Love of an idoit အရူးတစ်ယောက်ရဲ့အချစ် [Ongoing]

အပိုင်း ၂၃

Unicode

  ရှောင်ဟန်တို့နှစ်ယောက်သည်် ရှန်ဟိုင်းမြို့တွင်ရှိသည့် အစည်ကားဆုံး စျေးဝယ်စင်တာကြီးများထဲမှ အကောင်းဆုံးတစ်ခုကို ရွေးချယ်လိုက်ကြပြီး ထို စင်တာတွင်သာ လိုအပ်သည့် အရာများကို ဝယ်ယူရန် ဆုံးဖြတ်လိုက်ကြသည်။စျေးဝယ်စင်တာ အတွင်းကို ရောက်ရှိပြီဆိုသည်နှင့် ရှောင်ဟန်သည် အရင်ဉီးဆုံး တိရိစ္ဆာန် အစာ ရောင်းသည့် ဆ်ိုင်များဘက်သို့ ခပ်သွပ်သွပ် လျှောက်လှမ်းလေတော့သည်။ ကျိုးယွင်ကလည်း ရှောင်ဟန်၏ မိမိကိုယ်ကိုယ်တောင် မည်သည့် ဟန်ပန်ပြုမှုနေမှန်းမရိပ်မိဘဲတက်ကြွနေတဲ့ ဆယ်နှစ်သား ကလေးကဲ့သို့ ဖြစ်နေသည့် ရှောင်ဟန်ရဲ့ ကျောပြင်လေးကို ကြည့်ပြီး သတိမထားမိလိုက်ဘဲ စစ်မှန်တဲ့ အပြုံးလေးတစ်ချက်ကိုပြုံးလိုက်မိသည်။

ကြောင်စာ ဝယ်နေသည့် အချိန်များတွင်လည်း ကျိုးယွင်သည်ကား ရှောင်ဟန်၏ ပြုမူလုပ်ဆောင်ချက်များကို အသေးစိတ်လိုက်လံ ကြည့်ရှု့နေမိသည်။

ကျိုးယွင်၏ အကြည့်များသည် အမြတ်တနိုးသိမ်းဆည်းထားချင်သည့် သက်ရှိအရုပ်ကလေးကို ကြည့်ရှု့နေခြင်းထက် များစွာသာလွန်ကာ  မျက်ဝန်းများက အသက်ဝင်စူးရှနေလေသည်။ယခုဖြစ်နေသည့် သူ၏ ပုံစံသည်ကား သူ မပိုင်ဆိုင်သေးသည့် အရာကို ရယူလို​သောဟန်ဖြင့် ကြည့်ရှု့နေသည့် ပုံစံမျိုးမဟုတ်ဘဲ သူတစ်ယောက်တည်းကသာ ပိုင်ဆိုင်ခွင့်ရထားသည့် သူပိုင်ဆိုင််သည့်အရာ ကိုအမြတ်တနိုးကြည့်ရှု့နေသည့် အမူအရာ ဟန်ပန်မျိုးဖြစ်သည်။ ထိုအချင်းအရာကို ကြောင်စာ ဝယ်ရန်အတွက်သာ စိတ်ရောက်နေသည့် ရှောင်ဟန်က အဘယ်သို့ကြောင့် သိလိမ့်မည်အံ့နည်း ။ ရှောင်ဟန်သည်ကား ကျိုးယွင်က သူ့ကို ကြည့်နေသည့် ထိုမရိုးသားသည့် မသင့်လျှော်မအပ်ဆပ်သည့် အကြည့်များကို သတိထားမိလိမ့်မည် မဟုတ်ပါချေ။

ရှောင်ဟန်သည် snowလေးအတွက် လိုအပ်သည့် ကြောင်စာကို အလုံအလောက်ဝယ်ယူလိုက်ပြီး စိတ်ကျေနပ်သည့် အမူအရာဖြင့် ကျိုးယွင်အား ပြုံးပြလိုက်သည်။
ကျသင့်ငွေရှင်းရန်အတွက် ကောင်တာသို့သွားရန်
ဝယ်ယူထားသည့် အရာများကိုမနိုင်မနင်းမကာ ကျိုးယွင်ကို မစောင့်တော့ဘဲ အမြန်ထွက်လာခဲ့လိုက်သည်။ ကျိုးယွင်သည် ရှောင်ဟန်၏ ထိုတက်ကြွပျော်ရွှင်နေသည့်အမူအရာများကိုကြည့်ကာ မလွယ်ပါလား ဆိုသည့် ပုံစံဖြင့်သာ  ခေါင်းတစ်ချက်ခါလိုက်ပြီး အပြုံးလေးဖြင့် ရှောင်ဟန်ကော သွားရာ နောက်သာ ထပ်မံလိုက်ရပြန်သည်။