ليتني لم اراك

الحادي عشر

هاي شكو عليمن تبجن

صوت شاهين مابيه اباوعله ابد ضليت مدنكه وابجي

والظاهر ماعرفني لان لابسه حجاب

زهره ها خويه جاي نسولف برائد عمت عيني عليه

ياخويه ميجوز البجي بداله كومي صليله قريله قران

صار خويه

مسحت دموعي ولبست الحلقة وكمت صارت عيني بعينه صفن

بوجهي بعدين دنك

احم الحمد الله على سلامتج كالو مريضة

الله يسلمك احسن الحمد الله

زهره اني تعبت حروح لبيتنه عود كولي لماما

وين مو عازمينكم

ما اشتهي العسل والله داروح الف راسي وانام

براحتج تردين اوصلج

لا تسلم اني اروح بس بلغو ماما يله باي

بعدهم محاجين عفتهم ومشيت احس روحي راح تطلع

الكلام الكالته زهره يرن بأذني اباوع للحلقه وابجي

جنت جايبهه حتى تلبسهه الي لعد لويش رحت وعفتني

وحدي اخخخ يمه

بس فتحت الباب نفجرت حتى عياط عيطت

لان بعد ما اتحمل لحد ما تعبت يله كمت توضيت وصليت

وقريت قران

وهيج مشت ايامي مرت شهرين كولشي ما فهمت منهم

كعدت وناويه اكمل حياتي الوكفت بيوم الراح الغالي

نويت اكمل دراستي لخاطره

السنه مبقالهه شي وتخلص بديت اقره بالبيت حتى سنه الخ

اسيطر على  المواد

بديت اقره بس الرياضيات مطي ومربوط من اذانه كولشي

ما افتهم منه ذبيت الكتاب ماله كولش

ستأذنت من بابا داروح الزهرة وقبل

على السريع لبست ثوب طويل حلو مخليته للطلعه من مالي

خلك ابدل البسه ولفيت شالي وطلعت

توني دا افوت بمنطقتهم. وطلع بوجهي ولد بس شافني غمزلي

وشمرلي كلمة لزمت نعالي وشمرته عليه خطيه نهانت

رجولته لكف نعالي من الكاع ويصيح اليوم اذا ما احطه بحلكج

ما اطلع اسمي احمد مدري منين طلع شاهين

ولزمه دك بالنعال واني الفطيرة اصيح

ولك نعالي حينكطع خاب نعالي هلا

ذاك اليوم جبته بخمسه

شاهين ضربه اخر مرة وكاله يو شفتك مره الاخره هنا