ليتني لم اراك

الواحد والعشرون

رغد شردت من يمه قبل لا أفضح روحي لان اني

اصلا ممقتنعه وبعدني دا احاول

اتاقلم رجعت ماما بعدهه مجايه فتت بدلت

وتمددت مسحونه روحي وضليت افكر

بشاهين رجال هيبه وجمال وشخصية وميعيبه شي كامل

والكمال لله خلص اني مغلطت من وافقت راح ابقيهه

على رب العالمين

كمت سويتلي اكل وكعدت وفاتت ماما

ها ماماتي اشو تاخرتي

اي ماما السوك صاير لحم مبقه

شي لمحرم والناس دا تتسوك

صدوك ماما حتى نطلع للسوك

نشتري ملابس لعرس حوراء

حيسووه قبل محرم

ادري شعده مستعجل اكو عروسه

بسبعتهه لابسه اسود

يماما خل يزوجون شعلينه

بس همه مو على اساس يزوجون سكتاوي

اي صح ماما بس حوراء

مقنعته كلتله عرسي الاول

هم سويناه بيناتنه لان زوجهه

جان عمه متوفي مصارله سنه

ولاحه عليه وقابل

بس ميسووه هنا ببغداد

وانتي شمدريج بهل حجي
هذه كله يوم

ماما زهره كلتلي البارحه

اي وتردين تحضرين دخل

يعزمون اول بعدهه توهه سكتت

واندك الباب طلعت فتحتهه

الحجيه وزهره ومره عمهم

ام براء بوستهن وفاتن

كعدنه نسولف بعدين عزمونه

للعرس يصادف يوم الخميس

قبل محرم باسبوع

كلت هسه يحجن بموضوعنه

اني وشاهين بس محجن ضلن

عدنه للعصر وراحن

واحنه كمنه نضفنه وحضرنه

للعشه تعشينه وكملنه وطلعنه

للحديقه بابا جايب ورد وكعدنه

نزرعهم كولش اتونس على هل

سوالف خلصنه ودخلنه بوجهنه

للحمام وبعدها نمنه ..

شاهين طلعت من الصيدلية ومر

عليه ولد صديقي وطلعنه

فترينه بره نوب تغدينه