BLUE SIDE [Completed]

•9•

"Чиний хүсч байсан бүхнийг өгье."

~¤¤¤~

Back to BLUE side...

~¤¤¤~

      Зөөлхөн хэрнээ чийглэг зүйл гарыг минь дамжаад хүзүү хүртэл удаанаар гүйхэд тархи минь одоо л надад захирагдаж байна уу? гэлтэй сая нэг юм ухаан орно.

      Амьсгал минь хүндэрч байлаа. Цээж хатгуулан өвдөж, бүхий л бие минь миний эсрэг болчихсон юм шиг хөндий, хүйтэн. Одоо ч нүдээ нээчхээд цав цагаан тааз ширтсэн чигтээ айдаст автахдаа "үхэл" гээчийг ялчихсан мэт санагдах ч угтаа нүүр тулна гэхэд л зүрх зогсчих шахна.

     Би гэдэг хүн үхэхэд дэндүү хайран байгаадаа биш. Намайг үгүй болоход үлдэх хүмүүс нь л дэндүү хайран болохоор... Тэрхэн зуур гялалзаад л өнгөрсөн оршихуйд минь хайраа зориулсан тэдний гунигт автаж өнгөрөөх өдрүүдэд л харамсал төрөх юм шиг байна.

"Р..Рүри?"

     Түүний хоолой бүх бодлыг минь үргээж, намайг бодит байдалд авчрахад би эмнэлэгийн өрөөн дэх зүрхний аппаратны чимээг сонсов.

Байдал хүндэрсэн бололтой.

     Гарт минь дусал залгаж, энэ тэндгүй эмний үнэр ханхална.