددت بحضن الحجيه وكامت تمسد على راسي وتقره

غفيت وبالحلم جاني رائد عيونه مدمعه كالي دير بالج على روحج

ولزم شعري وباسه وهاي اول مرة يسويهه

فزيت مخروعه من الحلم دخيلك يا سيدي ومولاي