لعنة جعلتني أحبك( قيد التعديل)

البارت السادس عشر

شهقة خرجت من فم روان افزعت محمد عندما صرخت بصدمة "سولي؟؟؟" نظر لها هذا الشخص بتشنج وهو يقول "اسمي سليم يا حيوانة"

اقتربت منه روان بصدمة ودموعها تهبط بدون شعور وهي تقول "يخربيتك وحشتني" ضمها سليم بحنان لتضمه هي باشتياق وهي تبكي وتقول "ليه تسيبني كل ده يا سليم"

"يا عبيطة هو علشاني، ما كل ده علشانك وعلشان اجيب حقك" قالها سليم وهو يربت على ظهرها بحنان واشتياق ليقترب منهما محمد وهو يبتسم ببلاهه ويقول "تبارك الرحمن، ستفر الدمعة من عيني من كثرة التأثر بهذا المشهد"

وفي ثواني كان يسحب روان من احضان سليم وهو يقول بتشنج "ما الذي يحدث هنا؟، كيف تضميه هكذا اجننتي؟ ام انعدم الدين في المستقبل ام ماذا؟"

نظرت له روان بتوتر وهي تقول "ماهو اصل هو..." قاطعها سليم وهو يصافح محمد ويبتسم باستفزاز وهو يقول "انا سليم المغربي ابن خالة روان، وكان في مشروع جواز ما بينا لولا فرق السن وقف عقبة ما بينا"

"سن مين يا معفن ده هما شهرين الي بيني وبينك" قالتها روان بغضب ليقول سليم بتأثر "عمر ما السن كان عقبة في طريق الحب يا روان"

ضغط محمد على شفتيه السفليه بغضب وهو ينظر لروان بوعيد ثم قبض كفه على هيئة قبضة وهو يحرك رقبته يمينًا ثم يسارًا لتصدر صوت عظامه وتنفر عروقه بغضب ليبتعد سليم للخلف وهو يقول بخوف "هو هيتحول ولا ايه؟؟ حضرتك انا معرفهاش عيلتنا متبرية منها، انا اساسا متجوز وعندي تامر وعلاء"

نظرت روان لمحمد بخوف هي الأخرى لتقترب من سليم وهي تقول "هو في ايه؟ انا خوفت هو هيقطع رقبتنا ولا ايه؟" نظر لها سليم بتشنج وهو يقول "رقبة مين ياما؟ حضرتك وربنا انا مليش علاقة بيها اساسا انا لولا أن شغلي خلص انا لا كنت جيت ولا شوفت وشها"

"اه يا واطي" قالتها روان بغضب ليقترب محمد من روان وهو يسحبها من يدها يضعها خلف ظهره لينظر له سليم بخوف وهو يقول "خدها براحتك، لو عايز تكتب عليها دلوقتي وابقى شاهد فألف الف مبروك حضرتك"

نظر محمد لروان التي تقف خلف ظهره ليهمس لها بغضب "من هذا الكائن الظريف؟ الم تخبريني أن خالتك لم تنجب ولم تتزوج" ابتلعت روان لعابها بتوتر وهي تقول "بقولك ايه ببصتك الي ترعب دي، انا قادرة على التحدي والمواجهة على فكرة"

نظرت له روان لتجد ملامح الغضب لم تلين بعد لذلك قالت وهي على وشك البكاء "او مش قادرة مش متاكدة اوي" لم يستطع محمد منع بسمته من الخروج ثم قال بهدوء يخفي خلفه عاصفة "من هذا يا روان؟ وكيف تضميه هكذا"

تنهدت روان ثم قالت "انا عندي خالة تانية اسمها فاطمة، لما اتولدت ماما كانت بترضعني صناعي لحد ما بقى عندي شهرين وخالتو فاطمة جابت سليم، فقررت ترضعنا على بعض يعني هو اخويا في الرضاعة محرم عليا شرعًا"