I'M HIS SEX SLAVE, BESTFRIEND AND HIS FUTURE (COMPLETED)

CHAPTER 39

LIAM's POV

"Sigurado ka ba na sa iyo yun?" Hindi ko malaman kung ano ang pumasok sa isip ko at itinanong ko ang bagay na iyon sa kaniya.

"No." Naisampal ko ang kamay ko sa mukha ko.

"Hindi ka pa niyan sigurado? Pero parang siguradong sigurado na ang mga galaw mo Ian." Inis na sabi ko. "Minahal mo ba talaga siya?" Biglang tanong ko, tumingin ito sa akin

"Oo!" Inis na sabi nito

"Bakit parang ang dali lang sayo? Nandyan ka!" Itinuro ko siya "At nandoon siya!" Itinuro ko ang labas "siya na ang lumalayo, at hindi mo naman siya sinusubukang lapitan! Mahal mo talaga ha!" Sarkastiko kong sabi, tumayo ito at agad na hinablot ang kuwelyo ko. Mabuti nalang at walang tao dito sa clinic.

"Wag na wag mong ku-kwestyunin ang pagmamahal ko sa kaniya!" Galit na sabi nito.

"Bakit hindi mo subukang ipaglaban para walang nagtatanong kung anong pagmamahal ang ibinigay mo sa kaniya!" Pinantayan ko ang galit niya. Binitiwan nito ang kuwelyo ko at tumalikod sa akin.

"Paano ko siya ipaglalaban kung siya mismo ang hindi lumalaban? Nalaman mo naman 'di ba? Nagpapaligaw siya kay El." Nawawalang pag-asang sabi nito.

"Nagpapaligaw siya dahil hindi naman siya sayo. Wala siyang dahilan na pwedeng sabihin sa pwedeng manligaw sa kaniya na siya ay para na sa iisang tao! Pag isipan mo ito Ian, nasa isa kang kwarto pero hindi sayo kundi sa kaibigan mo. May gustong pumasok gusto mong sabihin na hindi pwede pero wala kang titulo na kapit. Ganoon ang nasa isip niya Ian!" Pilit kong ipinaintindi sa kaniya.

"Paano? Kung lahat ng tao, bagay at nakaraan ay nakaharang?" Nawawalang pag-asa, nanlulumong sabi nito.

"Madali yang labanan. kung makakasama mo siyang lumaban sa mga iyon." Naupo ako sa upuan na nasa gilid ng kama. "Minsan talaga mas matalino ako sa 'yo hindi lang nakikita nina Miss." Pabiro kong sabi. Umiling ito

"Pasensya na, nadala lang ako ng galit." Paumanhin nito.

"Akala ko itutuloy mo, sisirain mo pa ang pagkakaayos ng mukha ko." Pabiro kong sabi "Pero Ian seryoso, Wag mong hayaang mawala sayo si Sam. Baka pagsisihan mo sa huli ang desisyon na 'yan."

"Ayaw kong tumakas sa ginawa kong mali Li." Mahinahong sabi niya. "Nakagawa ako nang mali dapat tanggapin ko ang kinahinatnan ng mga iyon."

"At tanggapin ang batang iyon nang hindi sigurado? Yun ba?"

"Mahal mo parin si Irish." Bumuntong hininga siya "Bakit siya hindi mo pinaglaban? Kaya bakit ko gagawin ang inuutos mo?"

"Magkaiba tayo, ako mahal ko si Irish pero hindi ako ang mahal niya. Ikaw" itinuro ko siya "mahal niyo ang isa't isa. Kaya dapat lumaban ka, lalaki ka Ian. Ang lalaki minsan ang nauunang lumaban lalo na kung may ipaglalaban."

"Paano kung siya ang may ayaw na ilaban k-"

"Siya ba... O ikaw?" Tiningnan ko siya nang may panghuhusga "Parang hindi na ikaw ang Charles Gianne Jimenez. na nakilala ko. Yung mahilig sa bakbakan, suntok dito, suntok doon. Pasa sa muka, galos sa katawan at pilay sa paa, makuha lang ang gustong mapasa kaniya. Wag mong mamasamain ang tanong ko ha? Tanong lang ito walang suguran ha?" Paninigurado ko "Gusto mo ba talaga siyang bumalik sayo... O ayaw mo?"

"Ayaw ko." Walang alinlangang sagot nito, gulat ko siyang tiningnan.

"Sa pagkakataong ito ang isang Jimenez ay nag-ayaw sa gusto niya. Kakaiba, anong dahilan ba ang meron ka para ayawan mo ang gusto mo?"

"Haharapin ko ang bagay na nasa harap ko mismo Liam Vhile Mirandez!" Galit nitong sabi

"Isipin mo ang nasa likod mo kung ganoon. Kung uunahin mo ang nasa harap mo, alamin mo kung may nasasaktan ba sa likod mo. Parang sinasabi mo na mas mahalaga ang nasa harap mo bago ang nasa likod mo." Kalmado kong sabi. Isang Jimenez na tumalikod sa gusto niya para lang harapin ang nasa harap niya, hindi kapani-paniwala ang nangyayari.